Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe237

1345 (n. st.), 3 février.

Type de document: charte: vente

Objet: Vente par Odat, fils de Muceit, de Seloncourt, et par Damete, sa femme, autorisée parson mari et par Willemin, frère de Gueron, de Fahy, son avoué, à Jehannenet, fils deGirardin, de Villars-le-Sec, pour 9 l. de bâlois ayant cours au marché de Porrentruy depièces de terre de franc-alleu à Fahy. Témoins: Cueniat [le chapuis], de Bure, demeurantà Porrentruy, Jean, son fils, Cuenin, fils de Bertin, de Vilars-le-Sec, etc. — Acteétabli au nom et sous le sceau de l’official de Besançon par Horri de Porrentruy,prêtre, notaire.

Commentaire: Parchemin jadis scellé sur simple queue; il subsiste un fragment. AAEB, B 239Ajoie/105. — Analyse par J. Trouillat, Monuments…, III, p. 821 (à la date du5 février 1344).

Verso: Littera Johennenoit, filz Girardin, de Velar le Sac (xiv^e siècle).

1 Nos, officials de la court de Besançons, 2 faiçons saivor a touz ces qui verront et horront ces presentes lettres 3 que, par devant \2 monsi Horri de Pourraintruy, preste, notaire et juriez de nostre court de Besançons, a quel nos avons foi pleniere et avons commis nostre \3 pouhoir et commetons par ces presentes lettres quant ay ces choses et a plus grant, pour cey en droit personalmant establis et ve\4nant, Houdat, filz Muceit, de Celoncourt, et Dameite, sai fome, par le lai voluntey de Willemin, freres Guerom, de Fayi, \5 wouhey de-ley einsic comme elle disoit, et de l-auctoritey son dit mari, ont recoingnu que il hont vendu a touz jours\6mais, a miex que on puet faire vendicion et plus fermemant entandre, a-Jehannenoit, filz Girardin, de Velar le Sac pres de Bures, \7 et a-sez hoirs, pour lour et pour lours hoirs, les peces de terre que s-ansuegant ^[1], de franc aluef, giesant ou terrectoire de Fayi, \8 es luec ci aprés nommeis; 4 premieremant, en lai vie de Velar, une pece, Henriat, filz dame Johanne de Cheveney, ai d-une part \9 et li anfans Mertin, de Fay, hont d-autre part; 5 item, en lai vie de Pourraintruy, une pece, li hoirs Pegoy, de Fayi, hont d-une part \10 et li hoirs Guiot hont d-autre part; 6 item, en lai vie de Cheveney, une pece, li diz hoirs Pegoy hont d-une part et li anfanz \11 Colin hont d-autre part; 7 item, en lai vie de Cheveney, une pece, Huguenins, filz a-l-Aipostoile ^[2], d-une part et li contours \12 des-champs est d-autre part; 8 item, en lai Tesseniere, une pece, Courtat, de Cove, ai d-une part et li contours est d-autre part; \13 9 item, es Champs Montans, a chamin de Coste Beley, une pece, Cuenins li Bouebe, de Bures, ai d-une part et li diz Courtais, de \14 Cove, a d-autre part ensamble suy partaiges, pour nuef livres de bons balloix, bone monoie coursable en plain merchie \15 de Pourraintruy, que li diz venditour hont haües et recehues, tant que il s-an sunt tenus pour bien paiiez entieremant. 10 Des \16 quels peces de terre et des apertenances, li diz venditour se sunt devestus, pour lour et pour lours hoirs, pour touz jours-mais, \17 et le dit achetour et ses hoirs en hont envestu, et si l-an hont mis en bone tenure et loiaul et en bone possession \18 par lai tradicion de ces presentes lettres. 11 Et si hont promis, par lours soiremant doné en lai main dou dit nostre commandemant \19 et en aprés sus l-obligacion de touz lours biens moubles et non moubles, present et a-venir, quel part que il soient, en fran\20chise ou deffors, que il ne iront ne ne feront ai aler par lour ne par autruy, coiemant ne an apert, contre ceste dite \21 vendicion, mais les tanront, apaiseront, gairantiront et deffandront a dit achetour et a-ses hoirs, \22 en touz luec, en toutes cours, en touz jugemans et deffors, encontre toutes gens, a lours propres despans et missions, \23 non obstant acune excepcion de fait ou de droit. 12 En tesmoingnaige de la quel chose et a lai relaciom dou \24 dit nostre commandemant, nos, officials devant nommeis, avons mis le seel de nostre dite court en ces presentes \25 lettres, 13 que furent faites et donees, present Cueniat, de Bures, demorant a-Pourraintruy, Johans, ses filz, Cuenin, filz Bertin, de \26 Velar, et plusours autres tesmoins a cey apelés et requis, le juesdi prochain aprés lai feste de lai Purificaciom \27 Nostre Dame, l-an Nostre Seingnour courrant par mil trois-cent quarante et quaitre.
14 Horri de Pourraintruy.

Notes de transcription
^[1] Ainsi coupé: san suegant.
^[2] Ainsi coupé: alai postoile.