Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe211

1344 (n. st.), 4 mars.

Type de document: charte: vente

Objet: Vente par Jehannenet dit Brisemaiche, de Bure, et par Agnelet, sa femme, autorisée parson mari et par Martin, de Villars-le-Sec, son avoué, à Perrin de la Montagne, neveu deGuillaume de Brémoncourt, chevalier, pour 10 l. 10 s. de nouveaux bâlois ayant cours aumarché de Porrentruy de sept journaux de terre de franc-alleu à Bure; et garantie de lavente par Girart, fils de [Cuenin dit] Curlin, de Bure. Témoins: Jehannenet Greneillat,Vienat, serviteur de Richart dit Vaydrel, de Porrentruy, et Cuenin, fils de Jeannin, deBuratte. — Acte établi au nom et sous le sceau de l’official de Besançon par HugueninJean de Boncourt, notaire.

Commentaire: Parchemin jadis scellé sur simple queue. Porrentruy, Archives de l’Hôpital, H 23. —Analyse par J. Trouillat, Monuments…, III, p. 806 (à la date du 4 mars1343).

Verso: Spectat ad P. de lai Montaigne (xiv^e siècle).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurei de lai dite court, nostre \2 comandemant especial a quel, quant es choses que sunt ci aprés escriptes et quant a plus granz, nos havons commis et commattons par ces presentes lettres \3 nostre pouhoir, pour ce en droit personalmant establis et venanz expecialmant, Jehannenaz diz Brisemaiche, de Bures, et Aignelaz, \4 sai feme, par les lox et auctoritei dou dit Brisemaiche, son mari, et de Mertin, de Veler pres de Bures, son lehal vouhai donei a \5 ley par une uverte justise por cest caux et por plusours autres sesant en justise uverte et par lehal jugemant, present et auctorizant, hont \6 confessei et recoignu publiemant qu-il hont vendu et vendent, por lour et por lour hoirs, ai touz jours-mais, et uns chascuns de lour \7 por le tout, a Perrin de lai Montaigne, nevour monssi Woillame de Bremuncort, chevalier, por lui et por ses hoirs, present \8 et aichetant, les sept jornals de terre et choses de franc aluef que s-ansuegant ^[1], gesanz ou finaige et territoire de Bures: 4 premie\9remant (premieremant), dous jornals de terre es douhes plaices que sunt ci aprés escriptes, gesanz ou luec que om dit en lai Ve\10cliere, li uns siet entre monssi Richairt dit Vendrey, de Porraintruy, chevalier, d-unne part et li hoir de Chastelvouhai hont \11 d-autre part, et li autre siet entre Fontenate d-unne part et lai terre Saint Estene d-autre part; 5 item, es Pateiz, dous jornals, \12 Woillemenaz, li fiz Perrin, de Burates, hai d-unne part et Guechemanz de Chastelvouhai hai d-autre; 6 item, a bel des Cumbals, hun \13 jornal, entre lai feme Brisemaiche d-unne part et sui partaige d-autre; 7 item, en Recoilles, hun jornal, li diz Guechemanz hai d-unne \14 part et li terre de Masonval siet d-autre part; 8 item, en lai Cumbe a Roxel, hun jornal, Jehannenaz dou Chastel hai d-unne part et \15 Jehannenaz diz Gouhot Huher et sui partaige hont d-autre part, 9 pour deix libres et deix huit solz de bons nuhes balois \16 corsables ou merchief de Porraintrui, que li dit venditour hont hahu et recehu dou dit aichetour et les hont mis et \17 convertiz en lour evidanz proffeiz, par qu-il s-an sunt tenu por bien pahiez entieremant. 10 Et se sunt devestu li \18 dit venditour, par les los et actoritei que dessus, por lour et por lor hoirs, ai touz jours-mais, et uns-chascuns de lour por \19 le tout, de lai dite venditiom de franc aluef, et le dit aichetour en hont envestu et mis en bone tenure \20 et en corporal possession, ou aussi par lai tradiction de ces presentes lettres, por lui et por ses hoirs. 11 Et ceste vendue et totes et \21 singuleres les choses dessus escriptes hont il promis, par les los et actoritei que dessus, par lour soiremanz donez, por lour et por \22 lor hoirs, en lai main de nostre dit comandemant et suis l-obligation de touz lour biens moubles et non moubles, \23 presenz et a-venir, tenir et garder farmemant ai-touz jours-mais, et uns-chascuns de lour por le tout, a dit aichetour \24 et hai ses hoirs, garantir et appaisier de franc aluef par tant de temps come lehal tenure s-affiert en Ajoye, en \25 touz lues, en jugemanz et deffuers, encontre ^[2] touz, senz gemais venir encontre ^[3] lai tenour de ces presentes lettres \26 par lour ne par autrui, en nul caux. 12 Et por plus grant surtei havoir de lai dite garantie, personalmant establis et \27 venanz, Girairs, li fiz Curlin, de Bures, a lai requeste des diz venditours, s-an est faiz, por lui et por ses hoirs, en lai main \28 dou dit aichetour, por lui et por ses hoirs, plaiges, par le dit terme et par enssi cum dessus est dit; et li dit venditour l-an \29 hont promis de geter fuer de toz domaiges, lui et ses hoirs. 13 Et ce hai promis li diz plaiges, par son soiremant et suis l-obligation \30 de toz ses biens presenz et a-venir, de tenir a dit aichetour et hai ses hoirs, en lui et ses hoirs submattant li dit venditour, \31 par les lox et actoritei que dessus, et li diz plaiges a lai juridiction de lai court de Besençon et de totes cours por estre \32 controinz, ensemble et deviseemant, a l-observation des dites choses, non obstant acunnes exceptions de mal, de baret, de lesion, de \33 deception, a l-exception de deception outre lai moitie dou droit pries ou emqui deviron, et totes autres exceptions de \34 fait et de droit, et a droit que dit que li generalz renunciations ne vaut. 14 En tesmoignaige de lai quel chose, nos, a lai relation \35 de nostre dit comandemant, havons mis le seal de lai court de Besençon en ces lettres. 15 Faictes et donees, presenz, Jehannenat Grenoillat, \36 Vienat, garçon monssi Richairt Vendrei, de Porraintrui, et Cuenin, fil Jehannin, de Burates, quaitre jours ou mois de mairs, l-an \37 mil trois cenz et quarante et trois.
16 H. J. de Boncourt.

Notes de transcription
^[1] Ainsi coupé: san suegant.
^[2] Ainsi coupé: en contre.
^[3] Ainsi coupé: en contre.