Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe088

1329 (n. st.), 9 février.

Type de document: charte: vente en franc-alleu

Objet: Vente en franc-alleu devant la justice publique par Loviat de Cœuve, écuyer, avec leconsentement d’Henri, d’Horriet, de Bourcart et de Jeannete, ses enfants, à damePerrete, veuve de Renaut de Cœuve [dit du Pré], écuyer, pour 4 l. de bâlois ayant coursau marché de Porrentruy d’un pré à Cœuve. — Acte établi au nom de Loviat de Cœuve,écuyer, et passé sous son sceau et sous celui de Pierre, abbé de Bellelay.

Commentaire: Parchemin jadis scellé de deux sceaux sur double queue. AAEB, B 239 Ajoie/71. —Analyse par J. Trouillat, Monuments…, III, p. 730 (à la date du 3 février1328).

1 Je, Loviez, escuiers, de Cuve, 2 fais savoir a touz 3 que je, per les loz et les bones volentés de Henri, Holri, Bourquart et Jehannette, mes amfans, et \2 pour lou profit evidant et succurrement de moy et de mes hoirs, ay vendu et vendoy pour franc aluef, pour moy et pour mes hoirs, pour touz \3 jours-maix senz nuen rappel, ay dame Parrette, que fuit femme Renal, escuier, de Cuve, pour ley et pour ses hoirs, pour quattre livres de baloys, \4 menoie coursable ou marchie de Pourraintruy, une place de prey gesant a territoire de Cuve, a luce que on dit a Cowattes, li ruys de \5 la Fonthainne est d-une part et li dite dame Parratte et sui hoir hont d-autre part. 4 Les queles dites quattre livres de la menoie dessus dite je, li diz \6 Loviez, escuiers, ay hahuez et recehuez de la dite dame Parrette en bone menoie bien nombree et de son propre chattel, et mises les hay en mon \7 evidant profit, si que je m-en tien pour bien paiiez entierement. 5 De la quele place de prey dessus devisee je, li diz Loviez, escuiers, me suis des\8vestis et me desvest, pour moy et pour mes hoirs, et si m-en suis mis et mat fors de tenure et fors de possession, et la dite dame \9 Parrette et ses hoirs en avons envesti et envestons, et si les en avons mis et mettons en bone tenure et leal et en bone possession pour \10 touz jours-maix per la tradition de cez presentes lettres. 6 Et est ai savoir que je, li diz Loviez, escuiers, qu-ay fait la dite vendition, et nos, \11 li devant nomme Henris, Holris, Bourquars et Jehannette, amfant dou dit Loviet, voillant, consentant et ratefiant, pour nos et pour \12 nos hoirs, la dite vendition, en fustuant et renonceant pour touz jours-maix toutez les droittures que nos havons, devons et pouhons ha\13voir commant que ce soit en la dite place de prey, havons promis et promettons, tuit ensamble et chescuns per soy, per nos soiremens donés courporal\14ment suiz sainctes ewangeles touchiez et aprés suiz l-obligation de touz nos biens moubles et non moubles, presens et a-venir, quel part que \15 il soient ou puissent estre trovey, la dite vendition et les dites convenances a tenir, guarder, desfendre et guarantir, chescuns de nos \16 dou tout, pour nos et pour nos hoirs, ai touz jours-maix, a la dite dame Parrette et ai ses hoirs, en touz luez, en toutes cours, en touz \17 jugemens et defors, encontre ^[1] toutes gens, a nos propres despens et missions, senz ce que nos doiiens ne puissiens aler encontre ^[2] pour nes\18hun caux. 7 Et havons renoncie et renonceons en cest nostre fait, per nos diz soiremens, a toute exception de mal, de bareit, de frau\19de, de lesion, de deception, de circonvention, a action en cause, en moins suffisant et ai toutes altres raisons et exceptions de fait ou \20 de droit, espicialment a droit que dit general renonciation neant valoir se li expecialz ne vait devant. 8 Et toutes cez convenances nos re\21coignesçons havoir faictes per devant une overte justisse pour ce seant, et conventees les havons a tenir per devant la dite justisse, per \22 nos diz soiremens, per ainsi fermement comme elles sunt devant dites et expressees. 9 En tesmoignaige de la quele chose, nos, li dessus nommé \23 Loviez, escuiers, Henris, Holris, Bourquars et Jehannette, amfant dou dit Loviet, havons proiie, requis et supplié a religiouse et discre\24te persone, mon signour Pierre, per la pacience de Deu abbé de Ballelee, de-l ordre de Premonstrey, que il mette son seel en cez presentes \25 lettres ensamble ^[3] lou mien seel Loviet, escuier dessus dit, mis en cez dites lettres per les los et lez bones volentés de mes diz amfans; \26 et nos, Pierres, per la pacience de Deu abbés dessus nommés, per les loz et les requestes dez devant nommés Loviet, escuier, de Cuve, \27 Henri, Holri, Bourquart et Jehannette, ses amfans, havons mis nostre seel pendant en cez presentes lettres ensamble ^[4] lou seel dou dit Lo\28viet, escuier, en signe de la pure verité. 10 Faictes et donees lou juedi prochain aprés la Purification Nostre Dame, l-an de grace cour\29rant per mil trois cens et vint et huyt, ou moys de fevrier.

Notes de transcription
^[1] Ainsi coupé: en contre.
^[2] Ainsi coupé: en contre.
^[3] Ainsi coupé: en samble.
^[4] Ainsi coupé: en samble.