Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe079

1328, 29 novembre.

Type de document: charte: vente en franc-alleu

Objet: Vente en franc-alleu par Vienat, demeurant à Chevenez, et par Viate dite la Corchenasse,sa femme, autorisée par Cuenet, son frère et son avoué, et avec le consentement deLambelin et de Béatrice, leurs enfants, à Jehannenet dit Coursat, bourgeois dePorrentruy, pour 100 s. de bâlois ayant cours au marché de Porrentruy de pièces de terreà Chevenez; et reprise en tenure héréditaire de ces mêmes biens par les vendeursmoyennant un cens annuel de six émines de blé à la mesure de Porrentruy payable à laSaint-Martin, faute de quoi l’acquéreur pourra en disposer. — Acte passé sous les sceauxde Louis, curé d’Alle, de Bourcart, curé de Fontenais, et du conseil de Porrentruy.

Commentaire: Parchemin jadis scellé de trois sceaux sur double queue; il subsiste un fragment decelui du conseil de Porrentruy. AAEB, Chartes. — Analyse par J. Trouillat,Monuments…, III, p. 732-733.

Verso: Ch[e]veney (xiv^e siècle).

1 Je, Vienez, demorans ai Cheveney, et je, Viette dite li Corchenasse ^[1], femme dou dit Vienet, 2 savoir façons a touz 3 que nos, de \2 nostre propre et fransche volenté et pour lou succurrement de nos et de nos hoirs, et per les loz et les bones volentés de Lambelin \3 et Beatrix, nos amfans, et per lou loz et l-auctorité de Cuenat, frere de moy, Viette dessus dite, et mon leal vouhé doné a moy per \4 une overte justisse pour ce seant et per leal jugement, havons vendu et vendons pour franc aluef, pour nos et pour nos hoirs, \5 pour touz jours-maix, ai Jehannenet dit Coursat, bourjoys de Pourraintruy, et ai ses hoirs, pour cent solz de baloys, menoie cour\6sable ou marchie de Pourraintruy, les places de terre que sunt cy aprés devisees, gesans en la fin et ou territoire de Cheveney, as luez cy \7 aprés nommés; 4 premierement, doz Liebeycourt, hun jornal de terre, li hoir a Grillat hont d-une part et li hoir a Kaillon hont d-autre \8 part; 5 item, a Botthenier, hun jornal, li hoir Perrin lou donzel hont d-une part et li hoir Henriat dit Chegnart hont d-autre part; 6 item, Suiz \9 Fosses, hun jornal, Jehannenez, filz Daguenel, hay d-une part et li hoir Perrin dit lai Bouebe hont d-autre part; 7 item, as Combes, hun \10 jornal, Ruedins, maris Belin, hay d-une part et d-autre; 8 item, as Antes, douz jornals, Henris, filz Trahy, hay d-une part et Wiatte, fille Symo\11nat, hay d-autre part; 9 item, a Chesnellet, hun jornal, li diz Ruedins hay d-une part et li Moille hay d-autre part; 10 item, devant Monnin, \12 hun jornal, li hoir a dit Henriet Chegnart hont d-une part et Lambelins hay d-autre part; 11 item, a Croixerant, une pece de terre, \13 Gerdons, de Rochez, hay d-une part et li hoir Henrion la Moille hont d-autre part. 12 Les quelz cent solz de baloys dessus diz nos, li dessus \14 nommé Wienez et Viette, sa femme, havons haüz et recehuz dou dit Jehannenet dit Coursat en bone menoie bien nombree et de \15 son propre chattel, et mis les avons en nos profiz, si que nos nos en tenons pour bien paiie entierement. 13 De la quele terre dessus devisee nos \16 nos sumes desvesti et nos desvestons, pour nos et pour nos hoirs, et si nos en sumes mis et mettons fors de tenure et fors de posses\17sion, et lou dit Jehannenet dit Coursat en avons envesti et envestons, et si les en avons mis et mettons en bone tenure et leal et en bone \18 possession per la tradition de cez presentes lettres. 14 Et est ai savoir que nos, li dessus nommé Wienez et Viatte, sa femme, que avons fait la dite vendition, \19 Lambelins et Beatrix, lour amfant, et Cuenez, freres de la dite Wiatte et ses lealz vouhez, que havons louhé, fustuié, confars et ratefié \20 la dite vendition, avons promis et promettons, tuit ensamble et chescuns per soy, per nos soiremens donés suiz sainctes ewangeles touchiez et \21 aprés suiz l-obligation de touz nos biens moubles et non moubles, presens et a-venir, quel part que il soient, en franschisse ou defors, de toutes cez \22 convenancez, et une chescune per li, tenir, guarder, desfendre et guarantir, huns chescuns de nos dou tout, pour nos et pour nos hoirs, \23 ai touz jours-maix, a dit Jehannenet dit Coursat et ai ses hoirs, en touz luez, en toutez cours, en touz jugemens et defors, encontre ^[2] toutes \24 gens, a nos propres despens et missions. 15 Et est ancour ai savoir que nos, li dit Vienez et Wiette dite Courchenasse ^[3], et nostre hoir devons tenir \25 la dite terre entierement dez diz Jehannenet dit Coursat et de ses hoirs, per tel devis que nos et nostre hoir lour devons paiier pour \26 la dite terre en nom de admoissenement chescun an, senz faillir, siex emenes de nu blef, blef de rente, a la meusure de Pourraintruy, \27 a chescun terme de la feste saint Martin d-yver; et si tost comme nos lour desfarriens de paiier la dite rente a dit terme, il doivent \28 et puhent faire de la dite terre toute lour bone volenté, senz ce que nos doiiens ne puissiens aler encontre ^[4] pour nesun caux. 16 Et \29 avuec ce nos havons renoncie et renonceons, pour nos et pour nos hoirs, en cest nostre fait, ai toute exception de mal, de bareit, de \30 fraude, de lesion, de circonvention, a action en cause mains suffisant, ai lai exception de deception, et ai toutes altres r[aisons] [e]t \31 exceptions de fait ou de droit, espicialment a droit que dit general renonciation neant valoir se li espicialz ne vait devant. 17 En tes\32moignaige de la quele chose nos, li dessus nommé Vienez, Viette, sa femme, Lambelins et Beatrix, lour amfant, et Cuenez, freres de la \33 dite Wiette, havons proiie et requis as saiges persones et honestes, mon sy Loui, curé d-Alle, mon sy Bourquart, curé de Fonthenoys, et \34 a conseil dez bourjoys de Pourraintruy, que mettent lour seelz en cez presentes lettres; et nos, li devant nommé curé, Louis et Bourquars \35 et li conselz dez bourjoys de Pourraintruy, as proiieres et as requestes dez persones dessus nomees, havons mis nos seelz en cez presentes lettres. 18 \36 Faictes et donees la vigile de la feste saint Andrey, l-an de grace courrant per mil trois cens et vint et huyt.

Notes de transcription
^[1] Ou Corchevasse.
^[2] Ainsi coupé: en contre.
^[3] Ou Courchevasse.
^[4] Ainsi coupé: en contre.