Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0463

1270, septembre. – Douai.

Type de document: charte: arrentement

Objet: Arrentement par Erembourt d’Auby, maîtresse du béguinage des Wetz, de trois heudes dehors la porte Olivet à Jean de Cantin moyennant 22 s. par. de rente annuelle et le paiement de la vieille rente d'1/2 marc et 2 chapons. Le débirentier doit mettre les heudes en valeur jusqu'à la valeur de 7 lib. 10 s. par. au cours des trois années à venir.

Auteur: non annoncé, échevins de Douai.

Disposant: Erembourt d'Auby, maîtresse des Wetz

Sceau: non scellé; devise chirographaire: CI-RO-GRA-PHIM

Bénéficiaire: Jehan de Cantin, carrier.

Autres Acteurs: échevins de Douai: Sohier le Petit, Simon Truber.

Support: Original parchemin chirographe superposé bipartite - partie inférieure.

Lieu de conservation: AM Douai, 2NC1243, anc. cote: AH Douai, Fonds du Béguinage dit des Wetz, n° 894.

Édition antérieure: Espinas,Vie urbaine, t. III, n° 542, p. 409.

Verso: Cest contre escrit warde Symons Trubiers par eschevinage.

1 Sacent tout cil ki sont et ki a-venir sont ke Erembors d'Aubi, maistrese et porveresse del hospital de Saint Sprit \2 ki siet dedens le porte des Weis, a werpit et doneit a hiretage, par l'assentement des eschevins, a Jehan de Cantin, \3 le carelier, .III. heudes ke Jehans Painmolliés li peres ki fu dona al hospital devant dit, ki sient dehors le porte Oli\4vet sor le grant rue, por .XXII. s. de par. de rente par an et por le viés rente ke ces .III. heudes doivent, c'est a-savoir \5 demi marc et .II. capons; et ensi l'a cele Erembors en-covent a aquiter com maistresse au devantdit Jehan dusques au dit des \6 eschevins. Et s'est a-savoir ke ciels Jehans doit metre en enmiudremence des .III. heudes devant dites dusques a \7 .VII. lb. .X. s. de par. dedens .III. ans prochains ensivans, par le dit des maistres desevreurs des hiretages de le vile. \8 Et che a il en-covent a lui et au sien en-tele maniere ke cele Erembors u cele ki seroit maistrese en l'ospital devant \9 dit le puist prendre par tout et vendre et despendre com le sien a-oes l'ospital devant nomeit dusques a tele cove\10nence ke chi devant est dite. Ce fu fait en le hale devant eschevins Sohiers li Petis et Simons \11 Trubiers ^[1], en l'an del Incarnation Nostre Signeur mil .CC. LXX., el mois de septembre.

Notes de transcription
^[1] Le nom des échevins est d'une autre main ms.