Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe206

1344 (n. st.), 30 janvier.

Type de document: charte: vente

Objet: Vente par Jehannenet, fils de Perrin le Fridel, de Grandfontaine, et par Catherine, sasœur, autorisée par Perrin dit Boxat, son avoué, à Thibaut de Rocourt, fils de feuJehannenet de Rocourt, pour 34 s. de nouveaux bâlois ayant cours au marché de Porrentruydu sixième de deux bois de franc-alleu à Grandfontaine; et garantie de la vente parPerrin le Fridel. Témoins: Richart l’hôte, de Grandfontaine, et [Jehannenet] leJuglerat, de Chevenez. — Acte établi au nom et sous le sceau de l’official de Besançonpar Huguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/110. — Analyse par J.Trouillat, Monuments…, III, p. 805 (à la date du 30 janvier 1343).

Verso: Th. fil Jehannenat de Rocourt. — De Jehannenat, fiz Perrin lo Fridé de Grafontaine ( xiv^e s.).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurei de lai dite court, nostre comandemant \2 expecial a quel, quant es choses que sunt ci aprés escriptes et quant a plus granz, nos havons commis par ces lettres nostre pouhoir, pour ce en droit \3 personalmant estaublis et venant, Jehannenaz, fiz Perrin le Fridel, de Grantfontaine, et Katherine, sai suer, par le lox et actoritey de Perrin dit Boxat, \4 son lehal vouhai, donei a lei par une uverte justise pour ce et pour plusours autres choses sesant en justise uverte et par leal jugemant, present et actorizant, \5 hont confessei et recoignu qu-il hont vendu, por lour et por lor hoirs, ai toz jors-mais, et chascuns de lor por le tout, ai Thiebaut \6 de Rocourt, fil Jehannenat de Rocourt, qui fu, por lui et por ses hoirs, present et aichetant, lai saziesme partie de lai plaice de boix et dou fon \7 d-icelle, qu-est de franc aluef, gesant ou territoire de Grantfontaine, en Monreno, li sires de Nuefchastel hai d-unne part et li diz Thiebauz \8 et li donzel de Grantfontaine hont d-autre; 4 item, lai saziesme partie dou boix et dou fom d-icellui, de franc aluef, que siet \9 des Chenoiz, diz Pechelins, hai d-unne part et Borquerdaz li banvairs hai d-autre part, 5 por trante et quaitre solz \10 de bons nuhes balois corsables ou merchief de Porraintruy, que li dit venditour hont hahu dou dit aichetour et les hont mis \11 en lor evidanz proffiz, par qu-il s-an tienent por contenz et por bien pahiez. 6 Et se sunt devestu li dit venditour, par le lox que \12 dessus, por lor et por lor hoirs, ai-toz jors-mais, et chascuns de lor pour le tout, de lai dite vendicion de franc aluef, et \13 le dit aichetour en hont envestu et mis en bone et leal tenure et en corporal possession, ou aussi par lai tradiction de \14 ces presentes lettres, pour lui et pour ses hoirs. 7 Et ceste dite vendicion hont il promis, par le lox que dessus, par lor soiremanz donez, \15 pour lor et pour lor hoirs, en lai main de nostre dit comandemant et suis l-obligacion de touz lor biens moubles et non moubles, \16 presenz et a-venir, tenir et guerder farmemant ai toz jors-mais, et chascuns de lour pour le tout, a dit aichetour \17 et ai ses hoirs, garantir et apaisier de franc aluef par tant com leal tenure s-affiert en Ajoye, en tous lues, en \18 jugemanz et deffuers, et encontre touz, senz gemais venir encontre ces lettres. 8 Et pour plus grant surtei faire \19 a dit aichetour et hai ses hoirs de lai dite garantie, pour ce en droit personalmant establis, li diz Perrins li Fridez, de Grant\20fontaine, a lai requeste de ses diz anfanz et pour lor, s-an est mis, pour lui et pour ses hoirs, en lai main dou dit aichetour, \21 pour lui et pour ses hoirs, plaige, debte et principals renderres; 9 et ce hai il promis par son soiremant de tenir, en lor et lor \22 hoirs submatant a lai juridiction de lai cort de Besençon et de totes cours pour estre controinz a l-observacion des \23 dites choses, non obstant acunnes excepcions de fait et de droit. 10 En tesmoignaige de lai quel chose, nos, a lai relacion \24 de nostre dit jurei, havons mis le sel de lai court de Besençon en ces lettres. 11 Faites et donees, presenz Richairt l-oste, de Grantfontaine, et \25 le Juglerat, de Cheveney, le penultime jour de janvier, l-an mil trois-cenz et quarante et trois.
12 H. J. de Boncourt.