Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe170

1340, 30 avril.

Type de document: charte: vente

Objet: Vente par Lambelin, de Chevenez, par Girart, fils du Pachol, de Chevenez, parJehannenet, fils de Cuenet dit Karimaro, et par Viate [dite la Corchenasse], sœur deCuenet, et autorisée par lui comme son avoué, à Cuenin, fils de Jeannin, de Buratte,pour 4 l. de vieux bâlois ayant cours au marché de Porrentruy d’une pièce de terre defranc-alleu à Chevenez. Témoins: Bourquin le « voible », de Bressaucourt, Henriet ditVallat, fils de feu Boteru, Woillemey, fils de Jussey, de Réclère, Henri le pelletier,de Chevenez, et Richart dit Tholomé, de Cœuve. — Acte établi au nom et sous le sceau del’official de Besançon par Huguenin Jean de Boncourt, notaire.

Commentaire: Parchemin jadis scellé sur simple queue. Porrentruy. Archives de la Bourgeoisie, IIIE, 17/1.

Verso: Cheveney. — Debet .XVI. d. (xiv^e siècle).

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, \2 jurei de lai dite court de Besençon, nostre comandemant especial a quel, quant es choses que sunt ci aprés escriptes et quant \3 a plus granz, nos havons commis et commatons par ces presentes lettres nostre pouhoir, pour ce en droit personalmant \4 establis, Lambelins, de Cheveney, et Girairs, filz a Poicho, de Cheveney, Jehannenez, fiz Cuenat dit Karimaro, et \5 Viate, suer Cuenat, dou dit luec, par le los et actoritey dou dit Jehannenat, fil Cuenat, son frere, son lehal vou\6hay donei a-lei par une uverte justise por ce et por autres choses sesant en justise uverte et par lehal jugemant, \7 present et actorizant, ont confessei et publiemant recoignu qu-il, ne decehu ne controint d-acun ne baretez, mais \8 com saiges et bien avisez, ont vendu et vendent, por lour et por lour hoirs, a toz jors-mais, et chascuns de lour \9 por le tout, a Cuenin, le fil Jehannin, de Burates, por lui et por ses hoirs, une plaice de terre de franc aluef \10 que siet ou terretoire de Cheveney, entre Cuenin, fil Jehannin, de Burates, d-unne part et Cuenins li Apostoiles hai \11 d-autre, pour quaitre libres de bons viez baloys corsables ou merchief de Porreintruy, qu-il hont hahu et \12 recehu de lour et les hont mis et convertiz en lour evidanz proffeiz, si qu-il s-an sunt tenu et s-an tienent \13 pour bien pahiez entieremant. 4 Et se sunt devestu et se devestent, por lour et por lour hoirs, \14 ai touz jours-mais, par le los et actoritey que dessus, et chascuns de lour por le tout, de lai dite plaice de \15 terre de franc aluef, et le dit Cuenin, fil Jehannin, aichetour, en hont envestu et envestent, mis et \16 matent en bone et en lehal tenure et en corporal possessiom, ou aussi par lai tradictiom de ces presentes lettres, \17 pour lui et pour ses hoirs. 5 Et ceste vendiciom et toutes et singuleres les choses dessus escriptes ont il promis \18 et promattent, par le los et actoritey que dessus, par lour lehals soiremanz donez corporalmant, por lour et \19 por lour hoirs, en lai main de nostre dit comandemant, sollempnel stipulaciom entrevenant, et suis \20 l-obligaciom de touz ses biens moubles et non moubles, presenz et a-venir, tenir et garder farmemant a toz \21 jours-mais, et chascuns de lour por le tout, a dit aichetour et hai ses hoirs, garantir et \22 appaisier lai dite plaice de terre de franc aluef par tant de temps come lehal tenure se \23 affiert en Ajoie, en tous lues, en jugemanz et deffuers, encontre ^[1] touz, senz gemais venir \24 encontre ^[2] par lui ne par autruy, et senz consentir que nuls autres y-voingne en appert ou en \25 rescondut, en lour et lour hoirs submattant, par le los et actoritey que dessus et chascuns de \26 lour pour le tout, a lai juridictiom et a lai coherciom de lai dite court de Besençon \27 et de toutes autres cours ecclesiastes et seculeres pour lour et lour hoirs controindre \28 et faire controindre, par lai quelle des dites cours que li diz aicheterres et sui hoir ameront muels, \29 soit ecclesiaste ou seculere, a l-observaciom de toutes et singuleres les choses dessus escriptes, non \30 obstant acunnes excepcions de fait ou de droit. 6 En tesmoignaige de lai quel chose, nos, officials \31 dessus diz, a lai relaciom de nostre dit comandemant, avons mis le seal de lai dite court de Besen \32çon pendant en ces presentes lettres, que furent faites et donees, presenz Bourquin le veble, de \33 Brexacourt, Henriat dit Valat, fil Boteru, qui fu, Woillemey, fil Jussey, de Rescleres, \34 et Henri le pelethier, de Cheveney, et Richairt dit Tholomey, de Cueve, 7 le derriers \35 jour dou moys d-avry, l-an mil trois-cenz et quarante.
8 H. J. de Boncourt.

Notes de transcription
^[1] Ainsi coupé: en contre.
^[2] Ainsi coupé: en contre.