Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe090

1329 (n. st.), 15 avril.

Type de document: charte: vente en franc-alleu

Objet: Vente en franc-alleu par Willemin Wellere, de Damphreux, et par Agnelet, sa femme, àPierre, abbé, et au couvent de Bellelay pour 25 s. de bâlois ayant cours au marché dePorrentruy d’un verger [à Damphreux]. — Acte passé sous les sceaux de Vernier, vicairede Damphreux, et de Jean, vicaire de Bonfol.

Commentaire: Parchemin jadis scellé de deux sceaux sur double queue. AAEB, B 133/18. — Analyse parJ. Trouillat, Monuments…, III, p. 731 (à la date du 2 avril 1328).

Verso: Lictere Willemin Vollere de Danfruel (xiv^e siècle).

1 Nos, Willemins Wellere, de Danfriuel, et Aigneilet, fome de moy, Willemin dessus nomé, 2 [faiçons] [savoir] 3 que nos, \2 non pez lousangie ne baretés d-acun, maix saige et bien avisé, havons vendu et vendons, pour \3 nos et pour nos hoirs, pour franc aluef, a-touz jours-maix, perpetuelment, a religiousez persones \4 et discretes, a monsi Pirre, par la paciance de Deu abbey de Ballalee, et a covent dou di luec, en la \5 dyocise de Balle, de l-ordre de Premostrey, pour vint et cinc soulz de baloys, menoie coursable \6 ou marchie de Porraitru, hun wergier, li hoir Baldique hont d-une part et la terre de Ballailee hai d-au\7tre par. 4 Les quelz vint et cinc soulz dessus diz, nos, Villemins et Agneylet dessus nomé, havons haiu et \8 recephui dou dit abbey et dou covent devant nomé en bone menoie et bien nombree et de lour \9 propre chettel, et mis l-avons en nostre bon profit, si que nos nos en tenons pour bien paiie entierement. 5 \10 Dou quel wergier et des appartenences et appendisses dou di luec nos, Willemins et Agneylet devant \11 nomé, nos nos sumes desvesti et nos desvestons, et si nos en sumes mis et mectons fours de te\12nure et fours de possession, pour nos et pour nos hoirs, et les diz abbey et lou covent dessus nomé en \13 havons envesti ^[1] et envestons, et si les en havons mis et metons en bone tenure et leal et en bone \14 possession, por lour et por lour successours, a touz jours-maix par la tradicion de ces lettres. 6 Et si havons promis \15 et promectons, par nos soiremens donez suiz sainctes ewangeles courporalment touchies et aprés \16 suiz l-obligacion de touz nos biens moubles et neant moubles, presens, a-venir, qué par que il soiient, en \17 franchisse ou defours, que nos contre ces convenences ne encontre ceste dite vendition nen irons ^[2] ne \18 n-i ferons ailer par nos ne par autru, coiement ne en apert, maix la tenrons, apaisserons, desfendrons et guaran \19tirons, por nos et por nos hoirs, a touz jors-maix, a dit abbé et covent et ai lour successours, en touz luez, en \20 toutes cours, en touz jugemens et defours, encontre toutes gens et par devant touz juges; ai cez \21 dites convenences tenrons nos a nos propres despens et missions. 7 En tesmoignayge de la quele chosse, \22 nos, li devant nomé Willemins et Agnelet, lez queles convenences dessus dites nos havons louhé, confars et \23 ratefié, endui ensamble et chescuns par-soy, et havons proiie et requis as saiges persones et honestes, \24 monsi Wernier, vicaire de Danfruel, et monsi Jehan, vicare de Bonfoul, que mectent lour seelz en ces \25 presentez lettres; et nos, Werniers, vicaires de Danfriuel, et Jehans, vicares de Bonfolz, es proiieres \26 et es requestes des persones dessus nomees, havons mis nos seelz en ces presentes lectres en sygne de \27 verité. 8 Faictes et donez lou sainbedi devant Pasques Flories, l-an de grace courrant par mil \28 troys cens et vint et huyt, ou moys d-avril.

Notes de transcription
^[1] Ainsi coupé: en vesti.
^[2] Ainsi coupé: ne nirons.