Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0468

1270, septembre. – Douai.

Type de document: charte: bail à cens

Objet: Bail à cens pour trois ans de cressonnières à Esquerchin, à côté du moulin de Palus, par la béguine Maroie Le Cressonnière à Antoine Le Cressonnier moyennant un cens de 19 livres 10 sous par an. Le bail commencera le 1er octobre suivant et la somme sera réglée progressivement à partir du 2 février 1271 (40 s. puis à partir du 1er mars 20 s. par semaine pendant 10 semaines, et ensuite 10 s. par semaine à nouveau pendant 10 semaines). En cas de défaillance de paiement, Maroie pourra reprendre ses cressionnières et Antoine devra lui payer les éventuels dédommagements. Maroie ne sera pas tenue de dédommager Antoine en cas de mauvaise récolte.

Auteur: non annoncé, échevins de Douai.

Disposant: Maroie Le Cressonnière, béguine.

Sceau: non scellé; devise chirographaire: CI-RO-GRA-PHE

Bénéficiaire: Antoine Le Cressonnier.

Autres Acteurs: échevins de Douai: Guillaume de Lambres, Guillaume Pourcelet, Sohier le Petit.

Support: Original parchemin chirographe superposé bipartite - partie supérieure.

Lieu de conservation: AM Douai, FF 661/5975.

Édition antérieure: Espinas, Vie urbaine, t. III, n° 543, p. 409.

Verso: C’est Marien le Cresoniere.

1 Sacent tout cil ki sont et ki a-venir sont ke Maroie li Cresoniere, li beghine, a douneit \2 a cense a Antoine le Cresonier ses cresonieres ki sient a Eskerchin, encosté le moelin \3 de Palus, del jor Saint Remi prochain ki vient dusques en trois ans continueus ensiv\4ans et acomplis, por .XIX. lb. et .X. s. de par. chascun an tous les trois ans devantdis; \5 les quels deniers ciels Antones a en-covent a rendre et a-paier a le devantdite Marien \6 u a sen comant a Douay chascun an as termines et tout ensi ke chi apriés est deviseit, \7 c'est a-savoir le jor Nostre Dame Candeler le premier ki vient .XL. s. de par. et dou pre\8mier jor de marc prochain ensivant apriés, chascune semainne dusques a .X. semainne, \9 .XX. s. de par. et puis ces .X. semainnes en avant, chascune semainne .X. s. de par., tant \10 ke chil .XIX. lb. .X. s. seront tout paiet; et a teus termines et tout ensi ke chi devant \11 est deviseit, a en-covent ciels Antones a rendre et a paier a le devantdite Marien u \12 a sen comant .XIX. lb. et .X. s. par. chascun an tous les trois ans devantdis; et s'il ave\13noit cose ke ciels Antones defalist d'aucun paiement, li devantdite Maroie poroit \14 traire as cresonieres devant-nomees com as sives et avoec chou, ciels Antoines li a en-covent \15 a rendre tous les cous, tous les despens et tous les damages k'il i aroit u feroit, en-quel\16conques maniere ke ce fust, dusques a sen dit u dusques au dit de sen hoir, se ^[1] de li estoit \17 defalit, sans autre provanche faire avoec toute le cense devantdite. Et s'a encore \18 ciels Antones en-covent ke s'il laisoit les cresonieres devantdites devant le termi\19ne ^[2] ki chi devant est deviseis ^[3], il renderoit a le devant dite Marien .C. s. de par. \20 en non de painne avoec toutes les covenences devantdites. Et s'a en-covent ciels \21 Antones k'il n'austera ne tiere ne rachine de ces cresonieres, ains le metera d'une-part \22 et Maroie devantdite le doit faire mener u ele vaura et s'a en-covent ciels Antones \23 a rendre en le fin de se cense les cresonieres devantdites aussi boines ^[4] et aussi soufi\24sans et autant de creson com il i-ara au jor Saint Remi prochaine ki vient, par le dit \25 de preudomes dont cele Maroie en-doit prendre les trois et Antones les .II. sans \26 soupechon et la u li plus de ces preudomes s'acorderont, il doit estre estavelé. Tous les \27 deniers de ceste cense et toutes ces covenences, a en-covent ciels Antones a le devant \28 dite Marien, a lui et au sien, en-tele maniere ke cele Maroie u ses comans le puist prendre \29 et faire prendre par tout u k'il l'ait et vendre et despendre com le sien dusques a tele co\30venenche ki chi devant est dite; et si est a-savoir ke cele Maroie n'est tenue de ren\31dre a Antone nul damage por trop grant euwe ne por trop petite et si n'a nient \32 ciels Antones as saus ki sont en l'estre, mais sen manage il a en le maison et en l'estre \33 tous les trois ans devantdis. A ces covenences furent com eschevin Willaumes de Lambres, \34 Willaumes Porcelés et Sohiers li Petis ^[5], en l'an del Incarnation Nostre Signeur \35 mil .CC. LXX., el mois de septembre.

Notes de transcription
^[1] sécrit sur dms.
^[2] sfinal effacé ms.
^[3] sfinal écrit sur tms.
^[4] sfinal rajouté au-dessus de la ligne ms.
^[5] Le nom des échevins a été ajouté par la même main ms.