Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe106

1331 (n. st.), 5 janvier.

Type de document: charte: vente

Objet: Vente devant la justice publique par Béatrice, veuve de Peter « le grillour », bourgeoisde Porrentruy, par Wiette, par Willemate, par Jean et par « Jacquex », leurs enfants,autorisés par Vernet, ancien prévôt de Porrentruy, leur avoué, à Girart de Boécourt,curé de Tavannes, pour 110 s. d’estevenants de tous les droits qu’ils avaient encore surleur maison de Porrentruy après l’assignation sur cette maison audit Girart de Boécourt,moyennant 15 l. d’estevenants, d’une rente annuelle de 20 s. d’estevenants. — Acte passésous les sceaux de Louis, curé d’Alle, et du conseil de Porrentruy.

Commentaire: Parchemin jadis scellé de deux sceaux sur double queue; il subsiste celui du conseilde Porrentruy ainsi qu’un fragment de celui de Louis, curé d’Alle. AAEB, Chartes. —Analyse par J. Trouillat, Monuments…, III, p. 740 (à la date du 6 janvier1330).

1 Je, Beatrix, femme ce en arriers Petther lou grillour ^[1], que fuit bourjoys de Pourreintruy, et nos, Wiette, Willematte, Jehans et Jacquex, amfant de lai \2 dite Beatrix et dou dit Petther, que fuit, 2 fasçons savoir a touz que, 3 comme li diz Petther et nos, Beatrix, Wiette, Willemette et Jehans, pour nostre evidant \3 profit, haiiens vendu, pour touz jours-maix, ai mon sy Gerart de Bouescourt, curé de Thasvennes, pour lui et pour ses hoirs, pour quinze livres d-estevenens \4 vent solz d-estevenens chescun an de rente, les quelz diz vent solz nos havons assettei et assis a dit mon sy Gerart et ai ses hoirs suiz nostre maisson que nos havons \5 en lai ville de Pourraintruy, que giet entre lai maisson que fuit Jehan dit Courtat d-une part et li maisson que fuit Jacquette, merre de moy, Beatrix dessus dite, est \6 d-autre part, nos, li devant nommé Beatrix, Wiette, Willematte, Jehans et Jacquex, amfant de lai dite Beatrix, et dou dit Petther, que fuit, considerant lou profit \7 et lou succurrement de nos et de nos hoirs, par lou loz et l-auctorité de Wernat, jaydiz prevost de Pourraintruy, nostre leal vouhé doné ai nos par une overte \8 justisse pour ce seant et par leal jugement, havons vendu et vendons, pour nos et pour nos hoirs, pour touz jours-maix a dit mon sy Gerart et ai ses hoirs, pour \9 cent et diex solz d-estevenens tout lou remenant et touz lez drois, action et reclamation que nos havons, devons et pouhons havoir en lai dite nostre maisson et \10 as appartenances et appendisses dou dit luec. 4 Les quelx cent et diex solz d-estevenens nos havons haüz et recehuz dou dit mon sy Gerart en bone menoie et bien nom \11bree, si que nos nos en tenons pour bien paiie entierement. 5 De lai quele dite nostre maisson et dez appertenances et de tout lou droit que nos y devons et pouhons \12 havoir commant que ce soit, nos nos sumes desvesti et nos desvestons, pour nos et pour nos hoirs, et lou dit mon sy Gerart et ses hoirs en havons envesti \13 et envestons, et si les en havons mis et mettons en bone tenure et leal et en bone possession pour touz jours-maix par lai tradition de cez presentes lettres, \14 et par devant une overte justisse pour ce seant, et dou tout en la meniere que drois et jugemens raportey par lai dite justisse que deust et pehust valoir a dit \15 mon sy Gerart et ai ses hoirs. 6 Et toutes cez convenancez et une chescune d-ycelles nos, li devant nommé Beatrix, Wiette, Willematte, Jehans et Jacquex, havons \16 promis et promettons, par nos soiremens donés suiz sainctes ewangeles touchiez et aprés suiz l-obligation de touz nos biens moubles et non moubles, presens et a-ve\17nir, ai tenir, desfendre, aipaissier et guarantir, pour nos et pour nos hoirs, ai touz jours-maix, a dit mon sy Gerart et ai ses hoirs, en touz luez, en toutez cours, \18 en touz jugemens et defors, en contre toutes gens, ai nos propres despens et missions, non obstant aucune exception de fait ou de droit. 7 En tesmoignaige de lai que \19le chose, nos, devant nommé Beatrix, Wiatte, Willematte, Jehans et Jacquex, [sui] amfant, et je, Wernez, que fuit prevost de Pourraintruy, vouhez a lai dite Beatrix et \20 ai ses diz amfans, par cui loz et auctorité les dites convenances sunt faictes, havons proiie et requis as saiges et honestes persones, mon sy Loui, curé d-Alle, et a conseil dez \21 bourjoys de Pourraintruy, que mettent lour seelz en cez presentes lettres; et nos, li devant nommé Louis, curés d-Alle, et li conselz dez bourjoys de Pourraintruy, \22 as proiieres et as requestes dez persones dessus dites, havons mis nos seelz en cez presentes lettres en signe de la pure verité. 8 Faictes et donees lou premiers sam\23bedi dou moys de janvier, l-an de grace courrant par mil trois cent et trente.

Notes de transcription
^[1] Lecture douteuse.