Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe097

1329, 12 décembre.

Type de document: charte: vente en franc-alleu

Objet: Vente en franc-alleu par Marguerite, veuve de feu Vernier, de Bure, autorisée parOthenet, de Buix, son avoué, et par Henriet et Jehannenet, ses fils, à Pierre, abbé, etau couvent de Bellelay pour 4 l. 15 s. de bâlois ayant cours au marché de Porrentruy dequatre pièces de terre à Bure; et concession par l’abbé de Bellelay à l’aîné deshéritiers de Marguerite de ces biens en tenure héréditaire moyennant un cens annuel desix émines, moitié blé moitié avoine, à la mesure de Porrentruy payable à laSaint-Martin; en cas de retard de plus d’une année dans le paiement du cens, l’abbayepourra disposer de ces biens. — Acte passé sous les sceaux de Jean, curé de Buix, et deJean, clavier de Bure.

Commentaire: Parchemin jadis scellé de deux sceaux sur double queue. Bienne, Archives de la Ville,XLIX, 367.

Verso: Littere heredum Wernier, de Bures (xiv^e siècle).

1 Nos, Marguerite, femme Wernier, que fuit, de Bures, Henriez, Jehannenez, anfant de moi, Marguerite devant dite, 2 faiçons savoir a-toz \2 3 que, pour le profit de nos et pour le succurremant de nos et de nos hoirs, et par le loz et la bone volenté de Otthenat, de Boys, vouhez \3 de moi, Marguerite dessus dite, havons vendu et vendons, pour nos et pour nos hoirs, pour franc aluef, a-toz jours-maix, perpetuelment, \4 a-religiouses persones et discretes, monsi Pirre, par la pacience de Deu abbey de Ballelee, et a covent dou dit luec, de ordre \5 de Premonstrey, pour quaitre livres et quinze solz de baloys, menoie coursauble ou marchie de Pourraintruy, les plaices de terre ci \6 aprés devisees, gesans en la fin et ou terretoire de Bures: 4 premierement, en la Chanain, troys jornalz, li combe de Maisson Vaul ai \7 d-une part et Jehannenez dou Chestel, demourans a Pourraintruy, hai d-autre part; 5 item, desours Fontainnes, trois jornalz, Heguenins, de Flo\8rimont, hai d-une part et Cuenins, filz a la Erre, hai d-autre part; item, en Claveis, hun jornal, li combe de Maisson Val hai d-une part et \9 Loviez li berbiers hai d-autre part; 6 item, devant le Bam, hun jornal, li terre de Balelee giet d-une part et Dam[…] ^[1] hai d-autre part. 7 \10 Les quelez quaitre livres et quinze solz dessus dites nos havons haüez et recephuez des diz abbey et convent dessus nomé en bone \11 menoie et bien nombree et de lour propre chetel, et misses les havons en nostre bon profit, si que nos nos en tenons por bien pai\12ie entierement. 8 De la quele terre dessus devisee nos, Marguerite, Henriez, Jehannenez dessus dit, nos nos sumes desvesti et nos \13 desvestons, por nos et por nos hoirs, et si nos sumes mis et mettons fours de tenure et fors de-possession, et les diz abbey et \14 convent devant dit en havons envesti et envestons, et si les en havons mis et mettons en bone tenure et leal et en \15 bone possession, lour et lour successours, pour toz jors-maix par la tradition de ces presentes lettres. 9 Et si havons promis et \16 promettons, par nos soiremens donez suiz sainctes ewangeles courporalment touchies, sollempnel stipulacion entrevenant, \17 aprés suiz l-obligation de toz nos biens moubles et non moubles, presens, a-venir, qué part que il soiient, en franchisse ou defors, \18 que nos contre ces convenences ne contre ceste dite vendition ne irons ne n-i ferons aler par nos ne par autruy, coiement ne en apert, \19 maix la terons, apaisserons, desfendrons et guarantirons, pour nos et pour nos hoirs, as diz religious dessus diz a-toz jors-maix, \20 en toz luez, en totes cours, en toz jugemans et defors, encontre toutes genz, ai nos propres despens et missions. 10 Et est a-savoir \21 que je, freres Pirres, abbey dessus només, hai laissie et laissoy, en luec dou covent dessus nomé, a dit pluis esné des hoirs la dite \22 terre dessus devissee, a-toz jours-maix, parmé seix emmenes de-rante, moitie blef et moitie avoinne, a-la musure de Porraintruy, a-pai\23er chescun an a-la feste sain Marthin d-yver a dit convent devant nomé et a lour successours; et si ainsi estoit que desfel\24let de-paimant chescun an, s-ait a-savoir que l-uene rante trovet l-autre par si grant targement que ne fuet encor paiie, li diz convans doit \25 faire sa bone volenté de la dite terre. 11 Et totes ces convenences dessus devissees havons nos faictes par une overte justise pour ce seant \26 et pour autres caux. 12 En tesmoignaige de la quele chose, nos, Marguerite, Henriez, Jehannenez et Hottenas, vouhez de moi, Marguerite \27 dessus dite, havons proiie et requis as saiges persones et vaillans, monsi Jehan, curé de Boys, et monsi Jehan, clavier de Bures, que mettent \28 lour seelz en ces presentes lettres; et nos, Jehans, curez de Boix, et Jehans, claviers de Bures, es proiieres et es requestes des-persones dessus nomees, \29 havons mis nos seelz en ces presentes lettres en signe de verité. 13 Faictes et donees le mardi devant la feste saincte Lucie, l-an \30 de grace courrant par mil troys cens et vin et nuef, ou mois de decembre.

Notes de transcription
^[1] Trou dans le parchemin.