Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe087

1329 (n. st.), 24 janvier.

Type de document: charte: vente

Objet: Vente devant Vernier de Bourrignon, maire pour le chapitre de Moutier-Grandval auvillage de Damphreux, par Perrin dit Garri, demeurant à Damphreux, et par Machin, safemme, autorisée par son avoué, à Pierre, abbé, et au couvent de Bellelay, pour 55 s. demonnaie ayant cours au doyenné d’Ajoie de pièces de terre de la condition des terres deSaint-Germain à Damphreux, et chargées de 2 d. de cens annuel payables au chapitre deMoutier-Grandval. — Acte passé sous les sceaux de Girart [de Boécourt] dit du Chestel,curé de Tavannes, et de Louis, curé d’Alle.

Commentaire: Parchemin jadis scellé de deux sceaux sur double queue; il subsiste un fragment decelui de Louis, curé d’Alle. AAEB, Chartes. — Analyse par J. Trouillat,Monuments…, III, p. 729 (à la date du 24 janvier 1328).

Verso: Danfrioulz, Bellelay. — Littere Perrin Guerri de Danfriuel (xiv^e siècle).

1 Nos, Perrins diz Garriz, demorant a Danfruel, et Maichins, femme dou dit Perrin, 2 faiçons savoir \2 a touz 3 que nos, por nostre evidant profeit, havons vendui, por nos et por noz hoirs, a touz jors-mais, en herie\3taige perpetuel sanz jemais rapeller, ay religiouses persones et discretes, a monss. Pierre, par la pacien\4ce de Deu humile abbey de Ballelae, et a covent dou dit leu, por lour permeignablement et por lour successors, \5 les plaices de terre cy aprés devisees, gesanz ou terretoire de Danfruel et en la vile; 4 premierement, a Danfruel \6 une hochate sus que Faber sehoit, que giet deleiz les hoirs Borquin dit Poysalt; 5 item, a Chaigne une \7 plaice delez Clemencete, la fille Richart; 6 item, en Prallery, une plaice, entre lou commene d-une part et Sebe\8late, suer monss. Varnier, et siet sus la vye; 7 item, enqui maismes, une autre plaice de terre, entre les hoirs \9 Borquenat et delez Gallande. 8 Et sunt les plaices de terre dessus dites toutes terre Saint Germain. 9 Les queles \10 dites plaices de terre nos havons vendues por cinquante cinc solz de bone menoie corsable ou doynei d-Ajoie, \11 la quele somme d-argent dessus dite nos havons haüe et recehue des diz abbey et covent en bone menoie \12 bien nombree, mise et tornee en nostre bon profeit, si que nos noz en tenons por bien paié entierement. Et por ce \13 nos havons desvestu nos et noz hoirs des dites plaices de terre por touz jors-mais, mis et mectons fuer de tenure \14 et de possession, et les diz religious, por lour et por lour successors, por touz jors-mais en havons envesti et en\15vestons, mis et mectons en corporel tenure et pesible possession par la tradition de ces presentes lettres. 10 Et havons promis \16 et promectons, por nos et por noz hoirs, par noz foyz por çou donees corporelment en leu de soirement, que nos, dois oir en \17 avant, contre la tenour de ces presentes lettres ne yrons ne aler ferons ne aler consentirons par nos ne par autru, coie\18ment ne en apert, mais garantirons, apaserons et desfendrons les dites plaices de terre, a noz propres despens et \19 missions, es diz religious ou a-lour sucessors aydés, en touz leus, en toutes cors, en toutes justises et devant touz \20 juges, en jugemenz et defuer, et encontre toutes meniere de genz que a droit en vorroient venir, parmei dous deniers \21 de cense annual chescun an a touz jors-mais randant et paiant es seignors de Mostiers ou a lour recevour \22 et tant come ^[1] leaul tenure affier; 11 pour la quele garantie porter en la meniere devant dite, nos havons obligie \23 et obligons, por nos et por noz hoirs, touz noz biens moubles et non moubles, presenz et a-venir en quelque leu qu-il soient \24 ou puissent estre trovei, en la main des diz religious, por lour desdomaigier de touz les grief et de touz les domaiges \25 qui lour venroient ou porroient venir, par lou deffault de nos ou de noz hoirs, en la vendition dessus dite, non obstant \26 en yceste nostre vendition aucunes raisons de droiz soient de canon ou de loys. 12 Et ceste vendue devant dite \27 recoignossons nos havoir faite por nos et por noz diz hoirs, et recoignehue estre veraie (estre veraie) et promis \28 fermement tenir et garder sanz jemais corrompre, par devant Varnier de Boroignon, maire es seignours de Mostiers \29 en la vile de Danfruel, c-est a-savoir je, Perrins Garriz, tout par ensi come faire lou puis et doy par droit et par jugement, et \30 je expeciament li dite Maichin, por moi et por mes hoirs, en ai esquittie toute ma raison et tout mon droit ensi co\31me maismement je faire lou puis et doy plus sainement par la main de mon vohey et tout sa (sa) bone velontei, lou dit \32 Varnier, por ceste chose dessus dite et por autres seant en justise hoverte par la requeste de nos. 13 En tesmoignaige \33 de la quel chose, nos, Perrins diz Garriz et Maichins, femme dou dit Perrin, demorant a Danfruel, havons requis a dis\34creiz homes et saiges, monss. Girart dit dou Chestel, curie de Tavennes, et monss. Loys, curie d-Alle, qu-i mattent \35 lour saels pendanz en ces presentes lettres; et nos, li dessus nommei et requis Girars et Loys, a la requeste des \36 devant diz Perrin dit Garry, demorant a Danfruel, et de Maichin, sa femme, havons mis noz saels pendanz en ces presentes lettres \37 en-signe de veritei. 14 Faites et donees l-an de graice corrant par mil trois cenz vint huit, la voille de la Conversion saint Pol, \38 ou mois de jenvier.

Notes de transcription
^[1] Manque apparemment la préposition a.