Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe174

1341, 23 mai.

Type de document: charte: vente

Objet: Vente par Remon, jadis bourgeois de Porrentruy, et par Felise, sa femme, autorisée parVernet, maire de Porrentruy, son avoué, avec le consentement de leurs enfants: Jean deChelie, doyen d’Ajoie en l’évêché de Bâle, Hugues, chambellan de Vanchelle, prêtres, etCatherine, autorisée par Jeannin dit Janelet, bourgeois de Porrentruy, son avoué, àHuguenin et à Estevenin, frères, bourgeois de Porrentruy, pour 30 l. de vieux bâloisayant cours au marché de Porrentruy de pièces de terre de franc-alleu à Porrentruy. —Acte passé sous les sceaux de Jean de Chelie, prêtre, doyen d’Ajoie, de Louis, curéd’Alle, et du conseil de Porrentruy.

Commentaire: Parchemin jadis scellé de trois sceaux sur double queue; il subsiste ceux de Jean deChelie, doyen d’Ajoie, et de Louis, curé d’Alle. Porrentruy, Archives de la Bourgeoisie,Documents. — Analyse par J. Trouillat, Monuments…, III, p. 792.

1 Nos, Remonz, qui fuyt bourgoys de Porreintruy, et Felize, mai fome esposee, 2 faiçons savoir a touz 3 que nos, non-mie decehuz, souduz, losengie, baretez \2 ne controins d-acuns, mais saiges et bien avisez, et per le loy et lai voluntey de Vernet, maire en ce temps de Porreintruy, vouhel de mai, dite Felize, \3 havons vendu et vendons, per les lolz et bones voluntees de Jehan de Chelie, doyen d-Ajoie en l-aiveschief de Baille, de Hugue, chambellain de Vancheles, \4 prestres et freres, et de Katherinne, nostres anfanz, per le lol et bone voluntey de Jehannin dit Janelet, bourgoys de Porreintruy, vouhel de moi, \5 Katherinne, pour nos et pour nos hoirs, pour touz jours-maix, a-muix que on puet faire vendicion et pluis fermement entandre, \6 a Huguenin et ai Hestevenin, freres, bourgoys de Porreintruy, pour lour et pour lour hoirs, pour trante libres de bons viez bailloys coursaubles ou \7 merchief de Porreintruy, les plaices de terre cy aprés escriptes, gesanz ou finaige et terretoire de Porreintruy, et sunt de franc aluef; 4 prumierement, \8 en Genevroiz, une plaice, Hugueniaz diz de Sonvelier hai d-une part et Henry, filz Loviet de Cueve, d-autre part; 5 item, en Valevrai, une plaice, Ma\9cabreyl, escuiers, ai d-une part et li communs de Porreintruy d-autre part; 6 item, a Teyl de Cueve, une plaice, Macabreyl, escuiers, ai d-une part et d-autre; \10 7 item, sus Valmaucon, une plaice, Girars diz Poutiers d-une part et li communs de Porreintruy d-autre; 8 item, a Perier Chapelet, une plaice, Perrins de Cueve \11 d-une part et li terre de lai chapelle d-autre part; 9 item, derrier Auble, une plaice, li communs de Porreintruy est d-une part et li terre de lai doye de l-esglise \12 de Porreintruy d-autre part. 10 Les quelles trante libres de lai menoie dessus dite nos, li dessus diz, havons hahuees et recehuees des dessus diz Hugue\13nin et Hestevenins, freres, en bone menoie et bien nombree et de lour propre chatel, et les havons misses et tournees en nostre evidant profit, \14 si que nos nos en sumes tenuz et nos en tenons pour bien paiez entierement. 11 Des quelles plaices de terre venduees nos, li dessus diz, nos \15 sumes desvestuz et nos devestons, pour nos et pour nos hoirs, pour touz jours-maix, et nos en sumes mis et mettons fors de tenure et fors de possession \16 pour touz jours-maix, et les diz Huguenin et Hestevenin, freres, en havons envestuz et envestons, et si les en havons mis et mettons en bone tenure \17 et leaul et en bone corporel possession, lour et lour hoirs, pour touz jour-maix per lai tradicion de ces presentes lettres. 12 Et si havons promis et pro\18mettons, pour nos et pour nos hoirs, per nos foys pour ce corporelment donees en luec de soirement sus sainctes evvangiles touchies, sollempnel stipulation \19 entrevenant, et sus l-obligation de touz nos biens moubles et neanz moubles, presenz ou a-venir, quel part que il soient, en franchise ou deffors, que nos \20 contre ces dites covenances ne contre cete dite vendicion ne irons ne n-i ferons ai aler per nos ne per autruy, coiement ne an apert, maix lai \21 tenrons, apaiserons, deffendrons et garantirons es dessus nommez Huguenin, Hestevenin, freres, et a lour hoirs, a touz jours-maix, perpetuelment, en touz lues, \22 en totes cours, en touz jugemenz et deffors, encontre totes ^[1] gens et per devant touz juges, tant seculers ^[2] quant ecclesiastres, ai nos propres des\23pans et missions, non obstant aucunnes exceptionz de fait ou de droit. 13 Les quelles covenances et vendicion dessus dite nos, li dessus diz \24 Jehans, doyens d-Ajoye en l-aiveschief de Baille, Hugues, chambellans de Vancheles, prestres, freres, Vernez, maire dessus diz, vouhez de Felize dessus \25 dite, mere des diz anfanz, Katherinne, lour suers, fille des dessus nommez Remon et Felize, venditours, Jehannins diz Janelez, vouhez de lai \26 dite Katherinne dessus dite, havons louhez, confoirs et ratiffierz, tuit ensamble et chascuns de nos per luy, per ensi come il est dessus \27 diz et devisey. 14 En tesmoignaige de lai quel chose, je, Jehans de Chelie, prestre, doyen dessus diz, filz des dessus nommez Remon et Felize, venditours, hai mis \28 mon seel pendant en ces presentes lettres. Et pour pluis grant surteyl havoir de lai dite vendue des plaices de terre dessus dites de franc aluef, \29 nos, li dessus nommez Remon, Felize, fome dou dit Remon, Jehans de Chegliez, prestre dessus diz, Hugues, chambellains de Vanchelles, Kathe\30rinne dessus dite, anfanz des dessus nommez Remon et Felize, venditours, Vernoiz, maires a-ce temps de Porreintruy, vouhel de Felize \31 dessus dite, Jehannins diz Janelaiz, vouhez de Katherinne dessus dite, havons proié et requis as saiges persones et honestes, monssi Louy, curel \32 d-Alle, et a consoil des bourgoys de Porreintruy, qu-il mettent lour seel en ces presentes lettres ensamble le seel monssi Jehan dessus dit; et \33 nos, Louy, curé d-Alle, li consoil des bourgoys de Porreintruy, es priieres et es requestes des persones dessus nommees, havons mis nos seel pen\34dant en ces presentes lettres aveue le seel monssi Jehan dessus dit en signe de veritey. 15 Faictes et donees le mescredi aprés lai \35 feste de l-Acension Nostre Seignour, l-an de graice corrant per mil trois cent quarante et hun, ou mois de mai.

Notes de transcription
^[1] Le scribe a écrit totospar erreur.
^[2] Le scribe a écrit singulerspar erreur.