Accueil>Les corpus textuels>Charte docJuBe183

Accueil

Descriptif du projet

Les corpus textuels

Interrogations linguistiques
[vers une autre interface]

Contact

 

Choix d'édition

édition critique
édition interprétative
édition diplomatique

Montrer la structure rhétorique

non
oui

   

Téléchargement du document

fichier xml fichier pdf

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe183

1342, 6 juin.

Type de document: charte: vente

Objet: Vente par Henri, fils d’Huguenin, le frère de [Jehannenet] le Juglerat, de Chevenez, etpar Catherine, sa femme, autorisée par son mari et par [Jehannenet] le Juglerat, sonavoué, à Thibaut, fils de feu Jehannenet de Rocourt, écuyer, pour 70 s. de vieux bâloisayant cours au marché de Porrentruy de la moitié d’un chesal et de la moitié d’unjournal de terre de franc-alleu à Fahy; et garantie de la vente par Gueron, de Fahy.Témoins: Richart dit Vaydrel, de Porrentruy, chevalier, Jean Horri de Delle dit laTruphe, et Estevenin, fils de Vauterin, d’Abbévillers. — Acte établi au nom et sous lesceau de l’official de Besançon par Huguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/105. — Analyse par J.Trouillat, Monuments…, III, p. 800 (à la date du 16 mai).

Verso: De Th. de Rocourt. — De Henri, lo fiz Huguenin lo frere au Guilgerat. — Phay (Cheveney, biffé) (xive siècle).

 1 Nos, officials de lai court de Besençon, 2 faiçons savoir a touz 3 que, par devant Huguenin Jehan de \2 Boncourt, clerc, notaire, jurie de lai dite court, nostre comandemant especial a \3 quel, quant es choses que sunt ci aprés escriptes et quant a plus granz, nos havons commis \4 et commatons par ces presentes lettres nostre pouhoir, por ce en droit personalmant establis \5 et venanz especialmant, Henris, li filz Huguenin, le frere a Juglerat, de Chevenei, et Kathe\6rine, sai feme, par les los et actoritei dou dit Henri, son mari, et de le Juglerat dessus dit, \7 son lehal vouhai donei a ley par une uverte justise por ce et por autres choses sesant \8 en justise uverte et par lehal jugemant, presenz et actorizanz, hont confessei et publiemant \9 recoignu qu-il, non decehuz ne controint ne baretez, mais de lour propres et franches \10 voluntees, hont vendu, por lour et por lor hoirs, ai toz jors-mais, a Thiebaut, le fil \11 Jehannenat de Rocourt, escuier, qui fu, por lui et por ses hoirs, les moities d-un \12 chesail et d-un jornal de terre de franc aluef que s-ansuegant [1], gesanz en lai vile et territoire de \13 Phey: li diz chesails siet entre le dit Thiebaut d-unne part et lai vie communnal d-autre, \14 et li diz jornals siet derriers Grant Bois, li diz Thiebauz hai d-unne part et Esteveniaz, de Phei, hai \15 d-autre, por sexante et deix solz de bons viez balois corsables ou merchief de Porraintruy, que li dit \16 venditour hont hahu de lour et s-an tienent por bien pahiez. 4 Et se sunt devestu, por lor et por lor \17 hoirs, ai toz jors-mais, par les los et actoritei que dessus, de lai dite vendition de franc aluef, et \18 le dit Thiebaut de Rocourt en hont envestu et matent en bone tenure et en possession \19 par lai tradiction de ces lettres, por lui et por ses hoirs. 5 Et ceste vendicion et toutes les dites \20 choses hai promis li diz Henris et sai dite fome, par les los que dessus, par lour soiremanz donez, \21 por lour et por lor hoirs, en lai main de nostre dit comandemant et suis l-obligation \22 de touz lor biens moubles et non moubles, presenz et a-venir, tenir et garder farmemant \23 a toz jors-mais, a dit Thiebaut de Rocourt et hai ses hoirs, garantir et apaisier de franc aluef \24 par tant cum lehal tenure s-affiert en Ajoie, en tous lues et encontre [2] touz, senz \25 gemais venir encontre [3] en nul caus. 6 Et por plus (plus) grant surtei havoir \26 a dit Thiebaut et hai ses hoirs de garantir lai dite vendicion de franc aluef par \27 tant com lehal tenure s-affiert en Ajoie, por ce en droit personalmant establis, Guerons, \28 de Phey, a lai requeste des diz venditours et por lour, s-an est faiz, por lui et por \29 ses hoirs, en lai main dou dit Thiebaut de Rocourt, por lui et por ses hoirs, plaige et debte \30 de garantir par le dit terme; et li dit venditour l-an doivent geter fuer de touz \31 domaiges, en lour et lor hoirs submatant li dit venditour, par les los que dessus, et li diz plai\32ges et debte, qui hai promis, par son soiremant et suis l-obligacion de toz ses biens, de tenir les \33 dites choses, a lai juridiction et cohercion de lai dite court de Besençon et de toutes \34 autres cours ecclesiastes et seculeres por estre controint, par lai quelle des dites cours \35 que li diz Thiebauz de Rocourt amerai muels, il et sui hoir, a l-observacion de toutes les dites \36 choses, non obstant acunnes excepcions de fait ou de droit. 7 En tesmoignaige de lai \37 quel chose, nos, officials dessus diz, a lai relacion de nostre dit comandemant, havons mis le \38 sel de lai dite court de Besençon en ces lettres. Faites et donees, presenz monssi Rechairt dit Vendrei, \39 de Porraintruy, chevalier, monssi Jehan Horri de Deyle, dit lai Truphe, et Estevenin, fil Vaterin, de \40 Habelvelair, 8 le juesdi aprés lai feste de l-Ostre Nostre Signour Jhesu-Crist, l-an d-ycellui corrant \41 par mil trois-cenz quarante et dous.
9 H. J. de Boncourt.
Notes de transcription
[1] Ainsi coupé: san suegant.
[2] Ainsi coupé: en contre.
[3] Ainsi coupé: en contre.