Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe248

1346 (n. st.), 20 mars.

Type de document: charte: vente

Objet: Vente par Humbelin de Courgenay, fils de feu Jeannot, de Courgenay, à Jehannenet dit leCoursat, bourgeois de Porrentruy, receveur du conseil des bourgeois et de la communautéde Porrentruy, pour 10 l. de nouveaux bâlois ayant cours au marché de Porrentruy de tousses droits sur les bains de Porrentruy, sur l’édifice contigu et sur le chesal; etannulation de tous les titres antérieurs dont le vendeur pourrait se prévaloir (voirn° 243). Témoins: Pierre dit Bruat, curé de Fontenais, Girart, chapelain de la confrériede Porrentruy, Henri l’Allemand, prévôt de Porrentruy, [Loviat] Marchant, maire d’Ajoie,et Girart dit le Large, bourgeois de Montbéliart, etc. — Acte établi au nom et sous lesceau de l’official de Besançon par Huguenin Jean de Boncourt, notaire.

Commentaire: Parchemin jadis scellé sur simple queue. Porrentruy, Archives de l’Hôpital, III H 12.— Analyse par J. Trouillat, Monuments…, III, p. 892 (à la date du 28 février1345).

1 Nos, officialz de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire et jurey de lai dessus dite \2 court, nostre comandemant expecial a quel, quant es choses que sunt ci aprés escriptes et quant a plus granz, nos havons commis et commatons \3 par ces presentes lettres nostre pouhoir et y adjostons foy plus plenieremant, pour ce en droit personalmant estaublis et venanz expecialmant, \4 Humbelins de Courgeignay, filz Jehanno, de Courgeignay, qui fu, hai recoignu uvertemant qu-il hai vendu et vent, por lui et por ses hoirs, ai touz \5 jours-mais, ai Jehannenat dit le Coursat, bourgois de Pourreintruy, recevour en cest temps de tout le consolt, commu\6nal et habitanz de et en lai vile de Pourraintrui, por lour et por lor hoirs et successours et aprés venanz, present et aichetant tout le droit \7 et toute lai raison, actiom, reclamation, proprietey et possessiom que li diz Humbelins, venditerres, hai, puet et doit havoir, par quelque titre \8 et cause que ce soit, en lai badestoube gesanz fuer des murs de lai vile de Pourraintruy, ensemble le masenemant continguant et ensugant \9 entieremant d-icelle, et ou chesaul et apertenances d-icels gesanz entre lai fonteynne de lai Bouxiere, de Pourraintruy, d-unne part et le curtil \10 Jehannenat dit le Donzellat, de Pourraintruy, qui fu, d-autre, et dure de longons deis les boenes que sunt mises entre Sebeliat, feme \11 Hugue de Vatonvelair, tout fuer en fuer jusque a l-autre boene de pierre qu-est pres de lai Bouxiere, que dessavre le dit communnal \12 de Pourraintruy de ce que li diz Humbelins havoit retenu de lour, pour le pries de deix libres de bons nuhes baloys corsables ou merchief de \13 Pourraintruy, que li diz venditerres en hai hahu et recehu dou dit aichetour, en nom que dessus, et les hai mis et convertiz en son evidant proffit, \14 par qu-il s-an est tenuz et s-an tient por bien pahiez entieremant. 4 Et s-est desvestuz et desvest li diz venditerres, por lui et por ses hoirs, perpetuel\15mant de lai dite vendicion et de toutes et singuleres les choses dessus dites par lai maniere que dessus est contenuz, et le dit aichetour, en nom \16 que dessus, en hai envestu et envest, mis et mat en bone et lehal tenure et en corporal possessiom, ou aussi par lai tradiction de ces presentes lettres, \17 por lui et en nom que dessus, por lour, por lor hoirs, successours et aprés venanz. 5 Item, est a-savoir que toutes autres lettres, quels que alles soient \18 et comant qu-elles soient appellees et desoz quelque seal qu-elles soient saellees quant a cest fait, soit de l-auctoritei de monssi l-avesque de Baille \19, dou recevour ou de l-eymbourch ou dou consolt des bourgois de Pourraintruy et de toz autres quant a dit fait, de nul valour et de \20 nul effect par lai tenour de ces presentes lettres que demorent et doient demorer por toz jours-mais en lour force et valour. 6 Et \21 toutes les choses dessus escriptes et une chascunne d-icelles hay promis et promat li diz Humbelins, venditerres, par son lehal soire\22mant donei corporalmant, por lui et por ses hoirs, en lai main de nostre dit comandemant, sollempnel stipulation entrevenant, et suis \23 l-obligation de toz ses biens moubles et non moubles, presenz et a-venir, tenir et garder fermemant ai toz jours-mais, a dit aichetour \24 et hai ses hoirs, gaurantir et appaisier lai dite badestoube, le dit masenemant et les dites choses entieremant, par enssi cum \25 dessus est descleries, par tant de temps come lehal tenure s-affiert en Ajoye, es propres missions et despens dou dit venditour et \26 de ses hoirs et franchemant, en tous lues, en jugemanz et deffuers, et contre touz, senz gemais venir encuntre ^[1] lai tenour de ces \27 presentes lettres par lui ne par autrui, en nul caux, et senz consentir que nuls autres y-voingne en appert ou en rescondut, en lui et \28 ses hoirs submattant li diz venditerres, quant es choses dessus escriptes, a lai juridiction et cohercion de lai dite court de Besençon et de \29 toutes autres cours ecclesiastes et seculeres por estre controinz, par lai quelle des dites cours que li diz aicheterres, en nom que \30 dessus, amerai muels, il et sui hoir, a l-observation de toutes et singuleres les choses dessus escriptes, non obstant acunnes exceptions \31 de mal, de baret, de lesion, de deception, a l-exception de deception outre lai moitie dou droit pries ou emqui deviron, \32 et que autre chose soit estei escripte que acordee, a lai copie de ces lettres, ai toz droiz, previleiges, graices et libertees donez \33 et hai doner, faictes et a-faire de papes, de emperours et de toz autres, et hai totes autres exceptions de fait et de droit, \34 et a droit disant que li generalz renunciations ne vaut se li expecialz ne vay de devant. 7 En tesmoignaige de lai quel \35 chose, nos, officialz dessus diz, a lai relation de nostre dit jurey, havons mis le seal de lai dite court de Besençon pendant \36 en ces presentes lettres. 8 Faictes et donees, presenz monssi Pierre dit Brouhat, curey de Fonthenois, prestre, monssi Girart, chaippellain de lai \37 confrerie, Henri l-Aulemant, prevost de Pourreintruy, Marchant, mayre d-Ajoie, et Girart dit le Lairge, bourgois \38 de Montbeliart, et plusours autres dignes de foy, le lundi aprés le duemange que om chantaist Oculi mei, l-an de Nostre Signour \39 Jhesu-Crist courrant par mil trois-cenz et quarante et cinc.
9 H. J. de Boncourt.

Notes de transcription
^[1] Ainsi coupé: en cuntre.