Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe240

1345, 17 août.

Type de document: charte: renonciation

Objet: Renonciation, en contrepartie de sa dot, par Marguerite, fille de Jehannenet ditMaquabré, de Tavannes, écuyer, autorisée par Nicolas de Montreux-Vieux, son mari, filsde feu Guillaume de Montreux-Vieux, chevalier, et par Perrin dit Bostal, son onclematernel et son avoué, à tous ses droits sur les successions paternelle et maternelle,réserve faite des successions collatérales. Témoins: Wellin de Brunnecome, Horri de laVauche, Henri d’Abbévillers, et Guillaume du Sanat, écuyers. — Acte établi au nom etsous le sceau de l’official de Besançon sur une minute de feu Huguenin Jean de Boncourt,notaire, par Hugues des Ancihains, prêtre, notaire.

Commentaire: Parchemin scellé sur simple queue. AAEB, Chartes. — Analyse par J. Trouillat,Monuments…, III, p. 831.

Verso: Littera Makabrey (xiv^e siècle).

1 Nos, officials de lai court de Besençon, 2 faiçons savoir a-touz 3 que, per devant Huguenin Jehan de Boncourt, clerc, notaire, jurey \2 de lai dite court, nostre comandemant expecial a quel, quant es chosses que s-ansuegant ^[1] et quant a plus grant, nos haivons \3 commis nostre pouhoir et commattons per ces presentes lettres, pour ce en droit personalmant establiz et venanz expecialmant, \4 Merguerite, fille Jehannenat dit Makabrey, de Taivannes, escuiers, per les los et auttoritez de Nycholaus dou Veille Meste\5ruel, filz monssi Willerme de Mesteruel, chevaliers, que fuit, son leal mairiz, et de Perin dit Bostal, som leaul wouhez et oncles \6 de ley de part sai mere, hai confessez et publiemant recoignu qu-elle hai quitiez et fait quitance pour touz jours-mais, pour \7 ley et pour ses hoirs, permey le mairihaige qu-elle en porte et doit havoir, ai Jehannenat dit Makabrey, de Taivannes, \8 escuiers, som leaulz peres, toutes les chosses que li diz Jehannenat, ses dit peres, hai ne pourroit havoir soit en maisons, \9 en chessaulz, en cultis, en ouches, en prais, en champs, en boys, en vergies et en touz herietaiges, en dyemes, en rantes, en \10 courvees, en moubles et neant moubles, present et a-venir, quel part qu-il soient, en franchisse ou defuers, et en blef et en avoine \11 et toutes eschoites et touz biens de part som dit pere et de part sai mere que li pourient avenir dou temps a-venir, \12 ai ley et ai ses hoirs, en retenant toutes eschoites collateralz ai ley et ai ses hoirs que elle ne quite pais ne ne \13 fait quitance. 4 Et toutes ces convenances et toutes ces chosses et singuleyres les chosses dessus dites hai promis et \14 promat li dite Merguerite, per som dit soiremant doney, pour ley et pour ses hoirs, en lai main dou dit nostre comandemant, \15 sollempnel stipulation entrevenant, et suis l-obligation de touz ses biens moubles et neant moubles, present et a-venir, tenir et \16 guerder farmemant a touz jours-mais, a dit Jehannenat, som dit peres, en touz luez et encontre-touz, senz gemais \17 venir encontre lai tenour de ces presentes lettres en nuls caus, en renuncent en cest fait li dite Merguerite, \18 per les los et auctoritez emsi come dessus, a toutes excepcions de mal, de beireit, de lesion, de (de) deception, a condiction senz \19 cause ou moins suffissant, et a-toutes autres excepcions de fait ou de droit, et a droit que dit que generalz renunciacions ne vaut, \20 en ley et ses hoirs submattant, per les los et auctoritez per emsic come dessus, li dite Merguerite ai lai juridiction \21 et cohercion de lai court de Besençon et de toutes autres cours ecclesiastes et seculeires a l-oservation de toutes les chosses \22 dessus dites, non obstant acunnes exceptions de fait ou de droit. 5 Et come li dessus dit Huguenin Jehan de Boncourt, qui hai recehut \23 lou los des chosses dessus dites emsi come contenuz est en une notte et ou prothocolle escripte de sai propre main, soit \24 trespessez de ses seygle en l-autre devant ce qu-il faices ne grossie ces lettres, nos, officials dessus dit, avons commis et commattons \25 per ces presentes lettres nostre pouhoir a-monssi Hugue des Hancihayns, prestres, notaire et jurey, de lai court de Besençom, nostre \26 comandemant expecial, pour examiner les nottes et prothocolles dou dit Huguenin Jehan de Boncourt et suis ycelles \27 faire et escripre et grossie les lettres que n-estoient encoures faites ne grossie dou dit Huguenin Jehan, lai substance \28 d-ycelles guerdee et observee. 6 En tesmoingnaige de lai quel chosse, nos, officials dessus dit, ai lai relation dou dit nostre \29 comandemant, avons mis le seal de lai dite court de Besençon en ces presentes lettres. 7 Faites et donees, quant es convenances \30 dou dit Huguenin Jehan, presenz Wellins de Brunnecome, Horriz de lai Vache, Henris de Beaulvilair et Willerme \31 dou Sanat ^[2], escuiers, le mescredit aprés l-Assuncion Nostre Dayme, l-an Nostre Seignours courrant per mil trois-cenz \32 quairante et cinc.
8 H. des Haincihayns.

Notes de transcription
^[1] Ainsi coupé: san suegant.
^[2] Ou Savat.