Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe186

1342, 7 octobre.

Type de document: charte: vente

Objet: Vente par Henri dit Savaiget, de Porrentruy, écuyer, avec le consentement de Willemete,sa femme, autorisée par son mari et par Jehannenet le Donzelet, de Porrentruy, sonavoué, à Renaut dit Clargesse, bourgeois de Porrentruy, pour 60 s. de vieux bâlois ayantcours au marché de Porrentruy d’une pièce de terre de franc-alleu à Fontenais. Témoins:Hugues des Ancihains et [Jehannenet] le Bourgeois, de Chevenez. — Acte établi au nom etsous le sceau de l’official de Besançon par Huguenin Jean de Boncourt, notaire.

Commentaire: Parchemin jadis scellé sur simple queue. Porrentruy, Archives de l’Hôpital,Propriétés, n° 32, Terres à Fontenais et à Villars. — Analyse par J. Trouillat,Monuments…, III, p. 803.

Verso: Spectat ad R. lai Clargesse, de Porreintrui, de Henri Savaiget et de sai feme (xic^e siècle).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de \2 Boncourt, clerc, notaire, jurie de lai dite court, nostre comandemant especial a quel, quant \3 es choses que s-ansuegant ^[1] et quant a plus granz, nos havons commis et commatons par ces \4 presentes lettres nostre pouhoir, pour ce en droit personalmant establis, Henris diz \5 Savaigez, de Porraintrui, escuiers, hai confessei publiemant qu-il, non decehuz, mais por \6 son proffeit, hai vendu et vent, por lui et por ses hoirs, ai tous jours-mais, a Re\7naut dit Clargesse, bourgois de Porraintrui, por lui et por ses hoirs, aichetant, \8 une plaice de terre de franc aluef que siet ou territoire de Fontenoys, ou luec qu-on dit en lai \9 Rochate, entre les signours de Saint Ursanne d-unne part et Huguenin dit Dodim, bourgois de \10 Porreintruy, d-autre part, pour seixante solz de bons viez baloys corsables ou merchief \11 de Porraintrui, que li diz venditerres hai hahu et recehu dou dit aichetour et les \12 hai mis et convertiz en son evidant proffeit, par qu-il s-an tient por bien pahiez \13 entieremant. 4 Et s-est devestuz li diz venditerres, por lui et por ses hoirs, ai tous \14 jours-mais, de lai dite plaice de terre de franc aluef, et le dit aichetour \15 en hai envestu et mis en bone et lehal tenure et en corporal possession, ou aussi \16 par lai tradiction de ces presentes lettres, por lui et por ses hoirs. 5 Et ceste vendicion \17 et totes les choses dessus dites hai il promis, par son soiremant donei, por lui et por \18 ses hoirs, en lai main de nostre dit comandemant et suis l-obligacion de tous \19 ses biens moubles et non moubles, presenz et a-venir, tenir et garder farmemant \20 ai tous jours, a dit aichetour et hai ses hoirs, garantir et appaisier lai \21 dite plaice de terre de franc aluef par tant cum lehal tenure s-affiert en \22 Ajoye, en tous lues et encontre ^[2] tous, senz gemais venir encontre ^[3] en nul \23 caus. 6 Lai quel vendue, por ce en droit personalmant establie, Woillemate, feme dou \24 dit Henri, par les los et actoritei dou dit Henri, son mari, et de Jehannenat le Donzel\25lat, de Porraintruy, son lehal vouhai, hai louhei, en quitant, por lei et por ses hoirs, \26 ai toz jors-mais, a-dit aichetour, por lui et por les suens, tout le droit qu-elle y hai, et \27 ce promat alle, par son soiremant, de tenir, en lour et lor hoirs submatant a lai juri\28diction de lai court de Besençon et de toutes autres cours a l-observacion des choses \29 dessus dites. 7 En tesmoignaige de lai quel chose, nos, a lai relacion de nostre dit jurie, havons \30 mis le sel de lai court de Besençon en ces lettres. 8 Faictes et donees, presenz monssi Hugue des Ancihains et \31 le Borgois, de Cheveney, sept jours en octembre, l-an mil trois-cenz et quarante et dous.
9 \32 H. J. de Boncourt.

Notes de transcription
^[1] Ainsi coupé: san suegant.
^[2] Ainsi coupé: en contre.
^[3] Ainsi coupé: en contre.