Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe071

1326, 21 novembre

Type de document: charte: vente

Objet: Vente par Willemin dit Chiant, hôte de Fahy, par Agnès, sa femme, par Perrete, leurfille, autorisée par Poincet, fils de Broillet, son mari, par Panion, leur fille, femmede Willemenet, fils d’Henriet dit fils à Chesaut, de Villars[-le-Sec], par Jehannenet,par Jehannete et par Vernier, leurs enfants, à Simonet dit Gerdon, de Roches, maire dela terre de Blamont, pour 10 l. de bonne monnaie ayant cours au doyenné d’Ajoie d’unerente d’un bichet, moitié blé moitié avoine, à la mesure de Porrentruy, payable à laSaint-Michel et assignée sur des terres de franc-alleu à Fahy; et garantie de lacondition de franc-alleu de ces terres par Perrin dit Sèche Oreille et par Henriet, sonfrère, fils de feu Henriet, de Fahy; en cas de défaut de paiement de la rente, Simonetdit Gerdon pourra disposer de ces biens. Témoins: Jean, vicaire de Bure; Willemenet, deChevenez; Estevenet dit Favaiget, de Roches, et Guiot Olert, de Bure. — Acte établi aunom et sous le sceau de l’official de Besançon par Jean de Mandeure, notaire.

Commentaire: Parchemin jadis scellé sur simple queue. AAEB, B 239 Ajoie/105. — Analyse par J.Trouillat, Monuments…, III, p. 725.

Verso: De W. Chiant, Aignex, sai feme et Parrate, sai fille, de Phey. — Fay (xiv^e siècle).

1 Nos, officiauls de la court de Bessançon, 2 façons savoir a-touz 3 que, en la presence de monsi Jehanz de Manduerre, prestre, no\2taire et jurie de nostre court de Bessançon, a cui nos tant comme a ce nos havons commis nostre pouhoir et committons par ces presentes \3 lautres, 4 pour ce personalment establit, Villermins dit Chiant, li hostes de Faiz, Aignels, sa fome, et Perraute, lour fille, par le loux \4 et la volluntey de Poincet, fil Broillet, son mairi, et Panion, lour fille, fome Villermenot, fil Henriot dit fil a Chesaut, de Vi\5lart, Jehannenet, Jehannete et Varniers, lour anfanz, ont vendu et vendent, ont baillie, quitey, outroié et delivrer a touz jours\6mais, perpetuelment, a Symonet dit Gerdonz, de Rouches, maire a ce temps de la terre de Belamont, lui et ses hoirs, un bechaz de blef, \7 moitie blef et moitie avoine a la mesure de Porreintruy, pour deix livres de bone menoie corsauble ou dienart de Ajoye, a pahiez le dit \8 bechat de blef, a touz jours-mais, de rente, a la Saint Michie, chescun anz venant das la confection de ces presentes lautres. 5 Les quelles diex \9 livres li dis Villermins et sa fome et sui anfanz desus nommez, tuit ensenble et uns chescuns par lui, ont haües et recehues dou dit Gerdon \10 en bone menoie bien nombree, mise et tornee en lour evidant profist, si que il s-en sunt tenuz pour bien pahiez antierement. 6 Pour le-quel be\11chaut de blef desus dit, a la mesure desus dite, li dis Villermins, sa fome et lour anfant, tuit ensenble et uns chescuns par lui, ont \12 obligiez et obligent, ont essis et essetent a dit Symonet, lui et ses hoirs, sus lourz chesaul et sus lour cortil et sus hoit \13 jornalz de (de) terre ou finaige et ou terretoire de Faiz, le quel chesaul et le quel cortil giest en la vile de Faiz, entre le chesaul Rain\14bout d-une pairt et le chesaul es anfanz Varnierz d-autre part; 7 item, giest li uns des dit hoit [jornalz] de terre en la vie de Vilart, \15 antre le chanpt es anfanz Henriot, sun frere, d-une part et le chanpt es moinnes de Lucelans d-autre part; 8 item, un jornalz de terre, \16 antre le chanpz es moinnes d-une part et le chanpt es anfanz Varnier, son frere, d-autre part; 9 item, un jornal de terre, aprés la terre saint \17 Houri d-une part et les anfanz Henriot, son frere, d-autre part; 10 item, un jornal en la vie de Cheveney, entre le chanpt es anfanz son \18 frere Varnier d-une part et le chanp a Themonierz d-autre part; 11 item, es Grans Chanps, dous jornals, antre le chanpz es anfanz Henriot, \19 son frere, d-une part et la terre Perrin d-autre part; 12 item dous jornals de terre a chavonz des chans de Planchois, qu-an celle plaice que en cele \20 devant dite doit havoir quatre jornals de terre. 13 Les quels chesaul et les dit hoit jornals de terre li dit Villermi[n]s, sa fome \21 et lour anfanz desus dit, tuit ensenble et uns chescuns par lui, ont obligie et outroié a dit Gerdon, lui et ses hoirs, comme franc \22 aluef. 14 Et si ainsit estoit que li dis Villermins, sa fome et lour anfanz ou li hoirs de lour, c-est a savoir li hoir des desus dit vanders, \23 ne puessent garantir a dit Gerdom, lui ou ses hoirs ou es hoirs des ces dit hoirs, a touz jors-mais, le dit bechat de blef chescun anz ai-touz \24 jours-mais, perpetuelment, li dis Gerdons ou sui dit [hoir] ou ses certains commandement praignent sanz contredit le-dit chesaul, le cortil et la \25 dite terre, et est eschoite a dit Gerdon et a ses hoirs par droit, c-est a-savoir par deffaut de pahement. Et pour plus grant saürtey faire \26 a-dit Gerdom dou dit pahement faire, lui et ses hoirs, et de faire que li dis chesaul, li cortil et la dite terre soit frans aluef, \27 Perrins dit Saiche Oreille et Henriot, ses freres, anfanz Henriot, qui fui, de Faiz, se sunt mis et estaublit plaiges et principaulz ran\28daurs et guarantisaurs de choses desus dites, c-est a-savoir dou dit bechat de blef a-pahiez a-touz jours-mais a-la Saint Mi\29chie, chescun anz venant das la confection de ces presentes lautres, et de faire la dite terre desus dite pour les dit vendour faire franc \30 aluef a dit achetour, lui et ses hoirs. 15 Li quel li dit frere, tuit ensenble et uns chescuns par lui, ont renonciez en ces fait premierement \31 de convenir, de amonester ou d-escomenier ^[1]. 16 Et est a-savoir que li dite Aignelaut quite les choses desus dites, c-es a-savoir s-elle i hai \32 acunne action ne raison pour cause de douhaire ou de mairiaige ou de aquise ou d-autre chose que elle i puisse demander par raison aprés le \33 deceps de son mairi. 17 Le quel bechaut de blef desus dit et toutes les choses desus dites li dit vendours et les dites plaiges \34 ont promis et promatent, par lour foiz et par lour soirement doner en la main dou dit nostre commandement, par sollempnel stipulation entreve\35nant, pahier, satiffierz a dit Gerdom, lui et ses hoirs, a-touz jours-mais, et les dites convenances garder et mantenir, sanz \36 jemais aler encontre, mais li tenront et manteront et garantiront en toutes cours temporals ou esperituals, a-lour \37 propres despans les choses desus dites. 18 Et ont renonciez en ces fait tuit ensenble, li dit vendour et les dites plaiges, et renun \38cent, par lour dit soirement, a tou ce que un temps il porrient oposer ne obicier contre ces presentes lautres. 19 Et ont ausi obligiez \39 li dit vendour, tuit en ensenble et uns chescuns par lui, et les dites plaiges, et obligent en la main dou dit Gerdon et de-ses \40 (lors) hoirs (et) lour biens moubles et non moubles, presenz et a-venir, en quel-que leu que on les puisse trover, en-franchise et defuerz, \41 pour garantie de choses desus dites. 20 Et nos, officiauls desus, es dit vandours et es dites plaiges, toz en ensenble et uns-ches\42cun par lui, havons engeoint par le dit nostre commandement nomeement amonester que les choses desus dites taignent et fermement gardient; \43 se ce non, nos commandons a touz noz chapellainz de la dyocese de Bessançon a-cui ces presentes lautres iront que, pour le desfaut de pahement et \44 choses desus dites, par la requeste dou portour de ces lautres, escomenient ^[2] et denuncient pour escomenierz ^[3]; ainsit l-unt volu li dit vendour \45 et les dites plaiges et se sunt quant a ce submis en la juridiction de nostre cort de Bessançon, et quant a matre icés nostre commandement \46 a esecution, li uns de vos ne attende l-autre. 21 Donees desoz nostre seel par la relation dou dit nostre commandement, presenz monsi Jehanz, \47 vicaire de Bures, Voillermenot, de Cheveney, Estevenot, de Rouches, dit Favaiget, et Guiot Olert, de Buyres, tesmoins \48 a ce appellez et requis. 22 Faites et donees la .XI. kalende de dezenbre, l-am mil .CCC. et vint et seix. Jo. de Manduerre.

Notes de transcription
^[1] Ou escomunier.
^[2] Ou escomunient.
^[3] Ou escomunierz.