Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe235

1345 (n. st.), 12 janvier.

Type de document: charte: reconnaissance

Objet: Reconnaissance de foi et hommage selon les us et coutumes de Bourgogne par Thibaut etpar Jean de Grandfontaine, écuyers, frères, fils de feu Willemenet de Grandfontaine,envers Thibaut de Rocourt, écuyer, fils de feu Jehannenet de Rocourt, écuyer, pour 40 l.d’estevenants ayant cours dans l’archevêché de Besançon que les deux frères devaientd’amende à Thibaut de Rocourt pour le meurtre de l’un de ses hommes, Girart lecellérier, de Rocourt; et réception des deux frères comme féaux et vassaux par Thibautde Rocourt. Témoins: Richart dit Vaydrel, de Porrentruy, Guillaume de Brémoncourt,chevaliers; Jeannin [de Brémoncourt], son frère, Jehannenet dit Maquabré, de Tavannes,Hugues le Chaitet, de Granges, Henri dit Voge, d’Undervelier et Richart de Chevenez,écuyers, etc. — Acte établi au nom et sous le sceau de l’official de Besançon parHuguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/21. — Analyse par J.Trouillat, Monuments…, III, p. 819-820 (à la date du 7 janvier 1344).

Verso: Li lettre Thiebaul et Johan, son frere, de Grantfontenne. — Spectat ad Th. fil Jehannenat de Rocourt (xiv^e siècle).

1 Nos, officialx de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurey de lai dite court, \2 nostre comandemant expecial a quel, quant es choses que sunt ci aprés escriptes et quant a plus granz, nos havons commis et commattons \3 par ces presentes lettres nostre pouhoir, pour ce en droit personalmant estaubli et venant expecialmant, Thiebauz et Jehans, frere, escuier, anfanz \4 Woillemenat de Grantfontainne, qui fu, hont confessei et recoignu publiemant qu-il sunt estrez, pour lour et por lour hoirs, ai \5 toz jours-mais, selonc les us et costumes de Bourgoingne, en lai foy et homayge de Thiebaut de Rocourt, escuier, fil Jehan \6nenat de Rocourt, escuier, qui fu, por le dit Thiebaut et por ses hoirs, pour quarante libres de bons estevenans corsables et recipiables \7 en l-arceveschie de Besençon, que li dessus dit frere Thiebauz et Jehans de Grantfontainne devoient et estoient tenu a dit Thiebaut de Rocourt por \8 rayson de l-amande faicte a lui, Thiebaut de Rocourt, 4 por le fait et mesprise de Girairt le ceillerier, de Rocourt, qui fu home dou dit \9 Thiebaut de Rocourt, le quel Girairt li dit Thiebauz et Jehans de Grantfontainne, frere, hont hahu ocy par lai temptaciom dou dyable, leal \10 et final et bon acort suis ces choses entrevenant entre les diz freres Thiebaut et Jehan de Grantfontainne d-unne part et le dit Thiebaut \11 de Rocourt d-autre part. 5 Et li diz Thiebauz de Rocourt en hai recehu, por lui et por ses hoirs, les diz freres Thiebaut et Jehan, \12 por lour et por lor hoirs, selonc les us et costumes de Bourgoingne, en fealx et en vexalz. 6 Et cest dit homayge et fealtei et \13 toutes les choses dessus escriptes et une chascunne d-ycelles hont promis et promattent li dessus dit Thiebauz et Jehans de Grant\14fontainne, par lour lealx soiremanz donez corporalmant, pour lour et pour lor hoirs, en lai main de nostre dit jurey, sollempney \15 stipulacion entrevenant, et suis l-obligacion de touz lour biens moubles et non moubles, presenz et a-venir, tenir et guerder farme\16mant ai touz jours-mais, a dessus dit Thiebaut de Rocourt, lour bien amey signour, a lui et ai ses hoirs, senz \17 gemais venir encontre ^[1] lai tenour de ces presentes lettres en nul caux, en lour et lor hoirs submattant li dessus dit Thiebauz et Jehans \18 de Grantfontainne a lai juridiction et cohercion de lai dite court de Besençon et de toutes autres cours ecclesiastes et \19 seculeres por estre controinz par lai quelle des dites cours que li diz Thiebauz de Rocourt, lour sires, ameray muelx, il et \20 sui hoir, a l-observacion de toutes et singuleres [les] [choses] dessus escriptes, non obstant acunnes excepcions de mal, de baret, de lesion, de deceptiom, \21 a-l-excepcion de decepcion outre lai moitie dou droit pries ou emqui deviron, et que autre chose soit estei escripte que acordee, a condictiom \22 senz cause ou moyns suffisant, ai touz privileiges, libertez, graices, franchises, lettres et statuz donez et a-doner de papes, de emperours et de \23 touz princes, et toutes autres excepcions de fait et de droit, et a droit disant que li generalz renunciacions ne vaut. 7 \24 En tesmoignaige de lai quel chose, nos, officialx dessus diz, a lai relacion de nostre dit jurey, havons mis le seal de lai dite court de Besençon \25 en ces presentes lettres, que furent faictes et donees, presenz monssy Richairt dit Vendrey, de Pourreintrui, monssy Woillame de \26 Bremuncourt, chevaliers, Jehannin, son frere, Jehannenat dit Maquabrey, de Tavannes, Hugue le Chaitet, de Granges, Henri dit \27 Voge, d-Undrevelier, et Richairt de Cheveney, escuiers, et plusours autres dignes de foy, le mescredi aprés lai feste de l-Appari\28ciom Nostre Signour Jhesu-Crist, l-an mil trois-cenz et quarante et quaitre.
8 H. J. de Boncourt.

Notes de transcription
^[1] Ainsi coupé: en contre.