Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe166

1339, 29 octobre.

Type de document: charte: vente

Objet: Vente par Jean de Pleujouse, écuyer, à Horri [de Muriaux], trésorier du chapitre deSaint-Ursanne, agissant pour l’autel devant sainte Catherine, fondé d’abord sous levocable de saint Michel puis de Notre-Dame par feu Henri, fils de Roulin, maire deSaint-Ursanne, pour 42 l. de vieux bâlois ayant cours au marché de Porrentruy d’unerente d’un muid, moitié blé moitié avoine, à la mesure de Porrentruy, payable à laSaint-Martin à Jean, fils de Jean de Kanine, chapelain de cet autel, puis à sessuccesseurs après son décès, et assignée sur des pièces de terre à Courgenay; les droitsdu chapelain sont limités à la perception de la rente mais en cas de retard de plusd’une année dans le paiement, il aura le droit de saisir les terres jusqu’a l’entierpaiement de la rente et des frais. — Acte établi au nom de Jean de Pleujouse et passésous son sceau et sous ceux de Pierre dit Cordelier, curé de Courgenay, de Louis, curéd’Alle, et du conseil de Porrentruy.

Commentaire: Parchemin jadis scellé de quatre sceaux sur double queue. Saint-Ursanne, Archivesparoissiales, n° 4. — Analyse dans J. Trouillat, Monuments…, V, p. 691.

Verso: Lettre de la terre appartenant a Saint Michiel, giesant au lieu de Courgenay (xv^e siècle).

1 Je, Jehans, escuiers, de Plujouse, 2 fais savoir a touz 3 que je, pour lou profit et lou succurrement de moy et de mes hoirs, de ma propre et franche volenté, hay vendu \2 et vendoy, pour moy et pour mes hoirs, au miex que on puet faire vendition et pluis fermement entendre, senz gemaix rappeller, a honorable persone, monsire Holri, thres\3sorier de-l esglise de Sainct Ursanne, acceptant et aichettant en nom de hun alter qu-est fondés en la dite esglisse de Sainct Ursanne devant saincte Katherine \4 et fondés premierement en nom de sainct Mychiel et aprés en nom de Nostre Dame, lou quel dit alter messy Henris, de bone memoire, que fuit fiz Roulin, \5 lou mayre de Sainct Ursanne, fonday premierement, si que, pour la craissance dou dit alter, je, li diz Jehans, escuiers, hay vendu pour quarente et doues livres \6 de viez baloys, menoiie coursable ou marchie de Pourraintruy, demé muy de nu blef puir de rente et demé muy de avoinne, a la meusure de Pourraintruy, a paier \7 ai touz jours-maix, chescun an senz faillir ai chescune feste de la Sainct Martin d-yver, a monsy Jehan, fil Jehan de Kanine, chapellain dou dit alter, tant comme il vivray, \8 et aprés lou deceps de lui, a chapellain ou as chapellains que sauront mis et establi pour lou dit alter pourchanter et desservir. Les queles quarente et doues libres de baloys \9 dessus dites, je, li diz Jehans, escuiers, hay haüez et recehues dou dit monsire Holri en bone menoiie bien nombree et dou propre chattel a dit monsire Henri, que fuit filz dou dit Roulin, \10 et mises et tornees les hay en mon evidant profit, si que je m-en tien pour bien paiiez entierement. Lou quel demi muy de nu blef de rente et lou quel demi mu de avoinne, a lai meu\11sure dite dessus, je, li diz Jehans, ay assigné et assignoy, assetté et assettoy, pour moy et pour mes hoirs, ai touz jours-maix, a dit mon sire Holri, en nom que dessus, suis les places de terre \12 que sunt cy aprés escriptes, gesans en la fin et ou territoire de Courgenay, as luez cy aprés nommés: 4 premierement, as Angles, une place, li hoir Richardin lou Donzellet hont d-une part \13 et Jehannenez diz Ardeillons hai d-autre part; 5 item, en Harmon, une place, Humbelins hay d-une part et Brusalz hay d-autre; 6 item, suis les Costes, une place, entre lou commeine et les am\14fans Wirat; 7 item, as Combattes, une place, entre Jehannenat lou mayre et Cuenat lou favre d-autre; 8 item, a Combat de Chalieres, une place, entre Henriat, fil Jehannat, et la suer la \15 Weigne d-autre part; 9 item, a Theillat, une place, entre les moinnes de Luscelans d-une part et Chantin, de Pourraintruy, d-autre part; 10 item, derriers lou Chasne, une place, entre les amfans \16 Wirat et la terre de Mirual; item, en Noire Terre, une place qu-est entre la terre Sainct Jehan et lou dit Chantin; 11 item, en la Longeigne de Wal Bornol, une place, li terre Sainct Jehan est \17 d-une part et Perrins diz Foulettez hay d-autre part; 12 item, a Cray Farray, une place qu-est contours dez champs; item, en la Combatte a lai Minne, une place, li commeines est d-une part et d-autre part; \18 13 item, desouz lou Chasnoy, hun champ, et Cuenas hay d-autre part; 14 item, en la Claverie, une place, Jehannas hay d-une part et ses filz hay d-autre; 15 item, en la vie de Veler, une place, li filz Brusal hay \19 d-une part et li favres d-Alle hay d-autre; 16 item, a Theillat, une oychatte, entre Cuenat, fil Parrette, d-une part et la terre de Mirual d-autre; 17 item, a chavon de la Ville, une oychatte, entre la \20 terre de Mirual et les hoirs Richardin lou Donzellet; et est toute li terre dessus nommee de franc aluef. 18 Et les places cy aprés nommees sunt dou feu Sainct Ursanne: 19 premierement, en \21 la Vie de Marchie, une place, Loviez diz Merchans hay d-une part et Perrins de Boreignon hay d-autre part; 20 item, en Chalieres, une place, li diz Merchans hay d-une part et d-autre; 21 item, en la vie d-Ar\22mon, une place, entre monsy Willame de Bourmoncourt et Loviat, de Courthematruy; 22 item, en Noire Terre, une place, entre les diz moinnes et les amfans Damette; 23 item, en Coudray, une place, \23 entre [la] terre de Bellelee et la terre de Mirual; 24 item, en Rueges, une place, entre les diz moinnes et Girol d-autre; 25 item, en Wal Bonat, une place, entre lou dit monsy Willame et lou \24 dit Merchan; 26 item, devant Chasteillon, une place, entre les moinnes et Gerol; 27 item, suiz la Rochatte, une place, entre Jorfal et lou commeine; 28 item, en Wal Bernol, ancour une place, li diz messy Willames \25 hay d-une part et d-autre. 29 Dez queles places de terre dessus devisees je, li diz Jehans, escuiers, me suiz desvestis et me desvest, et si m-en suiz mis et met fors de tenure et fors de possession, pour \26 moy et pour mes hoirs, et lou dit monsire Holri, en nom des chappellains que sunt et saront estaubli lou dit alter de sainct Mychiel et de Nostre Dame pour-chanter et desservir, en ay envesti \27 et envest, et si l-en ay mis et mat en bone tenure et leal, en nom que dessus, et en bone possession pour touz jours-maix per la tradition de ces presentes lettres, per tel forme et tel condition que \28 li chapellain dou dit alter, presens ou a-venir, ne doit penre ne havoir suiz la dite terre fors que lou dit muy de blef moittenge de rente, ai touz jours-maix, a paiier a terme dessus devis; \29 maix si ainsi estoit que on ne lour paiiet la dite rente per si grant tergement que li une rente troveit l-autre que ne fust ancour paiie, li dit chapellain ou lour commandement pourrent monter \30 suiz la dite terre et tenir jusque il fussent paiie de touz arraiges et de toutes altres missions as bons us dou paiis. 30 Et toutes ces convenances et une chescune d-ycelles je, li diz Jehans, \31 hay promis et promat, per mon soirement doné suiz sainctes ewangeles touchiez, sollempne stipulation entrevenant, et aprés suiz l-obligation de touz mes biens moubles et non moubles, presens et a-venir, ai \32 tenir, aipaissier, desfandre et guarantir, pour moy et pour mes hoirs, ai touz jours-maix ai touz cez que hauront cause de mantenir et de pourchanter lou dit alter, ai touz ensamble \33 et un chescun per soy, en touz luez, en toutes cours, en touz jugemens et defors, encontre ^[1] toutes gens, a mes propres despens et missions, aucune exception de fait ou de droit non obstant. 31 \34 En tesmoignaige de la quele chose, je, li diz Jehans, escuiers, hay mis mon seel en cez presentes lettres, et si ay proiie et requis as saiges et discretes persones, monsy Pierre dit Courde\35lier, curé de Courgenay, monsy Loui, curé d-Alle, et a consel dez bourgeoys de Pourraintruy, que il mettent lour seelz; et nos, li devant nommé curé, Pierres et Louis, et li \36 conselz de Pourraintruy, as proiieres et requestes dou dit Jehan, escuier, de Plujouse, havons mis nos seelz ensamble lou suen sel en cez presentes lettres en signe de la pure \37 verité. 32 Faictes et donees lou venredi prochain aprés feste sainct Symon et sainct Jude apostres, l-an de grace courrant per mil trois cens et trente et nuef.

Notes de transcription
^[1] Ainsi coupé: en contre.