Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe196

1343, 12 août.

Type de document: charte: sentence

Objet: Sentence de Bourcart dit Senn de Münsingen, bailli de Porrentruy, dans un litige entrele chapitre de Saint-Ursanne, représenté par son prévôt Horri Thibaut, seigneur d’Asuel,par Herneman dit Charbon, par Girart de Boécourt, par Jean de Lorraine, prêtres etchanoines, etc., d’une part, qui prétendait percevoir la dîme de Chevenez à la dixièmegerbe avant tout autre paiement, et la communauté de Chevenez, représentée parWillemenet le Donzel, par Uvrart dit Falandre, « ambourgs », par Jehannenet leBourgeois, « voible », par Cuenin, fils de [Cuenin dit] Coquerel, par Jehannenet ditBisat, par Perrin dit Revers, par Jeannin dit Caïn, par Hugues Chavannate, par Willemindit Maigret, par Cuenin dit Charlemagne, par Cuenin dit l’Apostoile, par JehannenetTaterel, par Jehannenet le Juglerat et par Perrin, fils du Maignin, de Chevenez, etc.,d’autre part, qui prétendait ne pas devoir payer la dîme à la dixième gerbe danscertains cas et que les moissonneurs devaient recevoir leur salaire avant la levée de ladîme; après audition, sur la foi du serment dû à l’évêque de Bâle, de ceux qui avaientlevé la dîme par le passé, la sentence est que ceux de Chevenez doivent la dîme à ladixième gerbe avant tout autre paiement lorsqu’ils moissonnent eux-mêmes avec l’aide deleur « mainie » et de leurs serviteurs mais que lorsque la moisson est faite par destiers, les salaires des moissonneurs doivent être payés avant la perception de la dîme,sans abus. Témoins: Richart dit Vaydrel, de Porrentruy, Henri de Morimont, dit le Nuce,chevaliers, Jehannenet [de Vendlincourt], Vaceillat [de Vendlincourt], Jean deVendlincourt dit Manjaille, écuyers, Jehannenet le maire, de Courgenay, Humbelin [deCourgenay], le prévôt de Porrentruy, son frère, Henri l’Allemand [le cadet], Jean, filsd’[Emonin] le pelletier, Willemin dit Ploiebuche, Jehannenet le Coursat, Jeannin, mairede Vareroille, Haiselin et Jeannin Grosbourgeois, bourgeois de Porrentruy, etc. — Acteétabli à la demande du chapitre de Saint-Ursanne par Huguenin Jean de Boncourt, notaireimpérial et juré de l’officialité de Besançon, et revêtu de son seing-manuel.

Commentaire: Parchemin. AAEB, B 288/47. — Analyse par J. Trouillat, Monuments…, III,p. 812-813.

Verso: Littera de decima in Chiveney ( xiv^e siècle).

1 In nomine Domini amen. 2 L-an d-ycellui corrant par mil trois-cenz et quarante et trois, lou doziesme jour \2 dou moys d-ost, ai hore de medy ou emqui devirom, en la mayson es hoirs monssi Horri dit lou \3 Suschaul, de Courtahom, chevalier, qui fu, sesant a Pourreintruy delez lai maison es hoirs de \4 monssi Pierre dit Maichelaire, chevalier, qui fu, lai doziesme indictiom, lou pontificamant de nostre saint pere \5 en Jhesu-Crist et signour, monssi Clement, par lai providence de Deu pape. VI., ou secont an, 3 par cest present publique \6 instrumant apparisse a touz evidemmant 4 que, en lai presence de moi, notaire publique, et des tesmoyns ci aprés \7 escrips, comparissanz en jugemant et en forme de droit par devant honorable home et sayge, monssi Bour\8quairt dit Senne de Musingues, chevalier, baillif en cest temps de Porraintrui, honorables homs et discrez, Horriz \9 Thiebauz, sires de Hesuel, prevost de l-eglise de Saint Ursanne, messi Hernemanz diz Charbons, messi Girairs de Boecourt, \10 messi Jehans de Lorroyngne, prestre, chenoynne de laidite eglise de Saint Ursanne, et plusour autre en nom de lour et \11 de lour dite eglise d-unne part, et Woillemenaz li donzels, Uvrairs diz Falandre, heimbours en cest \12 temps de Cheveney, Jehannenaz li Bourgois, voybles, Cuenins, li fiz Quoquerel, Jehannenaz diz Bisaz, Perrins diz Revers, \13 Jehannins diz Kaihins, Hugues Chavannate, Woillemins diz Maigraz, Cuenins diz Chairlemaigne, Cuenins diz li \14 Apostoilles, Jehannenaz Taterelz, Jehannenaz li Jugleraz et Perrins, li fiz a Maignin, de Cheveney, et plusour autre en nom \15 de lour et de touz lou communal et de toz les proudomes et habitanz de Cheveney d-autre part, 5 li quelle jornee \16 estoit assignee es dites parties, enssi com il disoient, en nom que dessus, par devant le dit bailly, pour hoÿr droit \17 et jugemant dou descort et dissenssiom qu-estoit et pouhoit estre entre lour pour rayson des diesmes \18 apartenanz es diz signours et chapitre de Saint Ursanne, gesanz en lai vile, finayge et territoire de Cheveney, 6 \19 des quels diesmes li dessus dit de Cheveney, en nom que dessus, afarmaivent et disoient que en plusours caux il ne \20 devoient pas pahier lai desiesme gerbe, mais devoient panre li faceillour tout premieremant lour \21 faceillure, et qu-il l-avient enssi usey et acostumey, 7 les dessus diz signours de Saint Ursanne, en nom que dessus, disant \22 et afarmant le contraire. 8 Suis lou quel descort et dissenssiom li diz messire li baillif de Porreintruy, pour \23 ce et pour plusours autres choses sesant en justise uverte a dit jour et hore et luec que dessus, demandant \24 es dites parties s-elles voloient hoÿr droit et jugemant suis lou dit descort et les choses dessus dites, \25 et que en estoit a-faire; 9 les quelles parties s-i outroerent, en nom que dessus; 10 a li quels messi li baillifz, come justise et \26 sesant en justise pour cest caux et pour plusours autres, demanday diligemmant a touz ces que om put trover et \27 savoir que autres foys havient recuilloit et retenu les diz diesmes dou temps passey, comant om en \28 havoit usey, et qu-il li en raiportessient par lour soiremanz ce qu-il en savient; 11 li quel li raporterent et en aprés \29 de ce, par lou savoir et par les jugehours dou pahis, qu-il li en raportessient et dissessient par les soiremanz \30 qu-il havient a monssi de Baille, frere dou dit monssi Bourquairt, baillif, chevalier, que a-faire li en estoit par \31 droit, a lai fin que tors ne avenest a l-unne partie ne a l-autre. 12 Li quel, tuit ensemble et chascuns de \32 lour par soy, raporterent et jugerent, en lai presence des dites parties et par lour soiremanz, que \33 en aprés de ce qu-il en havient usey et qu-il en savient, et en aprés le dit raiport et parmey ce qu-estoit \34 aley et venuz et coignuz et porposez de l-unne partie et de l-autre et qu-estoit trovez, que li dit signour \35 de Saint Ursanne doivent havoir, il et lour successours, lai desiesme gerbe en lour diz diesmes de \36 Cheveney et devant touz les faceillours et devant touz autres, soit que li dit proudome et habitant de \37 Cheveney faceillient, il et lour maigniez et servanz, et soit qu-il faicient a faceillier par autres genz, \38 ai argent et en toutes autres manieres, exceptei tant soulemant quant il pledent a faceillier a au\39truy que a lour ne que a lour meigniez ne servanz, et senz abot a faceillier lour blefs et veingnes a \40 lai faceillure; 13 ou quel caux li dit faceillour, que sunt plediez, enssi cum dit est, de faceillier senz abot \41 a lai dite faceillure, doivent panrre et havoir tout premieremant lour faceillures, et li dit signour de \42 Saint Ursanne ou lour comandemanz doient panrre et havoir aprés lour dit diesme. 14 Li quels messi li bailliz \43 demanday lai premiere foys, lai secunde et lai tierce se nuls savoit maillour jugemant, qu-il lou disest, \44 et nuls ne disay le contraire, si que il disai es dites parties come justise qu-il hoyent bien que jugiez estoit, \45 par qu-il lour comandai a guerder fermemant, ai toz jours-mais, ce qu-estoit jugiez. 15 Et ensi les dites parties se \46 departirent de lai dite justise. 16 Suis les quels choses dessus dites toutes entieremant, par lai maniere et \47 forme que dessus est contenuz, li diz Horriz Thiebauz, prevoz, et li dit chenoynne de Saint Ursanne en deman \48dairent, en nom que dessus, a moi, notaire publique ci aprés escript, que je lour en fiesse publique instru\49mant et ceste quarte publique. 17 Ces choses furent faites l-an et le jour et moys et hore, luec, indictiom \50 et pontificamant que dessus, presenz monssi Richairs diz Vendrey, de Pourreintrui, monssi Henri dit \51 lou Nuce, de Morimont, chevaliers, Jehannenat, Vaceillat, Jehan Manjaille, de Vandelincourt, escuiers, \52 Jehannenat le mayre, de Courgeignay, Humbelin, le prevost de Porreintruy, son frere, Varnat, Henri-l-Alemant, \53 Jehan, fil a pelethier, Woillemin Ploebueche, Jehannenat le Corsat, Jannin, maire de Vareroille, Haiselin et \54 Jannin Grosborgois, borgois de Porreintruy, et plusours autres tesmoins a ce appellez et demandez. 18 [Seing] [manuel] [.] \55 Et je, Huguenins Jehans de Boncourt, clers, notaires publiques de l-actoritei de l-Ampire \56 et juriez de lai court de Besençon, hai estei presenz avec les diz tesmoyns a totes \57 et singuleres les choses dessus dites et hai escript cest present publique instrumant de may \58 propre main et soingnie de mon soing acostumey et mis en ceste forme publique.