Accueil>Les corpus textuels>Charte docJuBe154

Accueil

Descriptif du projet

Les corpus textuels

Interrogations linguistiques
[vers une autre interface]

Contact

 

Choix d'édition

édition critique
édition interprétative
édition diplomatique

Montrer la structure rhétorique

non
oui

   

Téléchargement du document

fichier xml fichier pdf

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe154

1337, 8 mai.

Type de document: charte: vente en franc-alleu

Objet: Vente en franc-alleu par Willemin, bourgeois de Florimont, fils de feu Huguenin deBoncourt, avec le consentement de Marguerite, sa femme, autorisée par son mari et parHechelin, « voible » de Florimont, son avoué, et avec le consentement de Jean le Grand,son frère, à Guillaume de Brémoncourt, chevalier, et à Jeannin [de Brémoncourt], écuyer,frères, pour 64 l. 10 s. de vieux bâlois de cinquante journaux seize perches et demie etd’autres pièces de terre sans superficie définie à Bure, biens que le père du vendeuravait acquis de Cuenin, de Bure, fils de Chandoile, de Bure, et d’Aliate, sa femme (voirn° 40, n° 57 et n° 162). Témoins: Louis, curé d’Alle, Richart Savaiget, curé de Grosne,prêtres, Jean de Pleujouse, écuyer, Jehannenet Maistrat et Jehannenet, fils de Mathey,bourgeois de Porrentruy, etc. — Acte établi au nom de l’official de Besançon parHuguenin Jean de Boncourt, notaire, et passé sous son sceau et sous celui du conseil dePorrentruy.

Commentaire: Parchemin jadis scellé de deux sceaux sur double queue; il subsiste celui du conseilde Porrentruy. Porrentruy, Archives de l’Hôpital, H 23. — Analyse par J. Trouillat,Monuments…, III, p. 777.

Verso: Item, li lettre de Woillemin, de Florimont, fil Huguenin de Boncort, qui fu. — Bure (xive siècle).

 1 Nos, li officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurie de lay \2 dite court de Besençon, nostre especial comandemant a quel nos avons commis et commattons par ces presentes letres nostre pouhoir quant es choses \3 que sunt ci aprés escriptes, pour ce en droit personalmant establis, Woillemins, bourgois de Florimont, filz Huguenin de Boncourt, qui fu, \4 ai confessey et publiemant recoignu qu-il ai vendu et vent, pour lui et pour ses hoirs, a toz jors-mais, a monssi Woillame de Bremoncourt, chevalier, \5 et a Jehannin, son frere, escuier, pour lour et pour lour hoirs, presenz et aichetanz, les cinquante journals saze perches et une demey de terre \6 de franc aluef et les plaices de terre de franc aluef que giesent ou finayge et terretoire de Bures: 4 premieremant, ou leuc que om dit a Fol ou Chaf\7four, deix jornals de terre et hun demey douhes perches moyns, Jehannins, de Burates, hai d-unne part et li diz Jehannins et Perrins, de Burates, hont \8 d-autre; 5 item, en la combe de Chernoys, trois journals sept perches moyns, entre Phelepin, de Veler, d-unne part et li hoir monssi Girairt Varnier de Cha\9stel Vouhey hont d-autre; 6 item, es chintres devant Chernois, huit perches moyns d-un jornal, entre Brisemaiche d-unne part et li champ contornent suis; 7 item, \10 hun jornal deix perches moyns en Chernoys, Sebeliaz, de Porreintruy, hai d-unne part et d-autre; 8 item, en la combe devant Chernoys, dex perches moyns d-un \11 jornal, li moynnes de Grantgort hont d-unne part, et se part a Woillemin le Courvoiseret, de Burates; 9 item, trois jornals huit perches moyns de\12vant Chernois, li hoir Tresye, de Bures, qui fu, hont d-unne part et Aliate, li feme Martel, de Bures, hai d-autre; 10 item, en Pouseber, hun jornal et seix \13 perches, Jehannenaz li peletiers, de Bures, hai d-unne part et li hoir Tresye hont d-autre; 11 item, en la vie de Veler, deix perches moyns de dous \14 jornals, messi Rechairs Vendrez, de Porreintru, chevaliers, hai d-unne part et messi Girairs Varnier de Chastel Vouhey hai d-autre; 12 item, en la vie \15 de Veler, hun jornal, li moynne de Grantgort hont d-unne part et li vie de Veler siet d-autre; 13 item, en Vailexom, hun jornal de terre et cinc \16 perches, li terre de Saint Desier giet d-unne part et li hoir dou dit monssi Girart Varnier hont d-autre; 14 item, hun jornal en la combate de Vailexon, \17 li moynne de Grantgort d-unne part et li terre de Boroignom giet d-autre; 15 item, ou champ de Vailexon, hun jornal, Girairs, li filz Marihom, hay \18 d-unne part et Clemançons, li fille Berssim, hai d-autre; 16 item, encour en Vailessom, dous journals, li chintrez de Vailessom chantroient suis et li dit moynnes de \19 Grantgort hont d-autre part; et y-faut deix perches des diz dous jornals; 17 item, es Costaiz, dous jornals et hun demey, li terre Loviat le berbier giet d-unne part \20 et li Royz, de Burates, hai d-autre; 18 item, en Puheçat, dous jornals douhes perches moyns, Lambeirs, de Burates, hai d-une part et Brisemaiche hai d-autre; 19 \21 item, a Champ Vesim, dous jornals cinc perches moyns, Perrins de Cuve hai d-unne part et li Roiz, de Burates, hai d-autre; 20 item, a Vargerat, hun jornal \22 et quertorze perches et demey, Loviaz li berbiers d-unne part et Varniers, de Burates, hai d-autre; 21 item, es Quoyres, dous jornals, entre le berbier d-unne part \23 et Girardat, le fil a Morgairt, de Bures, d-autre; 22 item, dous jornals et hun demey et huit perches, messi Bourquairs, filz Perrin, de Burates, d-unne part et \24 Jehannins hai d-autre; 23 item, trois jornals sept perches moyns, es Planches Damdamoynge [1], Loviaz li berbiers d-unne part et li hoir Loviat, de Saint \25 Ursanne, que fu, hont d-autre; 24 item, es chantres dou Bannel, trois jornals et deix perches, entre lay dohe de l-eglise d-unne part et Girairs, filz Marihom, de \26 Burates, hai d-autre; 25 item, en lai Pale des Crez, dous jornals, Jehannenaz li peletiers, de Bures, d-unne part et messi Rechairs Vendrez, de Porreintru, chevaliers, \27 hai d-autre; 26 item, trois jornals doze perches moyns, doz lay vie de Courtedub, entre Jehannenat, le fil Varnier, de Bures, d-unne part, et Jehannins, de \28 Burates, hai d-autre; 27 et generalmant quanqu-il, Woillemins, venditerres, hai, puet et doit havoir de herietaige en la vile et terretoire de Bures, senz riens excepter, 28 \29 pour seixante quaitre libres et deix solz de viez balois, que li diz venditerres ai hahu et recehu des diz aichetours et les ai mis en son evidant \30 proffeit, si qu-il s-an tient por bien pahiez entieremant. 29 Et s-est devestuz et devest li diz Woillemins, venditerres, por lui et por ses hoirs, a toz jors\31mais, des dites plaices de terre, des diz jornals de terre de franc aluef et de lai dite vendue entieremant, et les diz aichetours en ai envesti et en\32vest, mis et mat en bone et lehal tenure et en corporal possessiom, ou aussi par lai tradiciom de ces presentes letres et des letres que li diz Woillemins en \33 havoit de Cuenin, de Bures, fil Chandoile, de Bures, que fu, et de Aliaute, feme dou dit Cuenin, pour lour et pour lour hoirs. 30 Lai quel vendue et toutes \34 les choses dessus dites, pour ce en droit personalmant establi, Marguerite, feme dou dit Woillemin, venditour, par le los et voluntey dou dit Woillemin, \35 venditour, son mary, et de Hechelin, veble de Florimont, son lehal vouhey doney a ley, enssi cum alle disoit, par une uverte justise, presenz, louhanz \36 et actorizanz, et li Granz Jehans, freres dou dit Woillemin, venditour, ont quitie et quitent, pour lour et pour lour hoirs, a toz jors-mais, et chascuns \37 de lour por le tout, es diz aichetours, por lour et por lour hoirs, a toz jors-mais tout le droit et toute lai rayson, actiom, reclamatiom, proprietey \38 et possessiom qu-il hont, pouhent et doivent havoir es dites choses vendue, expecialmant lai dite Marguerite, soit por raison de marihayge, de \39 aquoys, de douhaire ou de donatiom por nupces. 31 Et ceste vendue et toutes les choses dessus escriptes et une chascunne d-ycelles ont promis et promatent li \40 dessus dit Woillemins, venditerres, Marguerite, say feme, par le los et voluntey que dessus, et li diz Granz Jehans, par lour lehals soiremanz donez corporalmant, \41 pour lour et pour lour hoirs, en lai main de nostre dit comandemant, sollempnel stipulation entrevenant, et suis l-obligatiom de touz lour \42 biens moubles et non moubles, presenz et a-venir, tenir et garder fermemant, et chascuns de lour pour le tout, enssi cum il est dessus devisez, es diz aiche\43tours et a lour hoirs, et expecialmant li diz venditerres garantir et apaisier lai dite vendue de franc aluef, aidés, en touz lues \44 et encontre [2] touz, senz gemais venir encontre [3] par lour ne par autruy, et senz consentir que nuls autres y-veigne en appert ou en rescondut. 32 \45 En renuncent en cest lour fait, par lour diz soyremanz, par le los que dessus, et chascuns de lour por le tout, a toutes exceptions de mal, de baret, de \46 lesiom, de deceptiom, a condictiom senz cause ou moyns suffisant et que autre chose soit escripte et autre chose acourdee a lai copie de ces letres, a l-ex\47ceptiom de deceptiom outre lai moitie dou droit pries ou emqui devirom, et que autre chose soit escripte que acordee, et especialmant lai dite Margue\48rite par les loz et voluntees que dessus, a touz privileiges et a touz droiz et costumes endroduz [sic] et donez en favour de femes, et a toutes autres \49 exceptions de fait ou de droit, et a droit disant general renunciatiom non mie valoir, en lour et lour hoirs submatant, par les loz que dessus \50 et chascuns de lour por le tout, a lai juridictiom et cohertiom de lai court de Besençon et de toutes autres cours ecclesiastes et seculeres por \51 lour et lour hoirs controindre, ensemble et divisemant, par lai quelle des dites cours que li dit aichetour et lour hoir ameront muels, a \52 l-observation de toutes les choses dessus escriptes. 33 Et nos, officials dessus diz, oÿes les confessions des diz Woillemin, venditour, de Marguerite, say feme et \53 dou dit Grant Jehan par nostre dit comandemant, lour avons injoynt et les avons suis ce admonestey qu-il teignent et acomplissent les choses dessus \54 devisees es diz aichetours et a lour hoirs; se ce nom, nos vos mandons a touz les chapellains de lai dyocese et citey de Besençon que vos \55 les diz Woillemin, venditour, Marguerite, say feme, et Grant Jehan, dessus nomez, les quels nos excomenions par ces escrips a lai requeste dou pour\56tour de ces letres por le deffaut de toutes les choses dessus escriptes et d-unne chascunne d-ycelles, denunciez les por excommeniez, ensemble et divisee\57mant, senz autre mandemant atandre de nos, en tel maniere que li uns ne atande l-autre. 34 En tesmoignayge de lay quel chose, nos, officials \58 dessus diz, a la relatiom de nostre dit comandemant, avons mis le sel de lai dite court de Besençon avecques le seel dou consoilt des bourgois de \59 Porreintru en ces letres; et nos, li dessus nomez Woillemins, venditerres, Marguerite et Hechelins, ses vouhels, par tant cum il m-ayfiert [4] comme \60 vouhey, et diz li Granz Jehans, avons prié et requis a dit consoilt des bourgois de Porreintru qu-il matent lour sel en ces letres avecques le dit \61 sel de lai cort de Besençon; et nos, li diz consoils des bourgois de Porreintru, a lour requeste, avons mis nostre sel pendant avecques le \62 dit sel de lai dite court de Besençon en ces letres, 35 que furent faites et donees, presenz monssi Louy, curé d-Alle, monssi Rechairt Savayget, curé \63 de Grunne, prestres, Jehan de Pleyouse, escuier, Jehannenat Maistrat et Jehannenat, fil Maythey, borgois de Porreintru, et plusours autres, le \64 juesdi aprés lay feste de saint Jayque et saint Philippe, l-an mil trois-cenz trente et sept.
36 H. J. de Boncourt.
Notes de transcription
[1] Ainsi coupé: dam damoynge.
[2] Ainsi coupé: en contre.
[3] Ainsi coupé: en contre.
[4] Ainsi coupé: may fiert.