Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe072

1327 (n. st.), 28 février.

Type de document: charte: vente

Objet: Vente par Alion, veuve de Vernerin dit Loheran, de Courtemblin, et par Jeannete, leurfille, autorisées par Girol, de Courgenay, leur avoué, et Jeannete encore par Perrin,son mari, à Nicolas [dit Choppe], chanoine de Saint-Ursanne, agissant pour la fabriquede l’autel saint Pierre, pour 6 l. de bâlois ayant cours au marché de Porrentruy d’unerente de six émines, moitié blé moitié avoine, à la mesure de Porrentruy, payable à laSaint-Martin au chapelain de saint Pierre et assignée sur des pièces de terre defranc-alleu à Courtemblin; en cas de retard de plus d’une année dans le paiement de larente, l’acheteur pourra reprendre ces biens pour contraindre le débiteur au paiement. —Acte passé sous les sceaux d’Humbert, curé de Courgenay, de Louis, curé d’Alle, et deGilles, curé de Cornol.

Commentaire: Parchemin jadis scellé de trois sceaux sur double queue. AAEB, B 288/41. — Analyse parJ. Trouillat, Monuments…, III, p. 723 (à la date du 28 février 1326).

Verso: Sex emine Curtamblan. — Duplicata (xiv^e siècle).

1 Je, Alion, femme ça en arriers Wernerin dit Loheran, de Courthamblein, et je, Jehannatte, fille dou dit Wernerin, que fuyt, et de lai dite Alion, 2 façons savoir ai touz \2 3 que nos, non pez decehuez ne meneez par force ne par barait, maix saiges et bien avisees et pour lou profit et lou succurrement de nos et de nos hoirs, havons vendu \3 et vendons, par lez loz et les bones volentés de Girol, de Courgenay, nostre vouhé doné ai nos par justisse seant et par leal jugement, et de Perrin, mari de moy, \4 Jehannatte dessus dite, a miex et a pluis fermement que on puet faire vendition et pluis saigement entendre, ai honorable et discrete persone, mon signour \5 Nychol, chanoinne de Saint Ursanne, en nom de lai croissance et edefieme[n]t de-l altel saint Pierre qu-est fais et construys en lai dite esglisse de Saint Ursanne, \6 pour siex livres de baloys, menoie coursable ou marchie de Pourraintruy, siex emenes, moittie blef de rente et moittie avoinne, ai lai meusure de Pourraintruy, \7 chescun an de rente ai paiier et ai rendre ai touz jours-maix, senz faillir, chescun an ai lai feste saint Martin d-yver, ai celui que pourchanteray lou dit altel \8 saint Pierre; 4 les queles siex livres de baloys dessus dites nos, les devant nommees Alions et Jehannette, sa fille, havons hahuez et recehuez dou dit mon sire Nychol \9 en bone menoie bien nombree et de son propre chettel, et mises les havons en nos profiz, si que nos nos en tenons pour bien paiiez entierement; 5 le queles siex emenes \10 moittenges de rente nos havons assigné et assignons, assetté et assettons a dit mon sire Nychol, en nom que dessus, pour penre et pour joiir chescun an a dit terme, ai touz jours\11maix, suiz les places de terre ci aprés devisees, que sunt de franc aluef, gesans en la fin et ou territoire de Courthamblein, as luez ci aprés devisés; 6 premierement, en Champ Grant, \12 une place, li moinne de Lusselans hont d-une part et Perrez diz Guasconel hay d-autre part; 7 item, en Chappellatte, une place de terre que contorne suiz lai terre as diz moinnes; 8 item, a Nuef \13 Bayttour, une place que giet arriers lou feu de Miserey d-une part et d-autre; 9 item, en ce luec maimmes, une place, entre lou dit feu d-une part et li hoir mon sy Cuene de Myru\14al hont d-autre part. 10 As queles places de terre dessus nommees li diz messire Nycholz ou cil que pourchanteroit lou dit altel se doivent tenir et havoir pour faire toute lour \15 bone volenté comme de lour propre et franc aluef; ainsi tost comme nos ou nostre hoir desfariens en aucuen temps de paiier lai dite rente par tant de terme et par si grant \16 dilation que li une rente troveit l-autre rente que ne fust ancour paiie ne altrement, il doivent torner suiz lai dite terre pour que nos et nostre hoir lour paiesciens bien \17 et lealment lai dite rente. 11 Et si havons promis et promettons nos, li devant nommé Alions, Jehannette, sa fille, et je, Perrins, maris de lai dite Jehannette, par nos soiremens donés \18 suiz sainctes ewangeles touchiez, sollempne stipulation entrevenant, et aprés suiz l-obligation de touz nos biens moubles et neant moubles, presens et a-venir, quel-part que il soient \19 ou puissent estre trové, que nos encontre cez dites convenances ne contre ceste vendition nen irons ^[1] ne ne ferons ai aler par nos ne par altruy, coiement ne en apert, pour nes\20un caux, maix lai tenrons, aipaisserons, desfendrons et guarantirons, uns-chescuns de nos dou tout, fermement, pour nos et pour nos hoirs, ai touz jours-maix, ai celui et ai cez \21 que pourchanteray ou pourchanteront lou dit altel, en touz luez, en toutez cours, en touz jugemens et defors, encontre ^[2] toutes gens, ai nos propres despens et missions, non obstant \22 aucune exception de fait ou de droit. 12 Et volons et ouctroions que tuit nostre bien mouble et neant mouble, espicielment tout ce de terre que nos havons, devons et pouhons havoir, uni\23versalment et particulairement, ou dit territoire de Courthamblein, soit obligie en lour mains, pour aicomplir les dites convenances se riens lour en aleit jus en aucuen temps. 13 En \24 tesmoignaige de la quele chose, nos, li dessus nommé Alions, Jehannette, sa fille, Perrins, maris ai lai dite Jehannette, et je, Girolz, de Courgenay, vouhez as dessus dites Alion et Jehan\25nette, par cui main et auctorité les dites convenances sunt faictes, havons proiie et requis as saiges et honestes persones, mon sire Humber, curé de Courgenay, mon sy Loui, curé \26 de Alle, et mon sy Gyle, curé de Coronol, que mettent lour seelz en cez presentes lettres; et nos, li dessus nommez Humbers, curés de Courgenay, Louis, curés de Alle, et Gyles, \27 curés de Coronol, as proiieres et as requestes dez devant dites persones Alion, Jehannette, Perrin, son mari, et Gyrol, de Courgenay, havons mis nos seelz en cez presentes lettres \28 en signe de la pure verité. 14 Faictes et donees lou derriers jour dou moys de fevrier, l-an de grace courrant en l-archevaschie de Besançon par mil trois cent \29 et vint et siex anz.

Notes de transcription
^[1] Ainsi coupé: ne nirons.
^[2] Ainsi coupé: en contre.