Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe201

1343, 28 novembre.

Type de document: charte: vente

Objet: Vente par Perrin, de Buratte, à Perrin dit de la Montagne, neveu de Guillaume deBrémoncourt, chevalier, pour 13 l. 10 s. de nouveaux bâlois ayant cours au marché dePorrentruy, de neuf journaux de terre de franc-alleu à Bure et à Buratte; concession entenure héréditaire de ces biens par l’acheteur au vendeur moyennant un cens annuel deneuf émines, moitié blé moitié avoine, à la mesure de Porrentruy, payable à Porrentruyaux frais du tenancier pour le blé à la Saint-Michel et pour l’avoine à Bure à laSaint-Martin; en cas de retard de plus d’une année dans le paiement de la rente,l’acheteur pourra disposer de ces biens; et garantie de la vente par Vernier, fils dePerrin, de Buratte. — Acte passé sous les sceaux de Richart dit Vaydrel, de Porrentruy,chevalier, et de Pierre Bruat, prêtre, curé de Fontenais.

Commentaire: Parchemin jadis scellé de deux sceaux sur double queue; il subsiste celui de cirerouge de Pierre dit Vaidrel, chevalier. Porrentruy, Archives de l’Hôpital, H 23. —Analyse par J. Trouillat, Monuments…, III, p. 817.

Verso: Bure (xv^e siècle).

1 Je, Perrins, de Burates, 2 fais savoir a touz ces qui verront et orront ces presentes lettres 3 que je hai vendu et vent, por \2 moi et por mes hoirs, ai touz jours-mais, a Perrin dit de lai Montaigne, nevour monssi Woillame de Bremoncourt, chevalier, \3 por lui, Perrin, et por ses hoirs, present et aichetant, les plaices de terre et choses de franc aluef ci aprés escriptes, gesanz \4 en lai vile, finaige et territoire de Bures et de Burates, que doient contenir nuef jornals de terre mesuriez a lai perche: 4 premie\5remant, en lai Cumbe, enssi comme om en vay a Porraintrui, une plaice de terre de trois jornals, Woillemins, mes freres, hai d-unne part \6 et li anfant monssi Girart Vernier de Chastelvouhai hont d-autre part; 5 item, une plaice ou sentier de lai Fontenate que \7 doit contenir trois jornals, Woillemins li Corveserez hai d-unne part et li diz Woillemins, me[s] freres, hai d-autre part; 6 \8 item, une plaice a Chaffour, que doit contenir dous jornals, messi Woillames de Bremoncourt, chevaliers, hai d-unne part et Jehannins \9 diz Juyat, de Burates, hai d-autre part; 7 item, a Cort Champ, dessus le sentier de Courdemaiche, une plaice d-un jornal de terre, \10 li Royz, de Burates, hai d-unne part et li diz Woillemins, mes freres, hai d-autre part, 8 pour traze libres et deix solz \11 de bons nuhes baloys corsables ou merchief de Porraintruy, que je hai hahu et recehu dou dit aichetour et les hay \12 mis et convertiz en mon evidant proffeit, par que je m-an suis tenuz et m-an tien pour bien pahiez entieremant. 9 Et \13 me suis devestuz et me devest, por moi et por mes hoirs, ai touz jours-mais de lai dite vendiciom de franc \14 aluef et de totes les choses dessus escriptes, et le dit aichetour en hai envestu et envest, mis et \15 mat en bone et lehal tenure et en corporal possessiom, ou aussi par lai tradictiom de ces presentes lettres, por lui et \16 por ses hoirs. 10 Et ceste dite vendiciom et toutes et singuleres les choses dessus escriptes hai je promis et \17 promat, par mon lehal soiremant donei corporalmant, por moi et por mes hoirs, toichies suis ce les sainctes \18 evvangiles de Deu, et suis l-obligaciom de touz mes biens moubles et non moubles, presenz et a-venir, \19 tenir et guarder farmemant ai touz jours-mais a dit aichetour et hai ses hoirs, garantir et appaisier \20 de propre franc aluef par tant de temps come lehal tenure s-affiert en Ajoye, en tous lués, en juge\21manz et deffuers, a mes propres despens et missions, encontre ^[1] touz, senz gemais venir encontre ^[2] lai tenour \22 de ces presentes lettres par moi ne par autrui, et senz consentir que nuls autres y-voingne en appert ou en \23 rescondut, non obstant acunnes excepcions de mal, de baret, de lesiom, de decepciom, a lai copie de \24 ces lettres, a l-excepciom de decepciom outre lai moitie dou droit pries ou emqui deviron, et ai toutes \25 autres excepcions de fait et de droit, et a droit disant que li generalz renunciations ne vaut. 11 \26 Et est a-savoir que je, li diz aicheterres, hai pratey et lessie, por moi et por mes hoirs, ai toz jors\27mais, a dit venditour, por lui et por ses hoirs, present et recevant, les dites plaices de terre por nuef emmenes, \28 moitie blef pur de annuel rente et moitie avoinne, a-lai mesure de Porreintruy, a-paier chascun an franchemant, perpe\29tuelmant, de lui et de ses hoirs a moi et hai mes hoirs ou hai mon certain comandemant, a Porreintruy, enchies ^[3] moi, \30 a lor voictures et missions, le blef pur le jour de lai feste de saint Michiel et l-avoinne le jour de lai feste de \31 saint Mertin d-yvert, par tel que je le doi aler recivre, je et mui hoir ou nostres comandemanz, a dit luec, a Bures. \32 Et s-il deffaillient tant de pahier que li une rente trovest l-autre et venest a-pahier ensemble avecques l-autre rente, \33 je en porroie faire mai voluntei, je ou mui hoir, come de mai propre chose, come de lai chose et herietaige que \34 me saroit exchoite. 12 Et por plus grant surtei faire de lai dite garantie a dit Perrin, aichetour, et hai ses hoirs, \35 je hai prié et requis a Vernier, mon fil, qu-il s-an faice plaige, debte et principals renderres en lai main dou dit aichetour; 13 et \36 je, li diz Verniers, a lai requeste dou dit venditour, mon pere, et por lui, m-an suis faiz, por moi et por mes hoirs, en lai main \37 dou dit aichetour, por lui et por ses hoirs, plaige, debte et principals renderres de lai dite garantie, et ce hai je promis, par \38 mon soiremant et suis l-obligation que dessus, de tenir a dit aichetour et hai ses hoirs; 14 et je, li diz venditour, l-an hai promis de \39 geter fuer de toz domaiges. 15 En tesmoignaige de lai quel chose, nos havons requis a saiges homes, monssi Richairt dit \40 Vendrey, de Porraintruy, chevalier, et monssi Pierre Brouhat, curie ^[4] de Fontenois, qu-il matent lor seals en ces lettres; et nos, li \41 dit Richairs Vendrez, chevaliers, et Pierres Brouhaz, prestres, es requestes que dessus, havons mis noz seals en ces lettres. 16 Faites \42 et donees le vanredi pruchain devant lai feste de saint Andrey, l-an mil trois-cenz et quarante et trois.

Notes de transcription
^[1] Ainsi coupé: en contre.
^[2] Ainsi coupé: en contre.
^[3] Ainsi coupé: en chies.
^[4] Finale développée d’après mesuriezde l. 4.