Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe094

1329, 20 novembre.

Type de document: charte: vente

Objet: Vente devant Vernier [de Bourrignon], maire de Damphreux, par Henri, Jeannete etWillemin, enfants de feu Perrin dit Maillat, maire de Damphreux, autorisés par Henri,chapelain, fils de Bourquenet dit Chevrette, leur avoué, à Pierre, abbé, et au couventde Bellelay, pour 60 s. de bâlois ayant cours au marché de Porrentruy d’un champ et d’unpré de la condition des terres de Saint-Germain à Damphreux; et concession de ces terrespar Vernier, maire de Damphreux, à l’abbé et au couvent de Bellelay moyennant lepaiement des redevances grevant les terres de Saint-Germain. — Acte passé sous lessceaux d’Henri, avoué des enfants de Perrin dit Maillat, et d’Hugues, curé deDamphreux.

Commentaire: Parchemin jadis scellé de deux sceaux sur double queue. AAEB, B 133/18. — Analyse parJ. Trouillat, Monuments…, III, p. 738.

Verso: Litere heredum Maillat de Danfrioil. — Johannis Friquat et heredum Maillat. — Johannis Friquat (xiv^e siècle).

1 Nos, Henriz, Jehannate et Willemi[n]s, anfant ça en arriers Perrin dit Maillait, que fuit mairez de Danfruel, 2 faiçons savoir a touz 3 que nos, non paz lousangie ne contrainz ne baretez d-acun, maix saige \2 et bien avisé, havons vendu et vendons, pour nos et pour nos hoirs, pour terre Sain Germain, a-touz jours-maix, perpetuelment, a religiouses persones et discretes, monsi Pirre, par la pacience de \3 Deu abbey de Ballelee, et a covent dou dit luec, de l-ordre de Premonstrey, pour sexante solz de baloys, menoie coursauble ou marchie de Pourraintruy, hun champ et hune peice de prey \4 derriers Lungney, en la fin et ou terretoire de Danfruel, mesi Henriz et Galthier, frere, hont d-une part et d-autre; 4 la quele vendicion dessus dite nos havons fait par le loz et la bone volonté de monsi \5 Henril, fil Bourquenat dit Chevraite, nostre vouhé doné par justise. 5 Les quez seixante solz de baloys dessus diz nos havons haüz et recephuz des diz abbey et convent dessus nomé en bone me\6noie et bien nombree et de lour propre chattel, et mis l-avons en nostre evidant profit, si que nos nos en tenons pour bien paiie entierement. 6 De la quele terre dessus devisee nos, li \7 devant nomé Henriz, Jehannate et Willemins, nos nos sumes desvesti et nos desvestons, pour nos et pour nos hoirs, et si nos sumes mis et mettons fors de tenure et fors de possession, \8 et lez diz abbey et convent et lour successours en havons envestil et envestons, et si les en havons mis et mectons en bone tenure et leal et en bone possession pour toz jours\9maix par la tradicion de ces presentes lettres. 7 Et si havons promis et promettons, par nos soieremens donez suiz sainctes ewangeles courporalment touchies, sollempnel stipulation entrevenant, \10 aprés suiz l-obligacion de touz nos biens moubles et non moubles, presenz, a-venir, qué part que il soiient, en franchisse ou defours, que nos encontre cez convenencez ne contre ceste dite \11 vendition nen irons ^[1] ne n-i ferons aler par nos ne par autruy, coiement ne en apert, maix la tenronz, apaisserons, desfendrons et guarantirons, pour nos et por nos hoirs, as diz re\12ligious dessus diz ai touz jours-maix, en toz luez, en toutes cours, en toz jugemens et defours, encontre toutes genz et par devant toz juges, ai nos propres despens et missions, \13 non obstant aucune exception de mal, de barait, de fraude, de lesion, de circonvencion, a action en fait ou en condicion moins suffisant, a action de deception, ai toutres ^[2] autres \14 raisons et exceptions de fait ou de droit, espicialment a droit que dit genera renonciation neant valoir se li espicialz ne vait devant. 8 Et ces dites convenencez dessus de\15visees havons nos faictes par devant Wernier, mairez en ce temps, pour ce en overte justise seant, que ai represtré, par nos proiieres, as diz religious, pour touz jours-maix, la \16 terre devant dite, que apartient a feu Sain Germain, parmé ce que il doyvent paiier la dite debte et la droyture que affiert appent a la dite terre Sain Germain. 9 En tesmoygnai\17ge de la quele chosse, nos, Henriz, Jehannate, Willemins et mesi Henris, cheppelens, vouhez des anfanz devant dit, lez queles convenences dessus devisees nos havons louhé, confars et ra\18tifié, tuit emsamble et chescuns par soy, et si havons proiie et requis as saiges persone et honeste, monsi Huguey, curé de Danfruel, que mette son seel en ces presentes \19 lettres avo le mien seel, s-ait a savoir le seel monsi Henri, dessus nomé; et je, Hugues, curez de Danfriuel, as proiieres et es requestes des persones dessus nomees, hai mis mon seel en \20 ces presentes lettres en sygne de verité, awec le seel monsi Henril, le vouhé es anfanz dessus diz. 10 Faictes et donees le lundi devant la feste saincte Katherinne, l-an Nostre \21 Seygnour courrant par mil troys cens et vint et nuef, ou mois de novembre.

Notes de transcription
^[1] Ainsi coupé: ne nirons.
^[2] Lire toutes ou touttes.