Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0465

1270, septembre. – Douai.

Type de document: charte: don

Objet: Don, une fois ses dettes payées, par Eve d’Astrike à ses filles Saintain et Margot d’une maison et d'un tenement devant la porte des Wetz, grevés d'une rente de 7 den. doui. et 2 chapons, à condition qu'elles pourvoient à ses besoins sa vie durant.

Auteur: non annoncé, échevins de Douai.

Disposant: Eve d'Atrike.

Sceau: non scellé; devise chirographaire: CY-RO-GRA-PHUM

Bénéficiaire: Saintain et Margot, ses filles.

Autres Acteurs: échevins de Douai: Raoul le Carpentier, Sohier le Petit.

Support: Original parchemin chirographe superposé bipartite - partie inférieure.

Lieu de conservation: AM Douai, FF 661/5972.

Verso: Cis escris est Evain d'Astricke et Saintain et Margot, ses deus filles.

1 Sacent tout cil ki sunt et ki a-venir sunt que Eve d'Astricke a-douné et werpi, aprés chou que ses detes soient paies, tout avant ^[1] a-Saintain et a \2 Margot, ses filles, se maison et tout sen tennement que ele a devens le porte des Wes joingnant au \3 tennement Rogier de Dons, si-que cele maisons et tous li tennemens siet, wis et hiebreghiés devant \4 et derriere, a .VI. d. douissiens et a .II. capons par an sor toutes rentes et par tele maniere que \5 cascunne des deus sereurs devant dites ait a-le maison et au tennement devant dit autant li \6 une coume li autre; et cest don et cest werp a-fait Eve devant noumee en-tele maniere que ele \7 velt que, se d'aucunne de ses filles devant dites defaille ançois que de l'autre, preuc que ele ne soit \8 mariee u rendue, que li partie de celi qui defauroit reviengne al-autre qui demoeroit vivans. Et \9 s'est a-savoir que, parmi-cest don et-cest werp que Eve devant dite a-fait a ses filles devant noumees d'en\10droit le tennement devant dit, ont en couvent les deus sereurs devant dites et cascunne d'eles pour le-tout \11 a Evain, leur mere, a pourvir et a-soustenir de boire, de mignier, de viestir et de caucier et de toutes \12 coses bien et soufissanment tant que cele Eve, en quel estat que ele soit, ara le vie el-cors; et s'il \13 avenoit cose que eles en-defausissent par coi il-i-eust debat entre le mere et ses filles d'endroit se \14 soustenance, les deus sereurs devant dites et leur mere en doivent ouvrer del tout dou debat, s'il \15 i-estoit, par consaut d'eskevins. Et toutes ces couvenences ont en-couvent les deus sereurs devant \16 dites a eles et au leur en tele maniere que Eve leur mere les puist prendre et faire prendre \17 a eles et au leur et a cascunne d'eles por le-tout par tout u que eles l'aient et noumeement a le mai\18son et a-tout le tennement devant dit et vendre et despendre coume le sien dusques a-tel cou\19venence con-chi devant est dite. Tout chou fu fait en le hale par devant eschevins Ra\20oul le Carpentier et Sohier le Petit ^[2], en l'an del-Incarnation .M.CC. et. LXX., el-mois \21 de sietembre.

Notes de transcription
^[1] aprés chou queses detes soient paies, tout avant en interligne ms.
^[2] Le nom des échevins semble avoir été ajouté par la même main après rédaction de l'acte ms.