Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe150

1336, 6 avril et 15 août.

Type de document: charte: vente

Objet: Vente par Jean et par Thibaut, de Saint-Ursanne, frères, fils de feu Loviat, deSaint-Ursanne, à Richart dit Vaydrel, chevalier, de Porrentruy, et à son gendre, JeanHorri, fils de feu Guillaume de Delle, chevalier, pour 29 l. de vieux bâlois d’uncourtil franc de toute redevance à Porrentruy, devant la porte de Courtedoux. Témoinspour Thibaut le 6 avril: Jean Morel de Chevenez, Guillaume dit Lancheman, de Porrentruy,écuyer, Perrin dit le clerc, de Cœuve, demeurant à Porrentruy, Guillaume Clerc, curé deChampagny, et Jean Doigney, de Porrentruy. Témoins pour Jean le 15 août: Jean ditSavaiget, prévôt de Porrentruy, Vernier le donzel, de Bressaucourt, écuyers, Jehannenetle Coursat, de Courtemaîche, Verneret du Bourg, Henriet dit Chamon et Ramey le chapuis.— Acte établi au nom de l’official de Besançon par Huguenin Jean de Boncourt, notaire,et passé sous son sceau et sous celui du conseil de Porrentruy.

Commentaire: Parchemin jadis scellé de deux sceaux sur double queue; il subsiste un fragment decelui du conseil de Porrentruy. AAEB, Chartes. — Analyse par J. Trouillat,Monuments…, III, p. 773-774.

1 Nos, officials de lai court de Besençon, 2 faiçons savoir a touz 3 que, par devant Huguenin Jehan de Boncourt, clerc, notaire, jurie de lai cort \2 de Besençon, nostre comandemant especial a quel nos avons commis et commatons par ces lettres nostre pouhoir quant es choses que s-ansuegant ^[1], pour \3 ce en droit personalmant estaubli et especialmant venant, Jehans et Thiebauz, de Saint Ursanne, frere, anfant Loviat, dou dit luec, qui \4 fu, ont confessei et publiemant recoigneu qu-il ont vendu et vendent, pour lour et pour lour hoirs, a touz jours-mais, et chascuns \5 de lour pour le tout, a monssi Rechairt dit Vendrey, chevalier, de Porreintru, et a Jehan Horri, son genre, fil monssi Woillame de \6 Dele, chevalier, qui fu, pour lour et pour lour hoirs, hun curtil ensemble le fon et les apartenances d-icellui enssi franchemant, c-est a-savoir \7 en tel tort et en tel droit cum li diz Jehans et Thiebauz et Loviaz, lour peres, l-ont tenu, et qu-il n-an pahirent uncques denier ne maille \8 de debite ne autremant por le dit curtil, li quels curtils siet devant la porte de Porreintru par que om vay a Courtedub, entre les \9 terralz de la vele de Porreintru d-unne part et Perrins diz li Clers, de Cuve, hai d-autre, 4 pour vint-nuef libres de bons balois de lai veille \10 monoie de Baille, que li dit frere ont hahu et recehu des diz monssi Rechairt Vendrey et Jehan Horri, son genre, et les ont mis et \11 converti en lour evidant proffeit, si qu-il s-an sunt tenu pour bien pahiez entieremant. 5 Et se sunt devestu et devestent, pour lour et \12 pour lour hoirs, a touz jours-mais, et chascuns de lour pour le tout, dou dit curtil et des dites choses, et les diz monssi Rechairt Vendrey et \13 Jehan Horri en ont envesti et envestent, mis et matent en bone tenure et en corporal possessiom, ou aussi par ces lettres, pour lour et pour lour \14 hoirs. 6 Et ceste vendue et toutes les choses dessus escriptes ont promis et promatent li dit frere, par lour soiremanz donez corporalmant, pour \15 lour et pour lour hoirs, en lai main de nostre dit comandemant, sollempnel stipulacion entrevenant, et suis l-obligation de touz lour biens \16 moubles et non moubles, presenz et a-venir, tenir et garder fermemant, et chascuns de lour pour le tout, es diz monssi Rechairt Vendrey, \17 Jehan Horri et a lour hoirs, gaurantir et appaisier ensi franchemant et en la maniere que dessus est dit, aidés, en touz lues, en \18 jugemant et deffuers, contre touz, senz gemais venir encontre. 7 En renuncent en cest lour fait, par lour dit soiremant et chascuns \19 de lour por le tout, a toutes exceptions de mal, de baret, de lesiom, de deceptiom, a condictiom senz cause ou moyns suffisant et \20 que autre chose soit estei escripte et autre chose acourdee a lai copie de ces lettres, a l-exceptiom de deceptiom outre lai moitie \21 dou droit priés ou emqui devirom, et que autre chose soit estei escripte et autre chose acourdee, et a toutes autres excep\22tions de fait ou de droit, et especialmant a droit disant general renunciatiom non mie valoir, en lour et lour hoirs subma\23tent quant a ce li dit frere, et chascuns de lour pour le tout, a la juridictiom et coherciom de la court de Besençon et de tou\24tes autres cours ecclesiastes et seculeres pour estre controint, ensemble et divisemant, par quelque court que li dit messi Rechairs \25 Vendrez et Jehans Horriz et lour hoir ameront muels, a l-observatiom de toutes les choses dessus dites. 8 Et nos, officials dessus diz, oÿe lai \26 confessiom dou dit Thiebaut et de Jehan, son frere, par nostre dit comandemant, lour avons injoynt et les avons suis ce amonestey par \27 vive vox qu-il teignent et gardient es diz monssi Rechairt Vendrey, Jehan Horri et a lour hoirs toutes les choses dessus dites; se ce \28 nom, nos vos mandons a touz les chapellains de lai dyocise de Besençon que vos les diz Thiebaut et Jehan, freres, les quels nos \29 excommenions par ces escrips a lai requeste dou pourtour de ces lettres pour le deffaut des choses dessus dites, ensemble et divisee\30mant, denunciez les pour excommeniez senz atendre autre mandemant de nos, en tel maniere que li uns de vos ne atande l-autre. 9 \31 En tesmoignaige de lai quel chose, nos, officials dessus diz, a la relacion de nostre dit comandemant, avons mis le seal de lai court de Besençon \32 avec le seal dou consolt des bourgois de Pourreintru en ces lettres; et nos, li dit Thiebauz et Jehans de Saint Ursanne, qui \33 confessons les choses dessus dites estre vraies, avons prié et requis a dit consolt des bourgoys de Porreintru qu-il matient lour seals en \34 ces lettres avec le dit seal de lai court de Besençon; et nos, li consols des bourgoys de Porreintru, a lai priere et requeste des dessus \35 diz Thiebaut et Jehan, de Saint Ursanne, avons mis nostre seal pendant avecques lou dit seal de lai court de Besençon en \36 ces presentes lettres. 10 Faites et donees dou dit Thiebaut, presenz Jehan Morel de Cheveney, Guillame dit Lancheman, de \37 Porreintru, escuiers, Perrin dit le Clerc, de Cuve, demorant a-Porreintru, Woillame Clerc, curie de Champeigney, et Jehan \38 Doigney, de Porreintru, le sambadi aprés lai feste de lai Resurrectiom Nostre Seignour, et dou dit Jehan, frere dou dit Thie\39baut, presenz Jehan Savaigat, prevost de Porreintru, Varnier le donzel de Brexacourt, escuiers, Jehannenat le Coursat, de Cour\40demaiche, Varnerat dou Bourch, Henriat Chamon, Ramey le chapuis, le juesdi jour de la feste de l-Assumptiom Nostre \41 Dame, l-an mil trois-cenz trente et seix.
11 H. J. de Boncourt.

Notes de transcription
^[1] Ainsi coupé: san suegant.