Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe116

1332 (n. st.), 11 mars.

Type de document: charte: vente en franc-alleu

Objet: Vente en franc-alleu par Simonete, veuve de Cuenin dit Trahy, de Chevenez, autorisée parWillemenet de Chevenez, donzel, son avoué, par Uvrart, par Perrin, par Henri, parJeannin, par Huguenet, par Estevenin et par Humbert, ses enfants, à Jehannenet letisserand, bourgeois de Porrentruy, pour 110 s. de bâlois ayant cours au marché dePorrentruy de pièces de terre à Chevenez; garantie de la vente par Jehannenet, fils defeue Sebile, de Chevenez, et par Uvrart, fils de la venderesse, qui se portent cautionsde l’accord de Richart, frère d’Uvrart et fils de Simonete, s’il revenait au pays; etreprise en tenure héréditaire de ces biens moyennant un cens annuel de six émines,moitié blé moitié avoine, à la mesure de Porrentruy, payable à la Saint-Martin àChevenez, faute de quoi l’acheteur pourra disposer de ces biens. — Acte passé sous lessceaux de Girart de Buix, vicaire de Chevenez, de Jean dit Gobaut, curé de Bressaucourt,et de Renaut, curé de Courtedoux.

Commentaire: Parchemin jadis scellé de trois sceaux sur double queue. AAEB, B 239 Ajoie/21. —Analyse par J. Trouillat, Monuments…, III, p. 746 (à la date du 13 mars1331).

Verso: Cheveney (xiv^e siècle).

1 Je, Symonatte, fome ça en arriers Cuenin dit Trahy, de Cheveney, et nos, Hevvrars, Perrins, Henris, Jehannins, Huguenaz, Estevenins et Humbers, \2 anfans de moy, dite Symonatte, 2 façons savoir a touz que 3 nos, non pes contrains, decehuz ne baretez d-aucuns, mais saiges et bien avisez, et \3 par lou loz de Willemenat lou donzel, de Cheveney, vouhé de moy, dite Symonatte, doné a-moy par overte justise pour ce seant et par leal ju\4gement, havons vendu et vendons, pour nos et pour nos hoirs, pour touz jours-mais sains gemais reppeller, pour franc aluef, et plus fermement \5 entendre, a Jehannenat lou tesserens, bourjoys de Pourraintruy, et a ses hoirs, pour cent et dix solz de baloys, minoye coursable \6 ou marchie de Pourraintruy, les places de terre que sunt ci aprés devisees, gesans ou finaige et ou terretoire de Cheveney: 4 premi\7erement, dessus Neuve Vie, douz jornauz, li diz Jehannenaz hay d-une part et li dite Symonatte et suy hoir hont d-autre part; 5 iten, \8 en Angle Bernier, troys jornauz, Jaquins, de Porraintru, hay d-une part et Hevvrars li dessus diz hay d-autre part; 6 item, derries Granboyz, \9 douz journauz, li dame de Rocort hay d-une part et li dite Symonate et sui hoir hont d-autre part. 7 Les quelx cent et dix solz de \10 la minoye dessus dite nos havons heüz et recehuz dou dit Jehannenat en bone minoye et bien nombree et delivree et de son propre \11 chattel, et les avons mis et tornez en nostre bon profeit, si que nos nos en tenons pour bien paiie entierement. 8 De la quele terre \12 dessus dite nos nos sumes devestiz et devestons, pour nos et pour nos hoirs, pour touz jours-mais, et lou dit Jehannenat et ses hoirs en \13 avons envesti et envestons, et les en havons mis et mettons en bone tenure et en leal possession par la tradicion de ces presentes \14 lettres. 9 Et si avons promis et promettons, par nos soiremens donez suis santes ewangeles touchies et aprés sus l-obligacion de touz \15 nos biens moubles et neant moubles, presens et a-venir, qué par que il soient, en franchise ou deffors, que nos contre ces convenancez \16 ne contre ceste dite vendition nen irons ^[1] ne ne ferons aler par nos ne par atru, coiement ne en apert, mais la tenrons, apay\17serons, guarantirons et deffendrons, pour nos et pour nos hoirs, a dit Jehannenat et a ses hoirs, en touz luez, en toutes cours et en \18 touz jugemens et par deffors, contre toutes gens, a nos propres despens et missions. 10 Et pour ce que li diz Jehannenat et sui hoir soient plus seur \19 a lour de ceste chose, nos, li dessus nommés, lour en havons mis et mettons plaiges, debtours principaulz de guaraintir et de deffen \20dre la dite vendicion, tant comme a bone guaraintie affiert a bon us dou paiis, Jehannenat, filz Sebile, de Cheveney, que fuit, \21 et Hevvrars, filz a la dite Symonatte, que est dessus diz. 11 Ainsi nos promettons, par nos soiremens, et sumes tenuz de hoster de touz les do\22maiges, coustes et missions que li diz Jehannenat ou sui hoir porrient havoir pour raysons de ces convenances. 12 Et nos, li dessus diz \23 Jehannenat et Hevvrars, nos sumes mis et mettons plaiges as mains dou dit Jehannenat et de ses hoirs de guaraintir \24 la dite terre a bon us dou paiis, epiciament si ainsi estoit que Richars, nostres freres et filz de moy, dite Simonate, retornast \25 gemais a paiis, nos, li dessus diz, li feriens tant de sa part que il n-iroit pes contre ceste dite vendicion. 13 Et est a savoir que nos et \26 nostres hoirs devons tenir dou dit Jehannenat et de ses hoirs la dite terre en feu herietauble parmé siex emenes, moitie \27 blef moitie avoinne, blef de rente, a la meusure de Porraintru, paier et rendre chescun an a la feste sain Merthin d-y\28ver en la dite vile de Cheveney. 14 Et si ainsi estoit que il ne willessent ou ne puissent paier la dite rente, li diz Jehanne\29naz et sui hoir porrient faire de la dite terre toute lour bone volenté comme de lour propre franc aluef, par ainsi ferme\30ment com il est dessus devisez, non obstant acune excepcion de fait ou de droit. 15 En tesmoignaige de la quele chose, je, \31 li dite Symonatte, et nos, Hevvrars, Perrins, Henris, Jahannins, Huguenaz, Estevenins, Humbers et Willemenaz dit donzel, \32 vouhé de moy, dite Simonatte, et Jehannenaz, filz Sebile, de Cheveney, havons proié et requis a saiges homes et hones\33tes, monsi Girar de Boys, vicaires de Cheveney en ce temps, et monsy Jehan dit Gobaut, curé de Brissacourt, et \34 monsy Renauz, curé de Courthedou, que mettent lour seelz en ces presentes lettres; et nos, Girars, vicaires de Cheve\35ney, et Jehans, curé de Brissacourt, et Renaus, curé de Courthedou, as proiieres et as requestes des persones dessus \36 dites, havons mis nos seelz en ces presentes lettres en signe de verité. 16 Faites et donees lou mescredi aprés lay \37 Sant Gregoyre, l-an de grace courrant par mil troys cens et trainte et un, ou moys de mars.

Notes de transcription
^[1] Ainsi coupé: ne nirons.