Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe178

1342, 7 mai.

Type de document: charte: vente

Objet: Vente par Willemin, fils de Perrenet le Kaillon, de Chevenez, à Richart de Morimont,chevalier, pour 6 l. 13 s. 4 d. de vieux bâlois ayant cours au marché de Porrentruyd’une rente de quatre émines, moitié blé moitié avoine, à la mesure de Porrentruy,payable aux frais du vendeur à Porrentruy, au grenier de l’acheteur, pour le blé à laSaint-Michel et pour l’avoine à la Saint-Martin, et assignée sur des pièces de terre defranc-alleu à Chevenez; en cas de retard de plus d’une année dans le paiement de larente, l’acheteur pourra disposer de ces biens; et garantie de la vente par Cuenin etJehannenet, fils de Jeannete [veuve de Cuenin dit Coquerel de la Porte], de Chevenez, etpar Richart dit Cherdin, de Courtedoux. Témoins: Perrin de Cœuve, clerc, demeurant àPorrentruy, et Perrin, fils de [Willemin le] Greillat, de Chevenez. — Acte établi au nomet sous le sceau de l’official de Besançon par Huguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/21. — Analyse par J.Trouillat, Monuments…, III, p. 800.

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurei de lai dite court de \2 Besençon, nostre comandemant especial a quel, quant es choses que sunt ci-aprés escriptes et quant a plus granz, nos havons commis et commattons par ces presentes lettres \3 nostre pouhoir, por ce en droit personalmant establis et venanz especialmant, Woillemins, fiz Perrenat le Kaillom, de Chevenei, hai confessei et pu\4bliemant recoignu qu-il, non mie decehuz ne controinz ne baretez, mais cum saiges et bien avisez, hai vendu et vent, por lui et por ses hoirs, ai toz jours-mais, \5 a monssi Rechairt de Morimont, chevalier, por lui et por ses hoirs, aichetant, quaitre emennes, moitie blef pur de annuel rente et moitie avoinne, a \6 lai mesure de Porreintruy, a paier et rendre chascun an franchemant a toz jors-mais dois le jour d-ui en avant, dou dit venditour et de \7 ses hoirs a dit monssi Rechairt de Morimont et hai ses hoirs, et amener et mesurier a Porreintruy ou guernier dou dit monssi Rechairt \8 et de ses hoirs, es propres missions dou dit venditour et de ses hoirs, le blef pur le jour de lai feste de saint Michiel et l-avoinne le jour de lai feste de \9 saint Martin d-yvert, pour seix libres traze solz et quaitre deniers de bons viez balois corsables ou merchief de Porreintruy, que li diz venditerres hai hahu et \10 recehu dou dit aichetour et les hai mis en son evidant proffeit, par qu-il s-an est tenuz pour bien pahiez. 4 Les quels quaitre emennes dessus dites de annuel \11 rente li diz venditerres hai assis et assigne, por lui et por ses hoirs, ai toz jors-mais, a dit aichetour, por lui et por ses hoirs, suis les plaices de terre \12 et choses de franc aluef que s-ansuegant ^[1], gesanz ou terretoire et en lai vile de Cheveney: 5 premieremant, suis lai plaice que siet en lai Combate ou Crey, entre Perrenat \13 Quaitre Denier d-unne part et Woillemin le donzel d-autre; 6 item, en Falouze, une plaice, Jannins li Gindraz hai d-unne part et d-autre; 7 item, en Monmellon, une plaice, \14 Uvrairs Falandre hai d-unne part et Jannins li Gindraz hai d-autre. 8 Et se li diz venditerres ou sui hoir faillient par tant de temps de pahier que li \15 une rente trovest l-autre et venest ensemble a-pahier avec l-autre rente, li diz messi Richairs de Morimont et sui hoir porrient faire dou \16 dit assignal lour voluntei et prater et lessier a cu qu-il vorrient et ordener et faire lour bone voluntei come de lour propre chose que saroit exchoite \17 entieremant a lui, monssi Rechairt, et hai ses hoirs, senz contredit. 9 Et s-est devestuz et se devest li diz venditerres, por lui et por ses hoirs, ai touz jors\18mais, de lai dite vendiciom et dou dit assignal de franc aluef quant es dites quaitre emennes de annuel rente et par enssi com dit est, et le dit aichetour \19 en hai envestu et envest, mis et mat en bone et lehal tenure et en corporal possession, ou aussi par lai tradiction de ces presentes lettres, por lui et por ses hoirs. 10 \20 Et ceste vendiciom et toutes et singuleres les choses dessus dites hai promis et promat li diz venditerres, par son soiremant donei corporalmant, por lui et por \21 ses hoirs, en lai main de nostre dit comandemant, sollempnel stipulacion entrevenant, et suis l-obligacion de touz ses biens moubles et non moubles, \22 presenz et a-venir, tenir et garder fermemant, a toz jors-mais, a dit monssi Rechairt de Morimont et hai ses hoirs, garantir et apaisier de franc \23 aluef par tant de temps cum lehal tenure s-affiert en Ajoie, en tous lues, en jugemanz et deffuers, et encontre touz, senz gemais venir en\24contre par lui ne par autrui, et senz consentir que nuls autres y voingne. 11 Et por plus grant surtei faire et havoir a dit aichetour et hai ses hoirs de \25 garantir le dit assignal de franc aluef par tant cum lehal tenure s-affiert en Ajoie, por ce en droit personalmant establi, Cuenins et Jehannenaz, anfant \26 Jehannate, de Cheveney, et Richairs diz Cherdinz, de Cortedub, a lai priere et requeste dou dit venditour et por lui, s-an sunt mis et fait, por lour \27 et por lour hoirs et chascuns de lour por le tout, en lai main dou dit monssi Rechairt, por lui et por ses hoirs, plaige, debtours et principals \28 rendours. 12 Et li diz venditerres, por lui et por ses hoirs, en hai promis les diz plaiges et debtours de geter fuer de touz domaiges. 13 Et ce \29 ont il promis, par lour soiremanz et suis l-obligacion de touz lor biens presenz et a-venir, de tenir bien et lehalmant a dit aichetour et hai ses hoirs, \30 senz venir encontre en nul caus, en lour et lour hoirs submatant li dit venditerres et plaige et debtours a lai juridiction et cohercion de lai dite \31 court de Besençon et de toutes autres cours ecclesiastes et seculeres por estre controint a l-observacion de toutes les choses dessus dites, non obstant \32 acunnes exceptions de fait ou de droit. 14 En tesmoignaige de lai quel chose, nos, officials dessus diz, a lai relacion de nostre dit comandemant, havons \33 mis le seal de lai dite court de Besençon en ces presentes lettres, que furent faites et donees, presenz Perrin de Cueve, clerc, demorant \34 a Porreintrui, et Perrin, le fil a Greillat, de Cheveney, 15 le mairdi aprés l-Invenciom de saincte Croux, l-an mil trois-cenz quarante et dous.
16 \35 H. J. de Boncourt.

Notes de transcription
^[1] Ainsi coupé: san suegant.