Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0461

1270, août. – Douai.

Type de document: charte: testament

Objet: Testament de Gillot Maiole prévoyant de solder ses dettes et en faveur de la paroisse Saint-Pierre (luminaire du tabernacle 5 s.; à la Table du Saint-Esprit 10 s.; au mandé de Saint-Pierre 10; au curé Ernoul curé 4 lib. par.; au chapelain Mikiel chapelain 40 s; à Gérard de Houdain, 40 s.; au clerc portant l’eau bénite 10 s.), de divers établissements caritatifs et religieux (à l’hôpital des Wetz, 40 s.; à l’hôpital Saint-Jean devant Saint-Pierre, 20 s.; aux Bons enfants, 20 s.; aux béguines d’Agnès de Corbie 20 s.; à l’Œuvre sainte-Catherine, 10 s.) et d'enfants de particuliers (ceux de maître Jean de Sin, de Brebières, 6 lib. par.; de Pieron Le Cangeur, 6 lib. par.; de Saintain de Neuvireuil, 6 lib. par.; de Gérard Ki nient ne croit, 6 lib. par.; de Mikiel Boniarat, de Vitry, 6 lib. par.). Il fonde un obit dans l’église Saint-Pierre (26 s. pour la livrée de l’officiant et 2 chapons pris sur une maison). En cas de contestation par l’un des héritiers, il s’en remet aux testamenteurs. Si à son trépas, il dispose de plus d'argent, le surplus sera donné pour l'aumône des évêchés d'Arras et de Tournai. En cas contraire, les testamenteurs diminueront proportionnellement la somme de chaque héritier.

Auteur: non annoncé, échevins de Douai.

Disposant: Gillon Maiole

Sceau: non scellé; devise chirographaire: CIROGRAPHES

Bénéficiaire: Institutions et clercs de la paroisse Saint-Pierre de Douai (luminaire du tabernacle, Table du Saint-Esprit, mandé de Saint-Pierre; Ernoul (de Houdain), curé; Mikiel, chapelain; Gérard de Houdain (clerc?); clerc portant l'eau bénite) - Etablissements douaisiens (hôpital des Wetz, hôpital Saint-Jean devant Saint-Pierre; Bons Enfants; béguines d'Agnès de Corbie; Oeuvre Sainte-Catherine) - Enfants de particuliers (Jean de Sin, de Brebières, Pieron Le Cangeur, Saintain de Neuvireuil, Gérard Ki nient ne croit,de Mikiel Boniarat, de Vitry).

Autres Acteurs: testamenteurs: Ernoul, curé de Saint-Pierre et Jehan d'Escaudain - échevins de Douai: Willaume de Lambres, Sohier Le Petit.

Support: Original parchemin chirographe superposé bipartite - partie supérieure.

Lieu de conservation: AM Douai, FF 861/32602.

Verso: C’est li devise Gillot Maiole.

1 Sacent tout cil ki sont et ki a venir sont ke Gillos Maiole fait se devise et sen testament en tele maniere com ci aprés est de[viset] ^[1]. Tout au-coumencement, il veut et otrie \2 ke toutes ses detes bones et loiaus soient paies tout avant et si tort fait amendet par le consel de Sainte Eglise et de ses testamenteurs ki ci aprés seront noumet. A\3prés il doune pour Dieu et en aumosne al eglise Saint Piere de Douai .X. s., a le candelle ki art devant Corpus Domini .V. s., a le tavele dou Saint Esperit .X. s., au-Mandé \4 a Saint Piere .X. s., a maistre Ernoul, parrochien de Saint Piere, .IIII. lib. par., a mon signeur Mikiel, capelain, .XL. s. par., a mon signeur Gerart de Houdaing .XL. s. par., \5 as clers ki portent l'iaue benoite .X. s. par., al ospital des Wes .XL. s., al ospital Saint Jehan devant Saint Piere .XX. s; as Bons Enfans de Douai .XX. s. et tout a-pitance, \6 as poveres begines ki mainent en le maison Agniés de Corbie .XX. s., al ouevre Sainte Catheline .C. s.; et encore laist Gillos devant dis as enfans maistre Jehan de Sym de Ber\7biere .VI. lib, as enfans Pieron le Cangeur .VI. lib., as enfans Saintain de Nuevirele .VI. lib., as enfans Gerart Ki nient ne croit .VI. lib., as enfans Mikiel Boniarat de \8 Vitri .VI. lib., et tout cist denier ki ci sont noumet sont par. Et encore doune Gillos devant dis pour faire sen obit a Saint Piere a le livree et au prestre ki dira le messe .XXVI. s. \9 par. et .II. capons k'il-a sour le maison Jakemon le Boulenghier ki maint en l'Aunoi, tout ensi ke si testamenteur ki ci aprés seront noumet verront ke bon ert et pour leur volenté. \10 Et s'il avenoit cose ke aukuenes de ces personnes ki ci devant sont noumet u ki n'i sont mie noumet enpeechassent ^[2] u destourbassent le testament a crestienté ne a-laie justice, par aus \11 ne par autrui, Gillos veut ke cieus u cele u cil ki l'enpeecheroient ^[3] u destourberoient n'i-aient autre cose ke si testamenteur, ke ci aprés seront noumet, leur en vauroient \12 douner de grasse et de leur volenté; et encore veut li devant dis Gillos et otrie ke, se il avoit plus vaillant au jour de sens trespas en muebles, en catheus ne en-iretages ke chou \13 ne vaille ki ci est aumosnet et deviset, ke cil ki erent si testamenteur aient pooir del aumosner pour Dieu et pour l'ame de lui en l'esveskié d'Arras as lieus et as persounes u-il \14 verront ke bon sera, especiaument pour Dieu et pour l'ame de lui et en l'esvekié ausi de Tournai pour leur volenté; et s'il avenoit cose ke Gillos eust mains vallant au jour \15 de sen trespas en muebles, en catheus ne en iretages, ke chou ne vaille ke ci est aumosnet et deviset, ke cil ki erent si testamenteur aient pooir de ramenrir les aumosnes \16 ki ci devant sont devisees et aumosnees, si keme en cascun lieu et a cascune persoune al-avenant. Et de ceste devise prent li devant dis Gillos ses testamenteurs maistre Er\17noul, parrochien de Saint Piere de Douai, et Jehan d'Eskaudaing et si veut li devant dis Gillos ke se il i-avoit debat entre les testamenteurs ki ci sont noumet, ke on ouevre \18 dou testament par le consel eskievins de Douai. Et parmi ceste devise rapele li devant dis Gillos toutes autres devises ki ont esté faites duske au jour d'ui et ceste devise puet \19 li devant dis Gillos cangier, muer et rapeler et faire dou sien se volenté, tant com il ara le vie el cors. A ceste devise furent com eskievin Willaumes de Lambres et Sohi\20ers li Petis. Ce fu fait l'an del Incarnation Nostre Signeur mil .CC. et .LX. et .X. ans, el mois d'aoust.

Notes de transcription
^[1] Le texte est effacé ms
^[2] enpeechassentms.
^[3] lenpeecheroientms.