Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe217

1344, 22 avril.

Type de document: charte: location

Objet: Location par Henriet dit Ramey, bourgeois de Porrentruy, moyennant un loyer annuel de 10s. ayant cours au marché de Porrentruy, payable à la Saint-Martin, et les « toises »dues chaque année, de la maison d’Henri, abbé, et du couvent de Bellelay, sise àPorrentruy, à l’exception de certaines parties de l’immeuble que le bailleur se réserve;en cas d’incendie, la reconstruction sera à la charge du preneur. — Acte passé sous lessceaux du conseil de Porrentruy et de Jean [dit Balbi], vicaire de Porrentruy.

Commentaire: Parchemin scellé de deux sceaux sur double queue. AAEB, Chartes. — Analyse par J.Trouillat, Monuments…, III, p. 823.

1 Je, Henrias diz Ramey, bourgoys de Pourraintruy, 2 faiz savoir a touz 3 que je, non paiz losangiez \2 ne contrainz ne bareittelz ne decephuis ne menez par force d-aucunx, maix saiges et bien \3 avisés, en mai bone memoiere, recoingnoys et hai recoignu havoir retenu et amuse\4né, retenoys et amussenoys, por moy et por mes hoirs, en fuey heritable, a touz jors-maix, \5 lai maisson des religious persones, monssi (monssi) Henri, par la pacience de Deu abbés de Belle\6lee, et a covent dou dit luec, de l-ordre de Premonstré, gesant en lai ville de Porraintruy, \7 li maisson Henri l-Alemant hait d-une part et li maisson Gerart dit Brugnart, fil Morin, \8 d-autre part, 4 parmé deix solz em chescun an de rante, a-paiier a-touz jor-maix es dessus diz \9 religious ou ai lour certain commandemant, de bone menoie corsauble et metable com \10munemant en plain merchie de Porraintruy, a-paiier franchemant le jour de lai feste \11 sain Merthin d-yver, ensamble les toysses qu-elle doit un chescun an a-seygnour, 5 par tel devis \12 et par telles covenencez quar li dessus dit religious exceptan et retiennant, por lor \13 et por lour successours, a-touz jors-maix, de lai maisson dessus dite demei le cellier et tot\14te lai chemenan dessus et le traige d-aler et de venir ou dit cellier [et] en la dite che\15menan par devant et par derriers, et un astable decoste ^[1] lai grange pour matre troys chevalz \16 ou quoitre. 6 Lai quelle maisson dessus dite je et mui hoir doivant mantenir a touz jors\17maix. 7 Et se fueys l-argoit, se que Deux ne weille pais, je, Henrias, ou mui hoir lai \18 davons remasener a ce fuer qu-elle est ou mues. 8 Lez quelles convenencez et le prest \19 dessus dit je hai louhé, confars et ratifié, pour moy et pour mes hoirs, par une overte justisse pour \20 ce sceant en justisse et pour autres caux; 9 et si hai promis et promat, par mai foy donee en luec \21 de soieremant suiz sainctes ewangiles corporalmant touchies, que je contre cez convenencez \22 ne contre cest dit prest ne iray ne n-i ferai et aler par moy ne par autruy, coiement ne en apert, \23 maix lez tenrai et apaisserai a touz jors-maix es dessus diz religious et lor successors, encontre \24 touttes gens et par devant touz juges, a mes propres despens et missions, senz nul about. \25 Et est encor a-savoir que je et mui hoir doivans mantenir nostre estaige \26 devant la chemenan, et li dessus dit religiouz lai chemenant entieremant. 10 \27 En thesmoingnaige de lai quelle chosse, je, Henriaz dessus diz, ai proiie et requis \28 a saiges persones et honestes, a conseit de lai ville de Porraintruy et monssi Jehan, vicaire \29 de Porraintruy, que mettent lor seelz en cez lettres; et nos, li conselz de Porraintruy et \30 Jehans, vicaires dou dit luec, es proiieres et es requestes de Henriat dessus dit, nos ha\31vons mis nos seelz pandans en cez presantes lettres en signey de verité. 11 Faictes \32 et doneez le juesdi devant lai feste sain George, l-an de grace corrant \33 par mil troys cenz quarantte et quoittre, ou moys d-awrel.

Notes de transcription
^[1] Ainsi coupé: de coste.