Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe233

1344, 18 novembre.

Type de document: charte: vente

Objet: Vente par Perrin du Chesal, de Chevenez, fils de feu [Cuenin dit] Trahy, à Thibaut deRocourt, écuyer, pour 4 l. 15 s. de nouveaux bâlois ayant cours au marché de Porrentruyd’une rente de trois émines, moitié blé moitié avoine, à la mesure de Porrentruy etd’une poule, payable pour le blé à la Saint-Michel, pour l’avoine et la poule à laSaint-Martin et assignée sur des pièces de terre de franc-alleu à Chevenez; en cas deretard de plus d’une année dans le paiement de la rente, l’acheteur pourra disposer deces biens; et garantie de la vente par Uvrart [du Chesal] et par Jeannin [du Chesal],frères. Témoins: Jehannenet le Juglerat et Jehannenet, fils de [Cuenin] dit Coquerel. —Acte établi au nom et sous le sceau de l’official de Besançon par Huguenin Jean deBoncourt, notaire.

Commentaire: Parchemin scellé sur simple queue. AAEB, B 239 Ajoie/21. — Analyse par J. Trouillat,Monuments…, III, p. 827.

Verso: Spectat ad Th. de Rocourt. — De Perrin dou Chassal. — Cheveney (xiv^e siècle).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurei de \2 lai dite court, nostre comandemant expecial a quel, quant es choses que sunt ci-aprés escriptes et quant a plus granz, nos havons commis \3 par ces lettres nostre pouhoir, por ce en droit personalmant estaublis, Perrins dou Chesal, de Cheveney, qui fu fiz Trehi, \4 hai recoignu uvertemant qu-il hai vendu, por lui et por ses hoirs, ai toz jors-mais, ai Thiebaut de Rocourt, escuier, \5 por lui et ses hoirs, aichetant, trois emenes, moitie blef pur de perpetuel rente et moitie avoynne, a lai mesure \6 de Pourraintruy, et une geline censsals, a-paier perpetuelmant, le blef pur le jour de lai feste de saint Michiel et l-avoynne et \7 lai geline le jour de lai feste de saint Mertin d-yvert, por quaitre libres et quinze solz de bons nuhes balois corsables ou \8 merchief de Porraintruy, qu-il en hai hahu et s-an tient por contenz. 4 Lai quelle rente et choses dites il hai assis, por \9 lui et ses hoirs, ai toz jors-mais, a dit aichetour, por lui et ses hoirs, suis les plaices de terre et choses \10 de franc aluef que s-ansuegant ^[1], gesanz en lai vile et territoire de Cheveney; 5 premieremant, hun jornal devant lai Fouge\11roye, li diz Thiebaz d-unne part et li vie vay d-autre; 6 item, es Chesnellaz, dous jornals, Richairs, fiz a Groignu, \12 d-unne part et li filz Horri lai Coulle d-autre; 7 item, devant le Chesnoy de Cortedub, hun jornal, messi Hugues, filz \13 Trehi, d-unne part et Louiz, fiz Chavannate, hai d-autre; 8 item, derriers Grant Bois, hun jornal, entre Humbert, \14 son frere, d-unne part et li communalz d-autre; 9 item, suis le tiers dou Chesal, la ou il demore, et li moynne de \15 Lucelans hont les douhes pars, entre monssi Hugue, son frere, d-unne part et lai vie communnal d-autre. 10 Et s-est \16 devestu li diz venditerres, por lui et por ses hoirs, ai toz jors-mais, de lai dite vendicion et assignal de \17 franc aluef quant a-ycelle, et le dit aichetour en hai envestu et mis en bone et leal tenure et \18 en corporal possession, ou aussi par lai tradiction de ces lettres, por lui et ses hoirs. 11 Et s-il deffailloit \19 tant de pahier que li une rente trovest l-autre, il, li diz aicheterres, en feroit sai voluntei comme \20 de sai propre-chose. 12 Et por plus grant surtei havoir, por ce en droit estaubli, Uvrairs et \21 Jannin, frere, a lai requeste dou dit creditour, s-an sunt fait, por lor et lor hoirs, en lai main dou dit \22 aichetour, por lui et ses hoirs, plaiges et debtours de garantir le dit assignal de franc aluef. 13 Et \23 totes les choses dessus dites hai il promis, par son soiremant donei et suis l-obligation de toz ses biens \24 presenz et a-venir, de tenir et pahier et garantir et apaisier par tant com leal tenure s-affiert en \25 Ajoie, en toz lues et contre touz, a dit aichetour et ses hoirs, senz gemais venir encontre \26 en nul caux, en lor et lour hoirs submattant, par enssi com dit est et chascuns por le tout, a lai \27 juridiction et cohercion de lai court de Besençon et de totes autres cours por estre controinz a l-obser \28vation des dites choses, non obstant acunes exceptions de fait et de droit. 14 En tesmoignaige de lai quel \29 chose, nos, a lai relation de nostre dit jurei, havons mis le seal de lai court de Besençon pendant \30 en ces lettres. 15 Faites et donees, presenz Jehannenat le Juglerat et Jehannenat, lou fil Quoquerel, lou \31 juesdi aprés lai feste de saint Mertin d-yvert, l-an mil trois-cenz et quarante et quaitre.
16 \32 H. J. de Boncourt.

Notes de transcription
^[1] Ainsi coupé: sansuegant.