Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe120

1332, 26 novembre.

Type de document: charte: vente

Objet: Vente par Jean dit Triboch, citoyen de Bâle, en son nom et en celui de Cuonch, sonfrère, à Richart dit Vaydrel, de Porrentruy, chevalier, pour 62 l. de bâlois de lamaison de pierre sise au dessous de la halle de Porrentruy, que lui et son frère avaientachetée de Remon le marchand. — Acte passé sous le sceau du conseil de Porrentruy.

Commentaire: Parchemin jadis scellé sur double queue. AAEB, B 239 Porrentruy/1. — Analyse par J.Trouillat, Monuments…, III, p. 752.

Verso: Pertinent mon sy R. Waydrel ( xiv^e siècle).

1 Je, Jehans diz Triboch, citiens de Ballez, 2 fais savoir a touz 3 que je, pour mon grant profit evidant, hay vendu et vendoy, pour moy et pour Cuonch, mon \2 frere, et pour nos hoirs, pour touz jours-maix, a mon sy Richart dit Vaydrel, chevalier, de Pourraintruy, et ai ses hoirs, pour sexante et douez libres de ba\3loys, la maysson de pierre que je et mes diz freres havons achettee et aquestee de Remon lou merchean, li quele dite maisson giet desouz la hale de Pour\4raintruy et li maisson que fust Lambelin lou pellettier, et ses partaiges, giet d-autre part; 4 les queles sexante et doues libres dessus dites je, li diz Jehans, hay haüez \5 et recehuez dou dit mon sy Richart, chevalier, en bone menoiie et de son propre chattel, si que je m-en tien pour bien paiiez entierement. 5 De la quele dite maisson \6 et dez appertenances et appendisses dou dit luec je, li diz Jehans diz Triboch, me suiz desvestis et me desvest, pour moy et pour mon dit frere et pour \7 nos hoirs, et lou dit mon sy Richart et ses hoirs en hay envesti et envest, et si les en hay mis et met en bone tenure et leal et en bone possession pour toz \8 jours-maix per la tradition de cez presentes lettres. 6 Et toutes cez convenancez et une chescune per li ay je promis et promat, per mon soirement les dois levés et suiz \9 l-obligation de touz mes biens moubles et non moubles, presens et a-venir, ai tenir, desfendre, aipaissier et guarantir, pour moy et pour mon dit frere et pour \10 nos hoirs, a dit mon sy Richart et ai ses hoirs, en touz luez, en toutes cours et per devant touz juges, ai mes propres despens et missions. 7 En tesmoignaige de \11 la quele chose, je hay proiie et requis as saiges hommes et discrés, a conseil dez bourjoys de Pourraintruy, que mettent lour seel de que il usent en cez presentes let\12tres; et nos, li conselz dez bourjoys de Pourraintruy, a la proiiere et requeste dou dit Jehan dit Triboch, havons mis nostre seel de que nos usons en cez \13 presentes lettres en signe de la pure verité. 8 Faictes et donees lou juedi prochain devant feste sainct Andrey l-apostre, l-an de grace courrant per \14 mil trois cens et trente et douz, ou moys de novembre.