Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe226

1344, 2 octobre.

Type de document: charte: collation

Objet: Collation par le conseil de Porrentruy à Jean, diacre, fils de feu Jacquet le fèvre,bourgeois de Porrentruy, de la claverie de Porrentruy avec la jouissance à titre viagerdes rentes constituées en faveur de la claverie par ledit Jean (voir n° 224) ainsi quepar deux de ses prédécesseurs: Louis, prêtre, fils de Willemin dit Chavelier (voirn° 109) et Guillaume dit Burnel (voir n° 111), à la condition qu’il soit ordonné prêtredans les deux ans et avec l’obligation de chanter ou de faire chanter quatre messes parsemaine en l’église Saint-Germain; rappel de l’obligation d’attribuer la claverie à unprêtre après le décès de Jean ainsi que de l’interdiction d’aliéner la rente qu’il aconstituée, sous peine de retour de cette rente et des immeubles sur lesquels elle estassignée aux héritiers du donateur; rappel de l’acceptation d’une maison près del’église de Porrentruy pour la claverie en échange avec la ville de la maison queGuillaume dit Burnel avait donnée; et rappel de l’anniversaire pour ledit Jean, àcélébrer le jour de son obit par le clavier qui fournira un repas à cinq prêtreschantant la messe ce jour-là et qui recevront chacun 12 d., cela jusqu’à concurrence de10 s. ayant cours au marché de Porrentruy, assignés sur cette rente. — Acte établi aunom du conseil de Porrentruy et passé sous son sceau et sous celui d’Humbelin deCourgenay, prévôt de Porrentruy.

Commentaire: Parchemin jadis scellé de deux sceaux sur double queue. Porrentruy, Archives de laBourgeoisie, III E, 16. — Analyse par J. Trouillat, Monuments…, III,p. 826.

Verso: Spectat ad Jehan le fil Jaiquat lou faivre, de Porrentruy (xv^e siècle).

1 Nos, Humbelins de Courgeignay, prevoz en cest temps, Estevenins, filz a lai Dame, Henriaz diz Chamonz, Jehannenaz diz Morexaz, Richairs, li filz Jaiquat le faivre, Loviaz \2 diz li Torche, Girairs, li filz a Vayge, et Jehans li exchervayte, consols en cest temps des bourgois de Pourreintrui, 2 faiçons savoir a touz 3 que, come Jehans, dyacres, filz \3 Jaiquat le faivre, bourgois de Pourrei[n]trui, qui fu, hait donei et outroié pour Deu puremant et pour le remede de s-airme et des airmes de touz ses ancessours, en l-ai\4crossance de nostre claiverie de Pourreintruy, 4 hun muy, moitie blef pur de annuel rente et moitie avoynne, a lai mesure de Pourreintrui, a-pahier chascun an a toz jours-mais, senz \5 faillir, a Pourreintrui, de lui et de ses hoirs 5 a claivier qui sarai pour le temps, le blef pur le jour de lai feste de saint Michiel et l-avoynne le jour de lai feste de saint \6 Mertin d-yvert; 6 lou quel muy moitange de perpetuel rente, a lai dite mesure, li diz Jehans, li fiz Jaiquat le faivre, hai assis et assete, pour lui et pour ses hoirs, ai touz jours-mais, a lai dite \7 claiverie et ai cellui qui sarai claviers d-icelle, por lui et por ses successours, en acrossance de lai dite claiverie, suis les plaices de terre et choses ci aprés escriptes, gesanz en \8 lai vile et finaige de Pourreintruy, que doient contenir vint et huit jornals de terre, et sunt toutes de franc aluef, exceptees douhes peces que doient contenir \9 trois jornals de terre, que sunt des colunges de Pourraintrui, que sunt franches et quites de toutes debites, parmei quaitre deniers, une emenne d-avoynne et le tiers d-un penal de nu blef, \10 a lai dite mesure, qu-elles doient chascun an de debite pour rayson de lai dite colunge: 7 premieremant, suis hun jornal de terre que siet en Chaippelles, que contorne suis le champ \11 des Boulles, li hoir Huguenat Lomclat hont d-unne part et li diz Jehans et Richairt, fiz Jaiquat, frere, anfant dou dit Jaiquat, qui fu, hont d-autre; 8 item, a champ \12 des Boulles, suis trois jornals, li hoir Perrin Lomclat hont d-unne part et Nicholins, de Veler, hai d-autre; 9 item, suis le contour dou Varnel, une plaice, li champ deviron contornent \13 suis d-unne part et d-autre; 10 item, en cest luec maismes, suis hun jornal, li hoir Vaterel, de Veler, hont d-unne part et li hoir Perrin l-oste, de Veler, hont d-autre part; 11 \14 item, es Longeignes, en lai vie de Veler, une plaice, li terre monssi Richairt Vendrey d-unne part et li terre de lai dohe siet d-autre part; 12 item, a Perier Fourchie, hun \15 jornal, Berthins, de Veler, hai d-unne part et li hoir Girart lou Tenuer hont d-autre part; 13 item, dedoz la vie d-Alle, hun jornal, entre les diz hoirs Jaiquat le faivre \16 d-unne part et Nicholin, de Veler, d-autre; 14 item, dedoz lai vie de Fossés, hun jornal, lai moitie li hoir dou dit Jaiquat d-unne part et Vauthiers, li mayres de Monvouhay, hai \17 d-autre part; 15 item, dedoz lai vie d-Alle, demey jornal, decoste Nicholin, de Veler, d-unne part et Estevenin dit Vauchanchat d-autre part; 16 item, suis lai Maille de \18 Saroille, hum jornal, entre lai terre dan Symon, qui fu, d-unne part et lai terre Burnel, de Fonthenois, qui fu, d-autre; 17 item, en cest luec maismes, hun jornal, Huguenins Dodins hai d-unne part \19 et messi Richairs Vendrez hai d-autre; 18 item, hun jornal en Sarroille, Perrenaz diz Daviaz, fiz a Lomclat, hai d-unne part et li hoir Costechier, de Pourreintruy, hont d-autre; 19 \20 item, en lai vie de Sarroille, hun jornal et hun demey, li hoir Perrin l-oste, de Veler, hont d-unne part et li hoir Robert l-oste d-autre; 20 item, suis lai vie de Sarroille, hun jornal, li signour \21 de Saint Ursanne hont d-unne part et li anfant Chavelier, de Pourreintruy, Jehannenaz et Perrenaz, hont d-autre; 21 item, a Perier Recherdat, une plaice, li hoir \22 a vouhei de Pourraintrui hont d-unne part et Huguenins de Sonvelier, escuiers, hai d-autre; 22 item, delez lai vie de Coronol, hun jornal, li signour de Grangourt hont d-unne part et li signour \23 de Lucelans d-autre; 23 item, en lai vie de Turganval ^[1], hun jornal, Besençons, fiz Perrenel, de Pourreintruy, hai d-unne part et li hoir a Lomclat, de Fontenoix, d-autre; 24 item, a ^[2] Cheveney, trois \24 jornals de terre, Bourquairs, fiz a Pahon, d-Eyndeveler, hai d-unne part et li terre que Jehannenaz, fiz Builli, de Cheveney, tient siet d-autre; 25 item, en Cheselat, hun jornal, li hoir Perrin de \25 Cueve d-unne part et li terre que fu monssi Cuene de Pleyouse, chevalier, siet d-autre; 26 item, en lai vie de lai Montaigne, hun jornal, Woillemenaz Frimerdaz hai d-unne part et li hoir \26 Perrin Lomclat, de Fonthenois, d-autre; 27 item, en cest dit luec, hun jornal ou luec que om dit en Monnin, li moynne de Lucelans hont d-unne part et li hoir Costechier, de \27 Pourreintruy, d-autre; 28 item, en cest dit luec, une plaice de demey jornal, li hoir Woillemin dit Costechier, de Pourreintruy, d-unne part et li hoir Perrin l-oste, de Veler, d-autre; 29 \28 item, en Corbel, dous jornals, Jehannenaz diz Trebeillaz d-unne part et Jaiquins li corvoisiers hai d-autre; 30 item, hun jornal, en Monvible, li terre de lai masse maitenal siet d-unne part \29 et li terre de lai dohe de Pourreintruy siet d-autre. 31 Et sunt totes les plaices et choses dessus dites de franc aluef mais-que ces dites douhes derrieres plaices que doient \30 chascun an une emenne d-avoinne et le tiers d-un penal de nu blef, a lai mesure de Porreintruy, et quaitre deniers chascun an de rente por ce qu-elles sunt de colunges. 32 Lou quel muy moitange \31 de annuel rente ensemble hun autre muy, moitie blef pur de perpetuel rente et moitie avone, a lai dite mesure, que messi Loviaz, prestres, qui fu, fiz Woillemin Chavelier, et \32 ensemble les vint emennes moitanges de annuel rente, a lai dite mesure, que messi Woillames diz Burnelz, que furent clavier de nostre dite claiverie de Pourreintruy, y donerent \33 et outroherent, pour lour et pour lor hoirs, ai toz jors-mais, en acrossance de lai dite claverie, li diz Jehans, dyacres, doit panrre et havoir, chascun an a sai \34 vie et tant comme il vivray en cest siegle, ensemble touz les droiz et apartenances a lai dite claverie, et tant cum il porrai desservir bonemant et justemant lai dite clave\35rie senz fraude et senz baret. 33 Et doit estre prestres li diz Jehans, fiz Jaiquat, danz dous anz, encomancenz a-venir dois le jour de lai confection de ces lettres contenuel\36mant ensuganz et a-complir, et doit chanter ou faire a-chanter, par lui ou par hun ydone prestre, chascunne semainne quaitre masses a mostier Saint Germain de Pourrein \37truy, senz faillir. 34 Maix quant li diz Jehans, fiz Jaiquat, nostres claiviers, sarai trespassez de cest siegle en l-autre, li consols des bourgois de Pourreintruy, \38 et li communnals dou dit luec doivent eslire et matre hun autre claivier, que soit prestres et non pas autrui, que toingne et hait lai dite rente entieremant et les choses dessus dites, \39 et chantoit li diz prestres claviers les dites quaitre masses chascunne semainne ou dit mostier de Saint Germain par lai maniere que dit est, pour touz les fois de Deu. 35 Et ou caux que nos \40 ou nostre aprés venant vendriens, engaigeriens ou alieneriens en tout ou en partie le dit mui moitange de perpetuel rente, que li diz Jehans, nostres claviers, hai donei en acrossance de lai \41 dite claverie, mais-que par lai maniere que ordenez en est par le dit Jehan, nostre clavier, et que contenuz est en ces lettres, li hoir dou dit Jehan, nostre clavier, quels qu-il fussient, redevrient \42 havoir le dit muy de annuel rente et lou dit assignal entieremant, senz ce que nos ne nuls autres pussiens ne ne doiens aler encontre ^[3] ces lettres en nul caux. 36 Item, est a-savoir que li diz \43 Jehans, nostres claviers, s-est tenuz por contenz, en nom de lai dite claverie, por lui et por ses successours, de l-exchange de lai maison et chesail d-icelle, que siet prés de l-eglise de Pour\44reintrui de Saint Pierre, que nos li havons donei et ordeney en recumpenssacion de lai maison et chesal d-icelle que li diz messi Burnelz, qui fu, donai a-lai dite claverie. 37 Item, est a-savoir \45 que, aprés le deceix dou dit Jehan, nostre clavier, cil qui saront et sarai claviers aprés lui doient faire, il et lour aprés venanz, ai touz jours-mais l-anniversaire de lui lou \46 jour de son obit chascun an por le remede de l-airme de lui, enssi com il s-ansuet ^[4], c-est a-savoir qu-il doient doner a mangier a cinc prestres, une fois suffisam \47mant, qui chantient lor masses le dit jour, et doient doner a hun chascun doze deniers, si que li diz anniversaires est establis jusque a l-extimation de deix solz de bone \48 monoie corsable ou merchief de Porraintrui, et sunt assis suis le dit mui moitange de annuel rente et suis les plaices et choses dessus dites que li diz Jehans, nostres clai\49viers, hai donei et assis en acrossance de lai dite claverie. 38 Et toutes ces choses dessus dites et une chascunne d-ycelles havons nos promis et promatons, li dit prevoz et consols \50 des bourgois de Pourreintrui, par noz lehalx soiremanz donez corporalmant por nos et por noz successours, et suis l-obligation de touz noz biens moubles et non mou\51bles, presenz et a-venir, de tenir et guerder fermemant et entieremant, en nom de nos et de tout nostre dit communnal, a dit Jehan, nostre clavier, et hai ses hoirs \52 et aprés venanz, garantir et appaisier et deffendre lai dite donaciom que nos li havons faite, par enssi cum dit est, a nos propres despens et missions, en \53 tous, lues, en jugemanz et deffuers, et encontre ^[5] touz, senz venir encontre ^[6] ces presentes lettres en nul caux. 39 Et en cest point maismes doit demorer \54 et l-an doit havoir et johir li diz Johans, nostres claviers, dou dit mui que messi Loviaz, qui fu, y donai et des vint emennes moitanges que li diz messi Burnelz \55 y donai en acrossance, quair nuls autres ne les puet ne ne doit havoir, fuers que huns claviers que prestres soit et que lai doie desservir par lui \56 ou par hun autre prestre, par enssi cum dit est. 40 En tesmoignaige de lai quel chose, nos, li dessus dit Humbelins et consols des bourgois de Pourreintrui, \57 havons mis noz seals pendanz en ces presentes lettres en signe de veritei, 41 que furent faites et donees lou secont jours dou moys de octembre, l-an \58 mil trois cenz et quarante et quaitre.

Notes de transcription
^[1] Lecture douteuse.
^[2] Erreur pour enlaiviede; voir 224, 25.
^[3] Ainsi coupé: en contre.
^[4] Ainsi coupé: sansuet.
^[5] Ainsi coupé: en contre.
^[6] Ainsi coupé: en contre.