Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe080

1328, 15 décembre.

Type de document: charte: vente

Objet: Vente devant Vernier de Bourrignon, maire pour le chapitre de Moutier-Grandval, parColin, fils de feu Perrin dit Miate, de Lugnez, avec le consentement de Vernier et deJehannenet, ses enfants, et de Clémence, sa femme, à Pierre, abbé, et au couvent deBellelay, pour 7 l. de bonne monnaie ayant cours dans le doyenné d’Ajoie d’une faux depré et d’une pièce de terre de la condition des terres de Saint-Germain à Lugnez. — Actepassé sous les sceaux de Vernier, vicaire de Damphreux, et de Jean, vicaire deBonfol.

Commentaire: Parchemin jadis scellé de deux sceaux sur double queue; il subsiste celui de Vernier,vicaire de Damphreux. AAEB, Chartes. — Analyse par J. Trouillat, Monuments…,III, p. 733.

Verso: Littera de Colin, fil Miate, de Lugney. — Bellelay une faulx de prayet ung chan a Lignye. — Ligniez. — Lettre Colin, fil Miate,et Galterii, filii Chevrate ( xiv^e-xv^e siècle).

1 Je, Colins, fil Perrin dit Miate, qui fui, de Lugney, 2 fais savoir a touz ces qui verront ou orront ces presentes lautres 3 que \2 je, ne controint ne decehuz ne baretey, mais de ma propre et franche volunté et pour le grant profist de moi et de mes \3 hoirs, par [devant] Vernier de Boroignonz, maire es seignours de Montier Grantval, tenant une overte justise pour ces caux et \4 pour autres caux, hai vendu et vent, baillie, outroié, quitey et delivrer, ven, baillois, outroiois et delivrois a toz \5 jours-mais, en heritaige perpetuel, tele action, roison et droi que je et mui hoirz pouhent havoir, et par la voluntey \6 de Varnierz et Jehannenot, freres, mes anfanz, et de Clemence, ma fome, une faulz de preez et une piece de terre, de la \7 terre qu-on appelle la terre Saint Germain, a religiose persone, saige et discrete, a monsi Pierre, par la pacience de Deu [sic], et a co\8vent de Bellelaye, de l-ordre de Premostrey, en la dyocese de Balle, pour sept livres de bone menoie corsauble et usable \9 ou dienart de Ajoye. 4 Les quelles sept livres desus dites je, li dis Colins, Clemence, ma fome, Varnier et Jehannenot, \10 freres, havons haües et recehues dou dit abbé et dou dit covent de Bellelee en bone menoie bien numbree, mise et \11 torné en nostre evidant profist, si-que nos nos an-sumes tenuz pour bien pahierz entierement. 5 La quelle fauz de pree giest \12 ou finaige et ou terretoire de Lugney, antre le preez Galtier d-une part et partent li uns et li autres; 6 item, li piece \13 de terre giest ou leu que on dit Devant la Grange de Lugney, antre la terre a dit abbé d-une part et la terre Jehan \14nenot, fil Chyriot, de Montaigné, d-autre part. 7 Dou quel preez et de la quelle piece de terre nos, tuit ensenble et uns \15 chescuns par lui, por nos et por nos hoirs, le dit abbé et le dit covent havons envestu et revestons, par le debit et \16 la cense pahant es dit seignours de Motierz Grantval, par ainsic comme nos havons pahie jusque a-jour de la confection de \17 ces presentes lautres, en anvestons et en metons en corporal tenure et possession par la tradition de ces presentes lautres. \18 8 La quelle vendue desus dite nos a dit abbé et a dit covent havons promis et prometons, par nos foiz donees corporalment \19 sus saintes evvangeles, et sollempnee stipulation entrevenant, et sus l-obligation de touz nos biens moubles et non \20 moubles, presenz et a-venir, la dite vendue desus dite tenir, mantenir, garantir et fermement garder, mais la \21 tenrons, manterrons, garantirons et fermement garderonz, en touz leuz et en toutes cors, soit ecclesiastre \22 ou temporals, a noz propres despans, et sus ce rendre et restorel touz domaiges, costes, missions, interest et des\23pans a dit abbé et a dit covent que il ferient, encorient ou sostenrient pour le desfaut de garantie \24 et pour l-osservation des choses desus dites, et en saroit crehuz d-icels domaiges par son simple soirement sanz \25 autre prueve faire devant nul juge. 9 Et havons renunciez nos, li dis vendours, et renonçons an iceps \26 nostre fait a touz çou que nos ou temps a-venir porriens opposer ne obicier contre ces presentes lautres. 10 Pour \27 la quel chose je, li dis Colins, et Clemance, sa fome, Varnier et Jehannenot, freres, nostres anfanz, havons prohier et re\28quis a-monsi Varnierz, de Danfruel, et a-monsi Jehanz, de Bonfol, vicares, que il matent lour seel pandant en ces pre \29sentes lautres en signe de veritey; je, li dis Varniers, vicaires de Danfruel, et Jehanz, vicares de Bonfol, par \30 la prohieres et par les requastes des desus dit vendour faites a nos, havons mis nos seel pandant en ces \31 lautres. 11 Faites et donees le juesdi aprés la Conception Nostre Dame, l-an mil trois cenz et vint et hoit, \32 ou mois de dezenbre.