Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe212

1344 (n. st.), 4 mars.

Type de document: charte: vente

Objet: Vente par Perrenet, fils de Perrin, de Buratte, à Perrin de la Montagne, neveu deGuillaume de Brémoncourt, chevalier, pour 60 s. de nouveaux bâlois ayant cours au marchéde Porrentruy de deux journaux de terre de franc-alleu à Bure; et garantie de la ventepar Henriet dit le Lombart, de Bure. Témoins: Martin, de Villars[-le-Sec], [Jehannenet]Greneillat, Vienat, serviteur de Richart dit Vaydrel, et Cuenin, fils de Jeannin, deBuratte. — Acte établi au nom et sous le sceau de l’official de Besançon par HugueninJean de Boncourt, notaire.

Commentaire: Parchemin jadis scellé sur simple queue. Porrentruy, Archives de l’Hôpital, H 23. —Analyse par J. Trouillat, Monuments…, III, p. 806 (à la date du 4 mars1343).

Verso: Spectat ad P. de lai Montaigne. — Bure (xiv^e-xv^e siècle).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, \2 notaire, jurei de lai dite court, nostre comandemant expecial a quel, quant es choses que sunt ci aprés escriptes, nos \3 havons commis par ces lettres nostre pouhoir, pour ce en droit personalmant establis, Perrenaz, li fiz Perrin, de \4 Burates, hai confessei et recoignu publiemant qu-il hai vendu, por lui et por ses hoirs, ai touz \5 jors-mais, ai Perrin de lai Montaigne, nevour monssi Woillame de Bremuncourt, chevalier, por lui et por \6 ses hoirs, aichetant, dous jornalz de terre de franc aluef, gesanz ou territoire de Bures en douhes \7 plaices: li une siet en lai Combate Bone Chose, li hoir monssi Girart Vernier de Chastelvouhai hont \8 d-unne part et Woillemenaz, freres dou dit venditour, hai d-autre part; et li autre plaice siet es Pateiz, \9 Jehannins, de Burates, hai d-unne part et li diz aicheterres hai d-autre part, 4 pour seixante solz de \10 bons nuhes balois corsables ou merchief de Porraintrui, que li diz venditerres hai hahu dou dit aiche\11tour et les hai mis en son proffit, par qu-il s-an tient pour bien pahiez. 5 Et s-est devestuz, pour \12 lui et pour ses hoirs, ai touz jours-mais, de lai dite venditiom de franc aluef, et le dit aichetour \13 en hai envestu et mis en bone tenure et en possession par lai tradiction de ces lettres, por lui et \14 por ses hoirs. 6 Et toutes ces choses dessus dites hai il promis, par son soiremant donei, por lui et \15 por ses hoirs, en lai main de nostre dit comandemant et suis l-obligation de touz ses biens \16 moubles et non moubles, presenz et a-venir, tenir et garder farmemant ai touz jours-mais, et \17 par enssi cum dessus est dit, a dit aichetour et hai ses hoirs, garantir et appaisier de franc aluef \18 par tant cum lehal tenure s-affiert en Ajoye, en tous lues, en jugemanz et deffuers, en\19contre touz, senz gemais venir encontre ^[1] ces presentes lettres en nul caux. 7 Et por plus grant \20 surtei faire a dit aichetour et hai ses hoirs de lai dite garantie par le dit terme, por \21 ce en droit personalmant establis, Henriaz diz li Lumbairs, de Bures, a lai priere dou dit venditour \22 et por lui, s-an est faiz, por lui et por ses hoirs, plaige en lai main dou dit aichetour, por lui \23 et por ses hoirs, 8 et ce hai il promis, par son soiremant et suis l-obligation de touz ses biens \24 presenz et a-venir, de tenir a dit aichetour et hai ses hoirs, de lai quel plegerie li diz vendi\25terres hai promis, par son dit soiremant et suis l-obligation que dessus, de geter le dit plaige et ses \26 hoirs de toz les domaiges que lour avanront por raison de ceste plegerie, en lor et lour \27 hoirs submatant li diz venditerres et plaige a lai juridiction de lai court de Besençon \28 et de totes cours por estre controinz a l-observation des dites choses, non obstant acunnes excep\29tions de fait ou de droit (ou de droit). 9 En tesmoignaige de lai quel chose, nos, a lai relation \30 de nostre dit comandemant, havons mis le sel de lai court de Besençon en ces presentes lettres. 10 Faictes et \31 donees, presenz Martin, de Veler, Greneillat et Vienat, garçon de chies monssi Richairt \32 Vendrey, et Cuenin, fil Jehannin, de Burates, quaitre jours ou mois de mairs, l-an mil \33 trois-cenz et quarante et trois.
11 H. J. de Boncourt.

Notes de transcription
^[1] Ainsi coupé: en contre.