Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0478

1270, décembre. – Douai.

Type de document: charte: vente

Objet: Vente par Huon L'Enfant à Amé de Mons, dit "Le Mone”, et aux enfants de Gérard Le Morant du quart de la charpente et des droits de justice et de seigneurie qu'il avait sur le moulin situé sur l’abreuvoir de Douayeul.

Auteur: non annoncé, échevins de Douai.

Disposant: Huon L'Enfant.

Sceau: non scellé; devise chirographaire: CY-RO-GRA-PHUM

Bénéficiaire: Amé de Mons, dit "Le Mone”; les enfants de Gérard Le Morant.

Autres Acteurs: échevins de Douai: Jehan Picquette et Jaquemon de Landas.

Support: Original parchemin chirographe superposé bipartite - partie supérieure.

Lieu de conservation: AM Douai, FF 661/5983.

Édition antérieure: Espinas, Vie urbaine, t. III, n° 549, p. 417.

Verso: Cis escris est Amet le Moune de-Mons et les enfans Grart le Morant ki fu.

1 Sacent tout cil ki sunt et ki a venir sunt que Hues li-Enfés a vendu et werpi a Amet le Mone \2 de Mons et as enfans Grart le Morant ki fu le quarte partie qu'il avoit, si conme il dist, a le huge \3 dou moelin ki-siet sour le wes a-Devyoel et toute le justice et le segnourie tele que cils Hues l'avoit \4 ou moelin devant dit; et tout chou que chi devant est deviset que Hues avoit a le huge devant \5 dite et le justice et le segnourie qu'il avoit ou moelin devant nonmet, si-conme il dist, a-en-couvent a-aquiter \6 Hues devant dis dusques au-dit des eskevins a Amet et as enfans Grart le Morant devant \7 dis; et s'est a-savoir que a-tout chou que chi devant est deviset, a Amés devant dis en-se \8 partie propre le moitiet et li enfant Grart le Morant ki fu en leur partie propre l'autre \9 moitiet. Tout chou fu-fait en le hale par-devant eskevins Jehan Pikete et Jakemes \10 de Landas ^[1], en l'an del Incarnation .M.CC. et. LXX., el-mois de decembre.

Notes de transcription
^[1] Le nom des échevins est d'une encre plus pâle ms.