Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe250

1346, 5 août.

Type de document: charte: vente

Objet: Vente par Humbert de Joux, seigneur de Naisey, chevalier, et par Simonete de Gonsans, safemme, autorisée par son mari, à Richart dit Vaydrel, de Porrentruy, chevalier, agissantau nom de son fils Jean de Porrentruy, écuyer, pour s’acquitter d’une dette de 95florins d’or de Florence, prix d’un coursier perdu par Jean de Porrentruy au serviced’Humbert, d’une rente annuelle et perpétuelle de dix-neuf « quarressons », moitié blémoitié avoine, à la mesure de Porrentruy, payable au Maira près de Milandre, le blé à laSaint-Michel et l’avoine à la Saint-Martin et assignée sur tous les biens d’Humbert etde sa femme au Maira, paroisse de Buix, diocèse de Besançon. — Acte établi au nom del’official de Besançon par Jean de Cuttura, prêtre, et par Guillaume dit de Germigney,de Salins, tous deux notaires, et passé sous le sceau de l’official et, à la demande desa femme, sous celui d’Humbert de Joux.

Commentaire: Parchemin jadis scellé de deux sceaux sur double queue; il subsiste des fragments,particulièrement du sceau de cire rouge de Humbert de Joux. AAEB, Chartes. — Analyse parJ. Trouillat, Monuments…, III, p. 837-838.

1 Nos, officials de la court de Besençon, 2 façons savoir a touz 3 que, par devant monssi Jehan de Cuture, prestre, et Guillaume dit de Germeigney, de Salins, clers, notaires, \2 de nostre court de Besençon, a quelx, quant es choses ci desobz escriptes et a plus grant, nos avons commis nos voies et commettons par-ces presentes lettres et es quelx \3 et a un chescuns de lour nos ajotons foiz pleniere, pour ce en-droit personalmant establi et venant expecialmant, nobles hons, messi Humbers de Jour, chevaliers, sires de Nesey, \4 et dame Symonate de Goncens, sai fame, par le lox et auctoritey dou dit monssi Humbert, son mari, present, louhant et auctorizant, hont recoignu uvertemant qu-il homt \5 vendu et vendent, pour lour et pour lour hoirs, ai touz jours-mais, et uns-chascuns de lour pour le tout, a monssi Richart dit Vendrei, de Poureintruy, chevaliers, \6 aichetant, en nom et pour Jehan de Pourreintruy, escuier, fil dou dit monssi Richairt, pour lui, Jehan, et pour ses hoirs, deix-nuef quarressons, moitie blef pur de an\7nuel et perpetuel rente et moitie avoynne, a lai mesure de Pourreintruy, a-pahier et rendre chascun an franchemant, ai touz jors-mais, des diz venditours et de lour \8 hoirs a dit aichetour, en nom que dessus, a lui Jehan, fil monssi Richairt, et ai ses hoirs ou ai sunt certain comandemant, a Mairoix pres de Milande, le blef pur de ren \9te le jour de lai feste de saint Michiel et l-avoynne le jour de lai feste de saint Martin d-yvert, pour le pris de quaitre vint et quinze florins de bon or de \10 Florance de loal et juste poys, que li diz messi Humbers devoit a dit Jehan, fil monssi Richairt, pour raison d-un corcier brun bay qu-il hai haü perdu ou \11 servise dou dit monssi Humbert, leal acort suis ce fait antre lour. 4 Les quelx deix-nuef quarressons moitanges, a lai dite mesure, li dit messi Humbers et dame Sy\12monate, sai fame, par lo lox et auctoritey que dessus, hont assis et assetent, pour lour et pour lour hoirs, ai toz jours-mais, et chascuns de lour pour le tout, a \13 dit monssi Richairt, en nom que dessus, a lui Jehan, son fil, pour lui et pour ses hoirs, suis quanque et tout ce de herietaige entieremant que li dit messi Hum \14bers et dame Simonate, sai fame, hont, pouhent et doient havoir danz les quaitre corps dou maigni dou Maroyx et dou territoire et finaige dou dit Ma\15roix, qu-est dou parrochaige de Boix, de lai diocese de Besençon, en champs, preiz, huiches, bois, censes, rentes, diesmes, terraiges et toutes autres chouses, sen \16 riens exceptei. 5 Et se sunt desvestu et se desvestent li dit messi Humbers et sai dite feme, par le lox et auctoritey que desus, pour lour et pour lour hoirs, ai \17 touz jours-mais, et chascuns de lour pour le tout, des diz deix-nuef quarressons moitanges de annuel rente et dou dit assignal quant ai ycels, et le dit \18 aichetour, en nom que dessus, en hont envestu et envestent, mis et maten en bone tenure et corporal possessiom, ou aussi par lai tradicion de ces presentes lettres, \19 por le dit Jehan et pour ses hoirs. 6 Et ceste dite vendue et toutes les chouses dessus escriptes et une chascune d-icelles hont promis et promattent li dit ven\20ditour, par le lox et auctorité que dessus, par lour lohalz soiremanz donez corporalmant, pour lour et pour lour hoirs, en lay main de noz dit comandemant, sollempnel \21 stipulaciom entrevenant, et suis l-obligaciom de touz lour biens moubles et non moubles, presen et a-venir, tenir et garder fermemant, paier et rendre \22 chascun an franchemant, ai-toz jours-mais, es diz termes lai dite rente, et chascuns de lour pour le tout, a dit monssi Richairt et, en nom que dessus, a-lui Jehan, som \23 fil, et hai ses hoirs, gaurantir et appaisier franchemant le dit assignal ai touz jours-mais, en touz lues, en jugemant et deffuers, et contre touz senz ge\24mais venir encontre ^[1] lai tenour de ces presentes lettres en nul caus, et senz consentir que nuls autres y veigne en apper ou en resconduz, en lour et lour \25 hoirs submattant, par le lox et autoritey que dessus et chascuns de lour pour le tout, a-lai juridicion et cohercion de lai court de Besençon et de toutes autres \26 cours ecclesiastes et seculeres pour estre controinz, ensamble et deviseemant, par lai quelle des dites cours que li diz messi Richars, en nom que dessus, amerai muelz, \27 li diz Jehans, ses fiz, et sui hoir, a l-observacion de toutes et singuleres les chosses dessus escriptes, non obstant acunes excepcions de mal, de baret, de lesion, de \28 decepcion, a l-excepcion de decepcion outre lai moitie dou droit pris ou emqui devirom, et que autre chouse soit estei escripte que acordee, et expecialmant \29 la dite dame Symonate a lai loy juliainne dou fom de douhaire non mie aliener, et a touz droiz et previleiges introduz et ai introdure en favour de fe\30mes, et toutes autres excepcions de fait, de droit, et a-droit que dit lai general renunciacion non mie valoir. 7 En tesmoignaige de lai quel chose, nos, officials dessus \31 diz, a lai relacion de noz dit jurey, havons mis le seal de la dite cour de Besençon pendant en ces presentes lettres. Et je, lai dite Symonate, hai prié et requis \32 a dit monssi Humbert, mon mari, qu-il mate son sel avec le dit seal de la dite court de Besençon en ces lettres; et je, li diz Humbers de Jour, chevaliers, sires de \33 Nesey, qui recoignois totes les choses dessus dites estre vraies, a lai priere et requeste de lai dite dame Symonate, mai fame, et par tant cum il m-an \34 apartiens, hai mis mon sel avec le dit sel de la cour de Besençon pendant en ces presentes lettres. 8 Faites et donees le sambedi aprés l-Invention saint Estiene, \35 l-am Nostre Seignour corrant par mil .CCC.XL.-seix.
9 Guillaumes de Salins. Ita est. Jo. de Cuture.

Notes de transcription
^[1] Ainsi coupé: en contre.