Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe173

1340, 27 novembre.

Type de document: charte: vente

Objet: Vente par Willemin, fils de [Perrenet le] Kaillon, de Chevenez, à Jehannenet de Vaux età Vernier, son fils, pour 12 l. de vieux bâlois ayant cours au marché de Porrentruyd’une pièce de terre de franc-alleu à Chevenez (voir n° 252); et garantie de la ventepar Cuenin, beau-frère du vendeur, par Perrin dit Quatre Deniers, par Jeannin dit duFour, fils de Copin, et par Jehannenet le Bourgeois, fils de [Perrenet] le Kaillon, deChevenez. — Acte établi au nom et sous le sceau de l’official de Besançon par HugueninJean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/21. — Analyse par J.Trouillat, Monuments…, III, p. 790.

Verso: Chevency ( xiv^e siècle).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire et \2 jurei de lai dite court de Besençon, nostre comandemant especial a quel, quant es choses que sunt ci aprés escriptes et quant a plus \3 granz, nos havons commis et commattons par ces presentes lettres nostre pouhoir, pour ce en droit personalmant establis et venanz \4 especialmant, Woillemins, li filz a Kaillom, de Chevenei, hai confessei et publiemant recoignu qu-il hai vendu et vent, por lui et \5 por ses hoirs, ai touz jours-mais, a Jehannenat de Vals et a Varnier, son fil, por lour et por lour hoirs, presenz et aiche\6tanz, une plaice de terre de franc aluef que siet en Vals, ou terretoire de Cheveney, entre les hoirs Woillemin de Roche\7dorph, qui fu, d-unne part et Aignex li Moillasse, de Cheveney, hai d-autre, pour doze libres de bons viez balois corsables \8 ou merchief de Porreintruy, que li diz venditerres hai hahu et recehu de lour et les hai mis et convertiz en son evidant \9 proffeit, par qu-il s-an est tenuz et s-an tient por bien pahiez entieremant. 4 Et s-est devestuz et se devest li diz vendi\10terres, por lui et por ses hoirs, ai toz jors-mais, de lai dite plaice de terre de franc aluef, et le dit Jehannenat de Vals et \11 Varnier, son fil, en hai envestu et mis en bone et lehal tenure et en corporal possession, ou aussi par lai tradictiom de ces \12 presentes lettres, por lour et por lour hoirs. 5 Et ceste vendue et toutes les choses dessus dites hai promis li diz venditerres, par son \13 soiremant donei corporalmant, por lui et por ses hoirs, en lai main de nostre dit comandemant, sollempnel stipulaciom entrevenant, \14 et suis l-obligaciom de touz ses biens moubles et non moubles, presenz et a-venir, tenir et garder fermemant, ai toz jors-mais, es \15 diz aichetours et ai lour hoirs, garantir et appaisier de franc aluef par tant com lehal tenure s-affiert en Ajoie, \16 en tous lues et encontre touz, senz gemais venir encontre en nul caus. 6 Et por plus grant seurtei faire es \17 diz aichetours et ai lour hoirs des choses dessus dites, por ce en droit personalmant establi, Cuenins, solorges dou dit venditour, \18 Perrenalz Quaitre Deniers et Jehannins, filz Copin, diz dou Four, et Jehannenaz li Borgoys, fiz a Kaillom, de Cheveney, a \19 lai priere dou dit venditour et pour lui, se sunt mis et fait, por lour et por lour hoirs, en lai main des diz aichetours, por \20 lour et por lour hoirs, plaiges de garantir lai dite plaice de terre de franc aluef par tant de temps cum lehal tenure \21 s-affiert en Ajoye, et ce ont [promis] [et] promatent il, por lour et por lour hoirs, par lour lehals soiremanz et suis l-obligaciom de touz \22 lour biens presenz et a-venir, en lour et lour hoirs submatant li diz venditerres et plaiges a lai juridictiom et coherciom \23 de lai court de Besençon et de toutes autres cours ecclesiastes et seculeres a l-observaciom de toutes les choses dessus \24 escriptes, non obstant acunnes excepcions de fait ou de droit. 7 Et li diz venditerres hai promis les diz plaiges et \25 lour hoirs de garder de touz les domaiges que lour porrient avenir por rayson de lai dite plegerie. 8 En \26 tesmoignayge de lai quel chose, nos, officials dessus diz, a lai relaciom de nostre dit comandemant, avons \27 mis le seal de lai dite court de Besençon pendant en ces presentes lettres, que furent faites et donees, presenz \28 Hugue de Pesmes, clerc, et Huguenat dit Quoichemoy, bourgois de Porreintruy, 9 le lundi aprés lai \29 feste de saincte Katherine, l-an mil trois-cenz et quarante.
10 H. J. de Boncourt.