Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe221

1344, 8 juin.

Type de document: charte: vente

Objet: Vente par Girardet le tisserand, gendre du Fusier, bourgeois de Porrentruy, et parCatherine, sa femme, autorisée par Vernier dit Salemon, bourgeois de Porrentruy, sonavoué, à Huguenin dit Boillat, pour 70 s. de nouveaux bâlois ayant cours au marché dePorrentruy d’une pièce de terre arable de franc-alleu à Porrentruy. — Acte passé sousles sceaux du conseil de Porrentruy et de Jean dit Balbi, prêtre, vicaire dePorrentruy.

Commentaire: Parchemin jadis scellé de deux sceaux sur double queue. Porrentruy, Archives de laBourgeoisie, III E, 16. — Analyse par J. Trouillat, Monuments…, III,p. 824-825 (à la date du 17 août).

Verso: En Vaulmacon (xiv^e siècle).

1 Nos, Girardaz li texeranz, genre a veille Fusier, bourgoys de Porreintruy, et Katherinne, mai fome espousee, 2 faiçons savoir a-touz 3 que nos, per le loy et bone voluntey de Vernier \2 dit Salemon, bourgois de Porreintruy, vouhel de mai, Katherinne dessus dite, pour nos et pour nos hoirs, havons vendu et vendons, pour touz jours-maix, a-muyx que on puet faire vendi\3cion et pluix fermement antandre, ai Huguenin dit Baillat, pour touz jours-maix, pour luy et pour ses hoirs, aichetant, 4 pour sexante et diex soulz de bons nuhes baillois, menoie \4 coursauble en ce temps ou merchief de Pourreintruy, 5 c-est s-savoir une plaice de terre arauble gesant ou finaige et terretoire de Porreintruy, ou luec que on dit en Valmaicon, \5 de franc herietaige, Perenaz, li filz a Fusier, de Porreintruy, hai d-une part et li cumennes de lai dite ville d-autre part. 6 Les quelx sexante et diex soulz de lai monoie dessus \6 dite nos, li dessus diz Girardaz et Katherinne, havons hahuz et recehuz dou dit Huguenim, aichetour, en bone menoie bien et lealment nombree et de son propre chatel, \7 si que nos nos en sumes tenuz et tenons pour bien pahiez entierement, pour nos et pour nos hoirs, dou dit Huguenin et de ses hoirs. 7 De lai quelle plaice de terre dessus dite \8 nos, li dessus diz Girardaz et Katherinne, nos sumes devestuz et devestons, et si nos en sumes mis et mettons fuers de tenure et fuers de bone et corporel possession, pour nos et pour \9 nos hoirs, et le dessus dit Huguenin dit Baillat et ses hoirs en havons envestuz et envestons, et si les en havons mis et mettons en bone tenure et leaul et en bone \10 et corporel possession pour touz jours-maix per lai tradicion de ces presentes lettres. 8 Et si havons promis et promettons, per nos foiz pour ce corporelment donees sus les sainctes ewangiles \11 toichies, pour nos et pour nos hoirs, que nos encontre ces covenances ne encontre cete dite vendicion n-yrons ne ne ferons ai aler per nos ne per autruy, cohiement ne \12 an apert, maix lai tanrons, apaiserons, garantirons et deffendrons, en touz lues, en totes cours, en touz jugemanz et deffours, encontre totes genz et per devant \13 touz juges, tant ecclesiastres quam seculers, a-nos propres despans et missions; 9 et en havons obligie et obligions nos biens, en quelque luec que il soient, \14 en franchise ou deffours, dou tenir, matenir ^[1] et garantir per tant de temps come leaul tenure s-afiert en Ajoye, sanz nunz contredit. 10 En tesmoignaige \15 de lai quel chose, nos, li dessus diz Girardaz et Katherinne, mai fome esposee, et Verniers diz Salemons, havons proié et requis as saiges persones et honestes, \16 a consolz des bourgois de Pourreintruy et ai monssi Jehan dit Balbi, prestre, vicaire de Pourreintruy, que il mettent lour seelz en ces lettres; et nos, li dessus \17 diz, li consoilz en ce temps des diz bourgois de Pourreintruy et Jehans diz Balbi, prestres, vicaires en ce temps de lai dite ecclese de Pourreintruy, a-lai proiere \18 et ai lai resqueste dou dit Girardet, de lai dite Katherinne, sai fome, et de Vernier dit Salemon, vouhez de lai dite Katherinne, havons mis nos seelz \19 pendant en ces presentes lettres en signe de veritey. 11 Faictes et donees le mardi aprés lai feste de l-Oste, l-an Nostre Seignour courrant per mil \20 trois cent quarante et quattre.

Notes de transcription
^[1] Erreur pour mantenir.