Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe162

1339 (n. st.), 2 janvier.

Type de document: charte: bail

Objet: Bail à ferme conclu pour une durée de vingt et un ans par Guillaume de Brémoncourt,chevalier, et par Jeannin [de Brémoncourt], écuyer, son frère, au profit de Martin et deJehannenet Bone Arme, de Villars-le-Sec, de cinquante journaux et demi de terre defranc-alleu, sis à Bure, acquis de Willemin, de Florimont, fils de feu Huguenin deBoncourt (voir n° 40, n° 57 et n° 154), moyennant une rente annuelle de deux muids etdix émines, moitié blé moitié avoine, à la mesure de Porrentruy, et de dix chapons,payable à Villars-le-Sec à la Saint-Martin et transportable à Porrentruy aux frais desfermiers.

Commentaire: Parchemin jadis scellé sur double queue. Porrentruy, Archives de l’Hôpital, H 23. —Analyse par J. Trouillat, Monuments…, III, p. 779 (à la date du 3 janvier1338).

Verso: Bure (xv^e siècle).

1 Nos, Woillames de Bremoncourt, chevaliers, et Johannins, ses freres, escuiers, 2 faiçons savoir a touz 3 \2 que nos, ne decehu ne controint ne baretez, mais de nos propres et franches voluntees, avons pratey et amo\3seney, por nos et por noz hoirs, par vint et hun an, encomancenz a-venir dois le jour de lai confectiom \4 de ces lettres contenuelmant ensugant et a-complir, a Mertin et a Jehannenat dit Bone Airme, de Velair \5 vers Bures, por lour et por lour hoirs, cinquante jornals de terre et hun demey, de franc aluef, et \6 generalmant quanque nos havons, pouhons et devons havoir aquis de Woillemin, de Florimont, que fu filz \7 Huguenin de Boncourt, en champs, bois, terres et en toutes autres choses gesanz en lai vile et ou \8 terretoire de Bures, senz riens excepter, 4 pour dous muiz et deix emennes, moitie blef pur de \9 rente et moitie avoinne, a lai mesure de Porreintruy, et pour deix chapons de rente, a-pahier \10 chascun an des diz Mertin et Jehannenat Bone Airme et de lour hoirs par les diz vint et hun an \11 a nos et a noz hoirs ou a certein comandemant de nos ou de noz hoirs, a Porreintruy, 5 en tel maniere \12 et par tel devis que nos ou nostre hoir ou nostres comandemanz les devons recivre a Velair et il le nos \13 doivent amener a Porreintruy a lour cherroy et atout ^[1] lour voicture, a lour propres despens \14 et missions senz nul abot, c-est a-savoir a pahier chascun an par le dit terme, le jour de lai \15 feste de saint Mertin d-yvert. 6 Et cest praist et toutes les choses dessus dites avons nos promis et pro \16matons, par noz lehals soiremanz donez, pour nos et pour noz hoirs, et suis l-obligatiom de touz nos \17 biens moubles et non moubles, presenz et a-venir, tenir et garder fermemant par le dit terme es diz Mertin, Jehanne\18nat et a lour hoirs, garantir et apaisier par le dit terme, en tous lues et encontre ^[2] touz, senz \19 venir encontre ^[3] par nos ne par autruy, et senz consentir que nuls autres y veingne en appert ou en \20 rescondut, non obstant acunnes exceptions de fait ou de droit. 7 Et parmey cest praist \21 et covenances dessus dites, li dit Mertins et Jehannenaz et lour hoirs nos doivent atufiher et \22 mantenir lai dite terre et le dit herietaige contre touz, bien et lehalmant, senz fraude et \23 senz baret. 8 En tesmoignaige de lai quel chose, nos, li dessus dit Woillames de Bremoncourt, \24 chevaliers, et Jehannins, ses freres, avons mis noz seals pendanz en ces presentes lettres, 9 que furent faites \25 et donees le sambadi aprés lai Circuncisiom Nostre Seignour, l-an d-ycellui corrant par mil trois-cenz \26 trente et huit.

Notes de transcription
^[1] Ainsi coupé: a tout.
^[2] Ainsi coupé: en contre.
^[3] Ainsi coupé: en contre.