Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe245

1345, 15 décembre.

Type de document: charte: vente

Objet: Vente par Perrin, fils de Thibaut, fils d’Hugoniat, de Grandfontaine, et par Gonate, samère, autorisée par son fils, comme avoué, à Thibaut, fils de feu Jehannenet de Rocourt,écuyer, pour 18 s. de nouveaux bâlois ayant cours au marché de Porrentruy du douzièmed’un champ à Grandfontaine. Témoins: Jehannenet Ballel, frère du vendeur, et Vienat,serviteur de Richart dit Vaydrel. — Acte établi au nom et sous le sceau de l’official deBesançon par Huguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/110. — Analyse par J.Trouillat, Monuments…, III, p. 833.

Verso: Spectat ad Th., fil Jehannenat de Rocourt. — De Perrin, fil Thiebaut le fil Hugoniat de Grantfontaine ( xiv^e siècle).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, \2 clerc, notaire et jurey de nostre dite court, nostre comandemant expecial a quel, quant es choses que sunt ci desoz \3 escriptes et quant a plus granz, nos havons commis et commattons par ces presentes lettres nostre pouhoir \4 et y-adjostons foy plus plenieremant, pour ce en droit personalmant estaublis et venanz expe\5cialmant (venanz), Perrins, li fiz Thiebaut, fil Hugoniat, de Grantfontaine, et dite Gonate, sai mere, \6 par le lox et auctoritei dou dit Perrin, son fil, son lehal vouhey donei a ley par une uverte justise pour \7 ce et pour plusours autres choses sesant en justise uverte et par leal jugemant, present et auctorizant, hont \8 recoignu uvertemant qu-il, non mie decehu ne baretez, mais pour lour proffit evidant, hont vendu \9 et vendent, pour lour et pour lor hoirs, ai touz jours-mais, et chascuns de lour pour le tout, a Thie\10baut, le fil Jehanenat de Rocourt, escuier, qui fu, pour lui et pour ses hoirs, present et \11 aichetant, le tiers dou quairs dou champ des Chesnoiz, gesant ou territoire de Grantfontaine, li \12 anfant Vauthier, de Grantfontaine, hont d-unne part et Borquerdaz, fiz Trop Saige, hai d-autre part, \13 par enssi com il est part a Richairt, de Grantfontaine, qui hai les douhes pars, pour deix-huit solz \14 de bons nuhes baloys corsables ou merchief de Pourreintrui, que li dit venditour en hont \15 hahu et recehu des diz venditours et les hont mis et convertiz en lour evidanz proffiz, par qu-il \16 s-an sunt tenu pour bien pahiez entieremant. 4 Et se sunt devestu, por lour et por lor hoirs, ai toz \17 jors-mais, par les lox et actoritey que dessus et chascuns de lour pour le tout, de lai dite vendiciom, \18 et le dit aichetour en hont envestu et mis en bone et leal tenure et en corporal possession, \19 ou aussi par lai tradictiom de ces presentes lettres, por lui et pour ses hoirs. 5 Et ceste dite vendiciom \20 et toutes les choses dessus dites hont il promis, par les lox que dessus, par lour soiremanz donez \21 corporalmant, pour lour et pour lor hoirs, en lai main de nostre dit jurey, sollempnel stipulaciom \22 entrevenant, et suis l-obligaciom de touz lor biens moubles et non moubles, presenz et a-venir, tenir \23 et garder fermemant et perpetuelmant a dit aichetour et hai ses hoirs, garantir et apaisier de franc aluef \24 par tant com leal tenure s-affiert a dit luec, en toz lues et contre toz, senz gemais venir contre \25 ces lettres, en lor et lor hoirs submatant a lai juridictiom de lai court de Besençon et de totes au\26tres cours pour estre controinz a l-observaciom des dites choses, non obstant acunnes excepcions de fait \27 et de droit. 6 En tesmoignaige de lai quel chose, nos, a lai relaciom de nostre dit jurey, havons mis le \28 sel de lai court de Besençon en ces lettres. 7 Faites et donees, presenz Jehannenat Ballel, frere dou dit venditour, \29 et Vienat, garçon monssi Richairt Vendrey, le juesdi aprés lai feste de saincte Lucie, l-an \30 mil trois-cenz et quarante et cinc.
8 H. J. de Boncourt.