Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe096

1329, 9 décembre.

Type de document: charte: vente

Objet: Vente par Jean dit Courtat, bourgeois de Porrentruy, et par Willemete, sa femme,autorisée par son avoué, Jehannenet le clerc, fils de feue Guenesse, sœur de Willemete,au conseil et aux bourgeois de Porrentruy, pour une maison à Porrentruy et 31 l. debâlois ayant cours au marché de Porrentruy, de leur maison de pierre dans cette ville. —Acte passé sous les sceaux de Richart dit Vaydrel, de Porrentruy, chevalier, de Louis,curé d’Alle, de Renaut, curé de Courtedoux, et de Jean, curé de Bressaucourt.

Commentaire: Parchemin jadis scellé de quatre sceaux sur double queue. Porrentruy, Archives de laBourgeoisie, III, ville 17. — Analyse par J. Trouillat, Monuments…, III,p. 793.

1 Je, Jehans diz Courtez, bourjoys de Pourraintruy, et je, Willematte, sa femme, 2 fasçons savoir a touz 3 que nos, non pez lousangie, contraint, \2 maix saige et en bone memoire et pour nostre evidant profit, et par lou loz et la bone volenté de Jehannenet lou clarc, qui fuit \3 filz de Guenesse, suer de moy, Willematte dessus dite, vouhé de moy, Willematte, doné a moy par une overte justisse pour ce \4 seant et par leal jugement, havons vendu et vendons, pour nos et pour nos hoirs, pour touz jours-maix, a conseil et as bourjoys \5 de la ville de Pourraintruy, nostre maisson de pierre gesant en la ville de Pourraintruy, li Ponge Vie est d-une part et li maisson mon \6 sy Gerart, curé de Thasvennes, est d-autre part; 4 pour la quele nostre dite maisson li diz conselz, en nom de la dite vendition, nos hont bail\7lie, doné et deslivrer lour maisson et les appertenances, que fuit jaydiz mon sy Willame dit Burnellet, preste, gesant a Pourraintruy, entre \8 la maisson Holriet dit la Bave, que fuit, d-une part et li courtheine Jehan dit Macelayre, escuier, d-autre part est; et avuec la dite \9 maisson, que fuit a dit mon sy Willame dit Burnellet, li dit conselz et bourjoys de Pourraintruy nos hont doné pour la dite \10 nostre maisson trente une livre de baloys et de menoie coursable ou marchie de Pourraintruy. 5 La quele dite some d-argent nos, \11 li devant nommé Jehans diz Courtez et Willematte, sa femme, havons haühe et recehue dou dit conselt, en nom de lour et dez \12 diz bourjoys, en bone menoie, mise et tornee en nostre profit, si que nos nos en tenons pour bien paiie entierement. 6 De la quele \13 nostre dite maisson et des appertenances et appendisses dou dit luec nos, li devant nommé Jehans diz Courtez, Willematte, sa \14 femme, et je, Jehannenez li clars, coisins et vouhés a la dite Woillematte, voillans et consentans la dite vendition, nos sumes des\15vesti et nos desvestons, pour nos et pour nos hoirs, et si nos en sumes mis et mettons fors de tenure et fors de possession, \16 et les devant nommés conselz et bourjoys de Pourraintruy, pour lour et pour lour aprés venans, en havons envesti et envestons, \17 et si les en avons mis et mettons en bone tenure et leal et en bone possession pour touz jours-maix par la tradition de cez presentes \18 lettres, et aisic par autres toutes raisons, universalment et particulairement, et actions que nos devons et pouhons havoir, en let\19tres ou fons de lettres, a-part quel homme ou persone que ce soit, en nostre dite maisson et as-sues appertenances. 7 Et avoc ce nos havons \20 renoncie et renonceons en cest nostre propre fait, par nos lealz soiremens, ai toute exception de mal, de bareit, de fraude, de lesion, \21 de circonvention, ay action an fait, en moins suffisant et ai toutes altres raisons et exceptions de fait ou de droit, espicialment a droit \22 que dit general renonciation neant valoir se li espicial ne vait devant. 8 Et toutes cez convenances et une chescune d-ycelles \23 nos, li devant nommé Jehans diz Courtez, Willematte, sa femme, et Jehannenez li clairs, havons nos promis et promettons, par nos \24 soiremens donés suis sainctes ewangeles touchiez et aprés suiz l-obligacion de touz nos biens, ai tenir, desfendre, aipais\25sier et guarantir, chescuns de nos dou tout, fermement, ai touz jours-maix, pour nos et pour nos hoirs, a dit conselt et \26 as diz bourjoys de Pourraintruy, en touz luez, en toutes cours, en touz jugemens et defors, encontre ^[1] toutes gens, ai nos propres \27 despens et missions, non obstant aucune exception de fait ou de droit. 9 En tesmoignaige de lai quele chose, nos havons proi\28ie et requis as saiges persones et honestes, mon sy Richart dit Waydrel, chevalier, de Pourraintruy, mon sy Loui, curé d-Alle, \29 mon sy Renal, curé de Courthedoul, et mon sy Jehan, curé de Brisacourt, que mettent lour seelz en cez presentes lettres; \30 et nos, li devant nommé Richars diz Waydrelz, chevaliers, Louis, curés d-Alle, Renalz, curés de Courthedoul, et Jehans, cu\31rés de Brisacourt, as proiieres et as requestes dez devant nommés Jehan dit Courtet, Willematte, sa femme, et de Je\32hannenet lou clairt, coysin et vouhé de la dite Willematte, havons mis nos seelz en cez presentes lettres en signe \33 de la pure verité. 10 Faictes et donees lou sambedi ^[2] prochain aprés feste saint Nycholas d-yver, l-an de grace courrant \34 par mil trois cens et vint et nuef, ou moys de decembre.

Notes de transcription
^[1] Ainsi coupé: en contre.
^[2] Ou sainbedi.