Accueil>Les corpus textuels>Charte docJuBe225

Accueil

Descriptif du projet

Les corpus textuels

Interrogations linguistiques
[vers une autre interface]

Contact

 

Choix d'édition

édition critique
édition interprétative
édition diplomatique

Montrer la structure rhétorique

non
oui

   

Téléchargement du document

fichier xml fichier pdf

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe225

1344, 16 septembre.

Type de document: charte: vente

Objet: Vente par Jean dit Thierambaut, de Chevenez, à Thibaut, fils de Jehannenet de Rocourt,pour 9 l. 10 s. de nouveaux bâlois ayant cours au marché de Porrentruy d’une rente d’un« quarresson », moitié blé moitié avoine, à la mesure de Porrentruy, payable pour le bléà la Saint-Michel et pour l’avoine à la Saint-Martin, et assignée sur des terres defranc-alleu à Chevenez; en cas de retard de plus d’une année dans le paiement de larente, l’acheteur pourra disposer de ces biens; et garantie de la vente par Jean leMorelet, de Chevenez, et par Richart l’hôte, de Grandfontaine. Témoins: Humbert deMandeure, prêtre, Vienat, serviteur de Richart dit Vaydrel, et Jehannenet dit Cruxerel,bourgeois de Porrentruy. — Acte établi au nom et sous le sceau de l’official de Besançonpar Huguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/21. — Analyse par J.Trouillat, Monuments…, III, p. 825.

Verso: Ad Th. de Rocort. — De Jehan Tierambat, de Cheveney. — Cheveney (xive siècle).

 1 Nos, officialx de lai court de Besençon, 2 faiçons savoir a touz 3 que, par devant Huguenin Jehan de Boncourt, \2 clerc, notaire, jurey de lai dite court, nostre comandemant expecial a quel, quant es choses que sunt ci aprés escriptes et quant a plus granz, \3 nos havons commis et commattons par ces lettres nostre pouhoir, pour ce en droit personalmant estaublis, Jehans diz Thie\4re[m]bauz, de Cheveney, hai recoignu publiemant qu-il hai vendu et vent, pour lui et pour ses hoirs, ai touz jors-mais, a \5 Thiebaut, le fil Jehannenat de Rocourt, pour lui et pour ses hoirs, present et aichetant, hun quarreix, moitie \6 blef pur de annuel rente et moitie avoinne, a lai mesure de Pourreintruy, a pahier et rendre chascun an franchemant, \7 ai touz jours-mais, dou dit venditour et de ses hoirs a dit aichetour et hai ses hoirs ou hai son certain comandemant, \8 le blef pur le jour de lai feste de saint Michiel et l-avoinne le jour de lai feste de saint Mertin d-yvert, 4 pour nuef \9 libres et deix solz de bons nuhes balois corsables ou merchief de Pourreintruy, que li diz venditerres en hai hahu et recehu \10 dou dit aichetour et les hai mis et convertiz en son evidant proffit, par qu-il s-an est tenuz pour contenz et pour bien pahiez. 5 \11 Lou quarreix dessus dit de annuel rente li diz venditerres hai assis et assigne, pour lui et pour ses hoirs, ai toz jors\12mais, a dit aichetour, pour lui et pour les suens hoirs, suis les plaices et choses de franc aluef ci-aprés escriptes, gesanz \13 en lai vile, finaige et territoire de Chevenei: 6 premieremant, en Arbue, hun jornal de terre, diz Garçons, de Roches, hai \14 d-unne part et Perrins, li fiz a la Moulle, hai d-autre; 7 item, en Vannel, une plaice, li hoir Huguenat, de Bremuncourt, d-unne \15 part et Jehannenaz diz Cofechin d-autre; 8 item, a Perier Crevai, hun jornal, li hoir Perrin de Boroignon d-unne part et \16 Wormeraz, li fiz Frouhanne, hai d-autre; 9 item, en Monmerlon, hun jornal, li norriz Huguenat, de Bremuncourt, d-unne part \17 et diz Falandre hai d-autre; 10 item, a contour de Veler, hun jornal, li diz Huguenaz, de Bremuncourt, d-unne part et li Prey \18 contornent suis; 11 item, en Baces Viez, hun jornal, Jehannenaz, li filz Herlin, d-unne part et li hoir Jehannenat, le fil \19 Daigueney, d-autre; 12 item, es Longeignes, une plaice, li hoir a lai Moulle d-unne part et Girardaz, de Rocourt, hai d-autre; 13 \20 item, a l-antrair de Goules, une plaice, li hoir Huguenat, de Bremuncourt, d-unne part et Besencairs hai d-autre; 14 item, en Goules, hun \21 jornal, entre le fil Huguenat d-unne part et le communnal de Cheveney d-autre part. 15 Et s-est devestuz li diz venditerres, pour \22 lui et pour ses hoirs, ai toz jors-mais, de lai dite vendicion de franc aluef et dou dit assignal quant a ycelle, et \23 le dit aichetour en hai envestu et mis en bone et lehal tenure et en corporal possession ou aussi par lai tradiction \24 de ces presentes lettres, por lui et por ses hoirs. 16 Et est a-savoir que, se li diz venditerres deffailloit tant de paier \25 lai dite rente, il ou sui hoir, que li une rente trovest l-autre et venest a-paier ensemble avec l-autre rente, \26 li diz aicheterres porroit faire, il et sui hoir, tote lor bones voluntees dou dit assignal de franc aluef et \27 prater a cui qu-il vorrient et faire ce qu-il vorrient come de lor propre chose. 17 Et ceste dite vendue et totes les \28 choses dessus dites hay il promis li diz venditerres, par son soiremant donei, pour lui et pour ses hoirs, en lai main de nostre dit \29 jurey et suis l-obligacion de touz ses biens moubles et non moubles, presenz et a-venir, tenir et garder fermemant ai touz \30 jours-mais, a dit aichetour et hai ses hoirs, garantir et appaisier le dit assignal de franc aluef par tant com leal \31 tenure s-affiert en Ajoye, en tous lues et encontre [1] touz, senz gemais venir encontre [2]. 18 Et pour plus grant \32 surtei havoir a dit aichetour et hai ses hoirs de lai dite garantie par le dit terme et de franc aluef, por ce \33 en droit personalmant estaublis, Jehans li Morelez, de Cheveney, et Richairs li hostes, de Grantfontaine, a lai priere \34 dou dit venditour et pour lui, s-en sunt fait, pour lor et pour lor hoirs et chascuns pour le tout, en lai main dou dit \35 aichetour, pour lui et pour les suens, plaiges, debtours et principalx rendours, et ce hont il promis, par lor soiremanz et \36 suis l-obligacion de toz lor biens, de tenir, et li diz venditerres les en doit garder de toz domaiges, lour et \37 lor hoirs, de ceste plegerie, en lor et lor hoirs submattant, et chascuns pour le tout, par enssi cum dit est, \38 a lai juridiction de lai court de Besençon et de totes autres cours por estre controinz a l-observacion des dites \39 choses, non obstant acunnes excepcions de fait et de droit. 19 En tesmoignaige de lai quel chose, nos, a lai relation de \40 nostre dit jurey, havons mis le sel de lai court de Besençon en ces lettres. 20 Faites et donees, pressenz monssi Humbert \41 de Manduerre, prestre, Vienat, de chies monssi Richairt Vendrey, et Jehannenat Cruxerel, borgois de Porraintruy, \42 lou juesdi aprés lai feste de l-Exaltation de saincte Croux, l-an mil trois-cenz et quarante et quaitre.
21 \43 H. J. de Boncourt.
Notes de transcription
[1] Ainsi coupé: en contre.
[2] Ainsi coupé: en contre.