Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe199

1343, 30 octobre.

Type de document: charte: vente

Objet: Vente par le fils de Perrin, de Grandfontaine, à Thibaut de Rocourt, écuyer, fils de feuJehannenet de Rocourt, écuyer, pour 45 s. de nouveaux bâlois ayant cours au marché dePorrentruy de pièces de terre de franc-alleu et de sa part d’un bois à Grandfontaine;concession en tenure héréditaire des pièces de terre par l’acheteur au vendeur moyennantun cens annuel de trois « penaux », moitié blé moitié avoine, à la mesure de Porrentruy,payable à Porrentruy au grenier de Thibaut de Rocourt, pour le blé à la Saint-Michel etpour l’avoine à la Saint-Martin; en cas de retard de plus d’une année dans le paiementde la rente, l’acheteur pourra disposer de ces biens; et garantie de la vente parRichart, frère du vendeur, et par Clemencon, leur mère, autorisée par [Jeannin dit le]Rusal, de Grandfontaine, son avoué. Témoins: Richart dit Vaydrel, de Porrentruy,chevalier, et Vienat, son serviteur. — Acte établi au nom et sous le sceau de l’officialde Besançon par Huguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/110. — Analyse par J.Trouillat, Monuments…, III, p. 816.

Verso: Spectat ad Th. de Rocourt. — Den fil Perin de Gr[anfont]aine. — Demy jornaul en Monrenol (xiv^e siècle).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire et \2 jurei de lai dite court, nostre comandemant expecial a quel, quant es choses que s-ansuegant ^[1], nos havons commis et commattons \3 par ces presentes lettres nostre pouhoir, por ce en droit personalmant estaublis, li filz Perrinz, de Grantfontainne, \4 hai recoignu publiemant qu-il hai vendu, por lui et por ses hoirs, ai touz jours-mais, ai Thiebaut de Rocourt, \5 escuier, fil Jehannenat de Rocourt, escuier, qui fu, por lui et por ses hoirs, present et aichetant, les trois \6 jornals de terre de franc aluef que s-ansuegant ^[2], gesanz ou finaige et territoire de Grantfontainne: li duy \7 des diz trois jornals siesent en Valberbuel, entre les anfanz a Courdier d-unne part et le communnal d-autre, \8 et li autres jornals giet dessus lai Vele, Cuenaz, li fiz Woillequin, hai d-unne part et li fiz a Courdier hai \9 d-autre part; item, lai sue part dou boix ensemble le fom d-ycellui, que doit contenir demey jornal, \10 gesant en Monrenol, entre le bois a signour de Nuefchastel d-unne part et le bois dou dit aichetour et les donz[els] ^[3] \11 de Grantfontainne d-autre part, 4 pour quarante et cinc solz de bons nuhes baloys corsables ou merchief \12 de Pourreintrui, que li diz venditerres hai hahu et recehu dou dit aichetour et les hai mis et convert[iz] \13 en son evidant proffit, par qu-il s-an est tenuz pour bien pahiez entieremant. 5 Et s-est devestuz li diz \14 venditerres, pour lui et por ses hoirs, ai touz jours-mais, de lai dite vendiciom de franc aluef, \15 et le dit aichetour en hai envestu et mat en bone et en lehal tenure et en corporal possession, \16 ou aussi par lai tradiction de ces presentes lettres, a quel venditour, por lui et por ses hoirs, li dessus diz \17 aicheterres hai pratei et lessie, pour lui et pour ses hoirs, ai touz jours-mais, les diz trois \18 journals de terre arable, tant soulemant en retenant le dit bois a lui, pour trois \19 penals, moitie blef pur de annuel et perpetuel rente et moitie avoynne, a lai mesure de \20 Pourreintrui, a-pahier et rendre chascun an franchemant, ai touz jours-mais, a Pour\21reintrui, a guernier dou dit aichetour, le blef pur lou jour de lai feste de \22 saint Michiel et l-avoynne le jour de lai feste de saint Mertin d-yvert, par tel devis que, \23 se li diz venditerres deffailloit de pahier lai dite rente, il ou sui hoir, a dit aiche\24tour ou hai ses hoirs, que li une rente trovest l-autre rente et venest a-pahier \25 ensemble avecques l-autre rente, li diz aicheterres porroit faire des diz trois jornals \26 de terre, il et sui hoir, sai bone voluntey et prater a cu qu-il vorroit et faire sai bone \27 voluntei come de sai propre chose. 6 Et ceste dite vendiciom et toutes les choses dessus dites \28 et une chascunne d-ycelles hai promis et promat li diz venditerres, par son lehal soiremant \29 doney corporalmant, por lui et por ses hoirs, en lai main de nostre dit comandemant, \30 sollempnel stipulacion entrevenant, et suis l-obligacion de touz ses biens presenz et a-venir, tenir \31 et garder farmemant ai toz jors-mais, a dit aichetour et hai ses hoirs, garantir et appaisier \32 de franc aluef lai dite vendicion par tant de temps come lehal tenure s-affiert en \33 Ajoie, en tous lues, en jugemanz et deffuers, et encontre ^[4] touz, senz gemais venir \34 encontre ^[5] ces presentes lettres en nul caux. 7 Lai quel vendue et totes les dites choses, por ce en \35 droit personalmant establi, Richairs, ses freres, et Clemançons, lor mere, par lo lox de Rusal, de Grantfontainne, \36 son lehal vouhai, hont louhei, en quitant perpetuelmant a dit aichetour, pour lui et pour ses hoirs, tout \37 le droit et tote lai raison, action et reclamacion qu-il y-hont et pouhent havoir; 8 et ce hont \38 il promis, par lor soiremanz et suis l-obligation de toz lor biens, de tenir, senz venir encontre ^[6], \39 en lor et lor hoirs submatant, ensemble et deviseemant et chascuns por le tout, a lai juri\40diction de lai court de Besençon et de toutes cours por estre controinz a l-observacion des dites \41 choses, non obstant acunnes excepcions de fait ou de droit. 9 En tesmoignaige de lai quel chose, nos, \42 a lai relacion de nostre dit comandemant, havons mis le sel de lai court de Besençon en ces lettres. 10 \43 Faites et donees, presenz monssi Richairt Vendrey, de Porreintrui, chevalier, et Vienat, son garçon, lou juesdi aprés \44 lai feste de saint Symon et Jude, l-an mil trois-cenz et quarante et trois.
11 H. J. de Boncourt.

Notes de transcription
^[1] Ainsi coupé: san suegant.
^[2] Ainsi coupé: san suegant.
^[3] Mot complété d’après 202, 8, 204, 8, 205, 6, 206, 8, 216, 12.
^[4] Ainsi coupé: en contre.
^[5] Ainsi coupé: en contre.
^[6] Ainsi coupé: en contre.