Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe163

1339 (n. st.), 8 février.

Type de document: charte: renonciation

Objet: Renonciation, moyennant 200 l. de vieux bâlois ayant cours au marché de Porrentruy, dont22 d. valent un bon gros tournois et 22 s. un florin d’or de Florence, par Catherine,fille de feu Renaut de Cœuve dit du Pré, écuyer, et de feue Perrete d’Abbévillers, safemme, autorisée par son mari, Perrin dit Ruequelin, de Porrentruy, écuyer, et par sonavoué, Vaceillat de Vendlincourt, écuyer, à tous ses droits sur les successionspaternelle et maternelle à Cœuve et ailleurs, réserve faite des successionscollatérales, en faveur de ses frères Thibaut et Henri de Cœuve, dits du Pré, écuyers,agissant pour eux et au nom de leurs autres frères, enfants de Renaut et de Perrete.Témoins: Jehannenet de Vendlincourt, Jehannenet le Donzelet, de Porrentruy, et Willeminde Chevenez, écuyers. — Acte établi au nom et sous le sceau de l’official de Besançonpar Huguenin Jean de Boncourt, notaire.

Commentaire: Parchemin jadis scellé sur simple queue. AAEB, B 239 Ajoie/71. — Analyse par J.Trouillat, Monuments…, III, p. 780 (à la date du 23 février 1338).

Verso: Debet reddi domine de prato et nemini detur littera ista nisi domine de Prato, de Cova ( xiv^e siècle).

1 Nos, officialx de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire et jurie de lai dite \2 court, nostre comandemant expecial a quel, quant es choses que sunt ci-aprés escriptes et quant a plus granz, nos havons commis et commatons \3 par ces presentes lettres nostre pouhoir, pour ce en droit personalmant estaublie et venant expecialmant, Katherine, fille Renaut \4 dou Prey, de Cueve, escuier, qui fu, et de Perrate d-Abelvelair, feme dou dit Renaut, qui fu, hai confessei et recoignu uvertemant qu-elle, \5 par les lox et auctorité de Perrin dit Ruequelin, de Pourreintruy, escuier, son mari, et de Vaceillat de Vandelincourt, escuier, son lehal \6 vouhey donei a ley par une uverte justise por ce et por plusours autres choses sesant en justise et en droit et par leal jugemant, presenz, lou\7hanz et auctorizanz, hai quitie et quite lai dite Katherine, por lei et por ses hoirs, ai touz jours-mais, Thiebaut, Henri dou Prey, \8 de Cueve, escuiers, freres de lai dite Katherine, presenz et acceptanz lai dite quitance, en-nom et por touz lour autres freres, anfanz lealz et naturels \9 de leal marihayge dou dit Renaut dou Prei, de Cueve, qui fu, et de lai dite Perrate, lour mere, por lour et por lor hoirs, toutes exchoi\10tes que sunt estez avenuez quant a lai partie et a ce quil en affiert, puet et doit apartenir a lai dite Katherine por raison de lai \11 successiom et de l-exchoite des biens moubles et herietaiges entieremant, que sunt demorez et exchoiz de part le dit Renaut dou \12 Prey, de Cueve, pere des diz anfanz, et de lai dite Katherine; 4 et tout le partaige ensemble tout le droit et tote lai raison, actiom, reclamaciom, \13 proprietey et possessiom que lai dite Katherine atant et que-li puet et doit avenir et exchoir a ley et hai ses hoirs en touz les biens \14 moubles et herietaiges, quels que il soient, que demorront et excherront de part lai dite Perrate, mere de lai dite Katherine et des diz anfanz, \15 gesanz en lai vile, finaige et territoire de Cueve et autre part, senz riens excepter ne matre fuer. 5 Et ne quite point lai dite Katherine \16 des exchoites collateralz que li pouhent et doient exchoir et afferir, ençoys les retient a-ley et hai ses hoirs. 6 Et esté faicte ceste \17 dite quitance parmey dous-cenz libres de bons viez baloys corsables ou merchief de Pourraintruy, de que li vint et douz denier de lai dite monoie \18 doient valoir hun bon gros tornoys de bon argent recipiable, et li vint et dous solz de la monoie dessus dite valent hun bon florin de bon \19 or de Florance de leal et juste poys, que lai dite Katherine emporte et doit havoir, en nom et por rayson et cause de son marihayge, de \20 lai dite Perrate et de ses diz freres, en nom que dessus, enssi comme il est plus plenieremant contenuz danz unes autres lettres suis ce faictes que lai \21 dite Katherine en hai de lour. 7 Et s-est desvestue et se desvest lai dite Katherine, par les lox et actorité que dessus, por lei et por ses hoirs, ai toz jors-mais, \22 de tout le droit et de tote lai raison, action, reclamacion, proprietei et possessiom qu-elle hai, puet et doit havoir et atant havoir es dites choses \23 de part pere et de part mere, en retenant, enssi com dessus, a-lei et hai ses hoirs totes exchoites collateralz; et les diz Thiebaut et Henri, \24 ses freres, en nom que dessus, en hai envestu et envest, mis et mat en bone et leal tenure et corporal possessiom, ou aussi par lai tradiction de ces presentes lettres, \25 por lor et por lor hoirs. 8 Et ceste quitance et totes les choses dessus dites hai promis lai dite Katherine, par les lox et auctorité que dessus, par son soire\26mant donei corporalmant, por lei et por ses hoirs, en lai main de nostre dit jurey, sollempnel stipulacion entrevenant, et suis l-obligation \27 de touz ses biens moubles et non moubles, presenz et a-venir, tenir et garder fermemant ai toz jors-mais as-dit Thiebaut et Henri, freres, en nom \28 que dessus, et hai lor hoirs, senz gemais venir contre lai tenour de ces lettres en nul caux, et senz consentir que nuls autres y-voingne, en appert \29 ou en rescondut, en lei et ses hoirs submattant, par les lox et actorité que dessus, a-lai juridiction et cohercion de lai court de Besençon et de totes \30 autres cours ecclesiastes et seculeres por estre controinz ai l-observacion des choses dessus dites, non obstant acunes excepcions de mal, de baret, de lesion, de \31 decepcion, a l-excepcion de decepcion outre lai moitie dou droit pries et que autre chose soit escripte que acordee, et ai totes autres excepcions \32 de fait et de droit, et a droit disant lai general renunciation non valoir. 9 En tesmoignaige de lai quel chose, nos, a lai relacion de nostre dit jurey, havons mis le \33 sel de lai cort de Besençon en ces lettres. 10 Faictes et donees, presenz Jehannenat de Vandelincourt, Jehannenat le Donzellat, de Pourraintruy, et Woillemin de Chevenei, escuiers, le \34 lundi pruchain devant Invocavit me, l-an mil trois-cenz trante et huit.
11 H. J. de Boncourt.