Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe209

1344 (n. st.), 4 mars.

Type de document: charte: vente

Objet: Vente par Girart, fils de [Cuenin dit] Curlin, de Bure, à Perrin dit de la Montagne,écuyer, pour 7 l. 15 s. de nouveaux bâlois ayant cours au marché de Porrentruy de piècesde terre de franc-alleu à Bure; et garantie de la vente par Jehannenet dit Brisemaiche,de Bure. Témoins: Jehannenet Greneillat, bourgeois de Porrentruy, Henriet le Lombart, deBuratte, etc. — Acte établi au nom et sous le sceau de l’official de Besançon parHuguenin Jean de Boncourt, notaire.

Commentaire: Parchemin jadis scellé sur simple queue. Porrentruy, Archives de l’Hôpital, H 23. —Analyse par J. Trouillat, Monuments…, III, p. 807 (à la date du 13 mars1343).

Verso: Bure (xv^e siècle).

1 Nos, li officialx de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurei de lai dite court, nostre \2 comandemant expecial a quel, quant es choses que sunt ci aprés escriptes et quant a plus granz, nos havons commis et commattons par ces presentes lettres \3 nostre pouhoir, pour ce en droit personalmant estaublis et venanz expecialmant, Girars, li filz Curlin, de Bures, hai confessei et recoignu uvertemant \4 qu-il, non mie decehuz, engeigniez ne baretez, mais come saiges et bien avisez, hai vendu et vent, pour lui et por ses hoirs, ai touz jours-mais, \5 ai Perrin dit de lai Montaigne, escuier, pour lui et pour ses hoirs, present et aichetant, les plaices et choses de franc aluef que s-ansuegant ^[1], gesanz \6 en lai vile et territoire de Bures: 4 premieremant, dous jornalz en preiz et terre, Varniers, de Burates, hai d-unne part et Jehannenaz diz Saterelz hay \7 d-autre; 5 item, en Fontaynnes, hun jornal de terre et hun demey, entre Mesteillat, lai fille Bursin, de Bures, d-unne part et d-autre; 6 item, es Pateiz, hun jornal \8 et hun demey de terre, enssi cum il doit pertir ai ses partaiges, entre les hoirs monssi Girart Vernier de Chastelvouhay, chevalier, qui fu, d-unne part et \9 li partayge dou dit venditour hont d-autre part, 7 pour sept libres et quinze solz de bons nuhes baloys corsables ou merchief de Pourraintruy, \10 que li diz venditerres hai hahu et recehu dou dit aichetour et les hai mis et convertiz en son evidant proffit, par qu-il s-an est tenuz pour \11 bien pahiez entieremant. 8 Et s-est devestuz et se devest li diz venditerres, pour lui et pour ses hoirs, ai toz jors-mais, de lai dite vendition de \12 franc aluef, et le dit aichetour en hai envestu et envest, mis et mat en bone et lehal tenure et en corporal possession, ou aussi \13 par lai tradiction de ces presentes lettres, por lui et por ses hoirs. 9 Et ceste dite vendicion et toutes et singuleres les choses dessus dites hai promis et \14 promat li diz venditerres, par son lehal soiremant doney corporalmant, por lui et por ses hoirs, en lai main de nostre dit comandemant, sollem \15pnel stipulation entrevenant, et suis l-obligation de toz ses biens moubles et non moubles, presenz et a-venir, tenir et garder farmemant ai \16 toz jours-mais, a dessus dit aichetour et hai ses hoirs, garantir et appaisier de franc aluef par tant de temps come lehal tenure \17 s-affiert en Ajoye, en tous lues, en jugemanz et deffuers, et encontre ^[2] touz, senz gemais venir encontre ^[3] lai tenour de ces presentes lettres, \18 et senz consentir que nuls autres y-voingne en appert ou en rescondut. 10 Et por plus grant surtey havoir a dit aichetour et hai ses \19 hoirs de garantir lai dite vendition de franc aluef par le dit terme, par enssi cum dit est, por ce en droit personalmant establis et venanz expe\20cialmant, Jehannenaz diz Brisemaiche, de Bures, a lai priere et requeste dou dit venditour et por lui, s-an est faiz et establis, por \21 lui et por ses hoirs, en lai main dou dit venditour, por lui et por les suens hoirs, plaiges, debte et principals renderres. 11 Et ce hai \22 il promis, par son soiremant et suis l-obligation de touz ses biens presenz et a-venir, de tenir et acomplir, par enssi come dessus est dit, a dit \23 aichetour et ses hoirs, senz venir encontre ^[4] ces lettres en nul caux. 12 En renuncent devant toute huevre, par son dit soiremant, \24 a l-exception dou principal premier devoir convenir et controindre, en lour et lour hoirs submattant li dit venditerres et plaiges, \25 debte et principals renderres, et chascuns de lour por le tout, a lai juridiction et cohercion de lai dite court de Besençon et de tou\26tes autres cours, ecclesiastes et seculeres pour lour et lor hoirs co[n]troindre et faire controindre, ensemble et deviseemant, \27 par lai quelle des dites cours que li diz aicheterres ameray muels, il et sui hoir, a l-observation de toutes et singuleres les choses \28 dessus dites, non obstant aucunnes exceptions de mal, de baret, de lesion, de deception, a l-exception de deception outre lai moitie \29 dou droit pries ou emqui deviron, et ai totes autres exceptions de fait et de droit, et a droit disant que li generalz \30 renunciations ne vaut. 13 En tesmoignaige de lai quel chose, nos, officialx dessus diz, a lai relation de nostre dit jurei, havons mis le sel de lai \31 court de Besençon pendant en ces presentes lettres, 14 que furent faictes et donees, presenz Jehannenat Greneillat, borgois de Pourreintruy, \32 et Henriat le Lumbairt, de Burates, et plusours autres, lou juesdi aprés Reminiscere, l-an mil trois-cenz et quarante et trois.
15 \33 H. J. de Boncourt.

Notes de transcription
^[1] Ainsi coupé: san suegant.
^[2] Ainsi coupé: en contre.
^[3] Ainsi coupé: en contre.
^[4] Ainsi coupé: en contre.