Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe058

1325 (n. st.), 21 février.

Type de document: charte: vente

Objet: Vente par Perrenet et par Bourquenet, frères, fils de feu Jeannin, de Buix, à l’abbé et au couvent de Lucelle pour 16 l. de bâlois ayant cours au marché de Porrentruy d’une rente annuelle d’un muid, moitié blé moitié avoine, à la mesure de Porrentruy, payable à la Saint-Martin d’hiver et assignée sur des terres des colonges de Lucelle, à Buix; en cas de retard de plus d’une année dans le paiement, les moines de Lucelle pourront disposer de cesbiens.

Auteur: Perrenet et par Bourquenet, frères, fils de feu Jeannin, de Buix.

Sceau: Richart, curé de Courcelles, et conseil de Porrentruy.

Bénéficiaire: Abbé et au couvent de Lucelle.

Support: Parchemin jadis scellé de deux sceaux sur double queue.

Lieu de conservation: AAEB, B 240/21.

Verso: Lettres de Bo…^[a] de Busch (xiv^e siècle).

1 Nos, Perrenaz et Bourquenez, frere, amfant ça en arriers Jehannin, de Boix, 2 façons savoir ai touz que nos, non pez decehu ne contraint \2 d-aucun, maix saige et bien avisé et pour nostre grant profit evidant, havons vendu et vendons, pour nos et pour nostres hoirs, a miex que on puet \3 faire vendicion et pluis fermement entendre, senz gemaix rapeller, 3 as religiouses et discretes persones, ay le abbé et a convent de \4 Luscelan, de-l-ordre de Citey, pour lour et pour lour successours, pour seize livres de baloys, menoie coursable ou marchie de \5 Pourraintruy, hun muy, moittie blef et moittie avoinne, ai lai musure de Pourraintruy, chescun an ai touz jours-maix, de rente ai paier \6 as diz moinnes de Luscelans ou ai lour commandement ai chescune feste de lai Saint Martin d-yver. 4 Lou quel dit muy de rente nos ha\7vons aissis et assettons, assigné et assignons, pour nos et pour nostres hoirs, pour touz jours-maix, as dessus diz abbé et convent dou dit \8 luec suiz les peces de terre ci aprés devisees, gesans en lai fin et ou territoire de Boix, que sunt de lour colonges; 5 premierement, en Mont Perrou, \9 douz jornalz, Jehans, filz Ellin, hay d-une part et li Françoys hay d-autre part; 6 item, a Traversein, douz jornalz, Henriaz, de Belrouart, hay d-une part \10 et Otthenez hay d-autre part; 7 item, dessour Troche de Periers, une pece de terre, Wathiers, nostres freres, hay d-une part et Pettiz hay \11 d-autre part; 8 item, a Chardenoy, hun jornal, li diz Henriez hay d-une part et Perrins, filz Patterel, hay d-autre part; 9 item, ai lai Bruchiere, une \12 peice, entre les diz Wathier et Pettiz hay d-autre part; 10 item, en Novalz, hun jornal, li diz Henriez hay d-une part et li amfant a Louttier \13 hont d-autre part; 11 item, en lai Combatte, une pece, li diz Wathiers hay d-une part et li diz Henriez hay d-autre part; 12 item, es Lomenes, hun jor\14nal, li diz Henriez hay d-une part et lai terre Lachemule d-autre part; 13 item, en Solleriz, douz jornalz, li diz Pettiz hay d-une part et Jehannenez, filz \15 Ellin, hay d-autre part; 14 item, en lai Combatte, douz jornalz, Thierriez et sui partaige hont d-une part et d-autre; 15 item, en hat de Mont Forgy, hun jor\16nal, li diz Jehannenez hay d-une part et Otthenins hay d-autre part; 16 item, derers lai Vie de Bures, douz jornalz, li diz Henriez hay d-une part et \17 les donzelz de Boix d-autre part; 17 item, suiz Chenalz, hun jornal, Otthenas hay d-une part et li terre a Courdier est d-autre part; 18 item, li maimmes, \18 hun jornal, li diz Otthenez hay d-une part et Wathiers hay d-autre part; 19 item, suiz les Roches, douz jornalz, entre lou dit Thierriat et Pettiz \19 hay d-autre part; 20 item, lou chessal et le oyches aprés que giet entre lai terre a dit Otthenat et li terre a Saint est d-autre part; 21 item, les douez parties \20 dou wargier que giet derriers chiez lou dit Pettit; 22 item, nostre partie dou prey geissant arriers chiez lou dit Pettit, entre lou dit Henriat, de Belrou\21art, et lou commeyne d-autre part; 23 item, ce que nos havons de prey derriers lai Ville, que part a dit Wathier, nostre frere, et a dit Pettit; 24 item, nostre partie de \22 Prey Belin, entre lai terre de Grantgourt et les amfans a Bouttier d-autre part; et aprés suiz tout ce de terre que nos havons et pouhons havoir \23 a dit territoire de Boix, que muet ai part lai dite maisson de Lusselans. 25 Les queles seize livres de baloys dessus dites nos havons haüez et recehuez dez \24 diz signours et moinnes de Luscelans en bone menoie et bien nombree et de lour propre chattel, et mises les havons en nos profis, si que nos nos en tenons pour \25 paié entierement. 26 De lai quele terre dessus devisee nos, li dit frere Perrenez et Bourquenez, nos sumes desvesti et nos desvestons, pour nos et pour nostres \26 hoirs, et les diz abbé et convent de Luscelans et lour succesours en havons envesti et envestons, et si les en havons mis et mettons en bone tenure \27 et leal et en bone possession pour touz jours-maix per ces presentes lettres, per tel devis que, si tost comme nos ou nostre hoir lour desfarriens de paier lou \28 dit muy de blef de rente a terme dessus dit et que nos ne lour paiesciens jusque ai ce que li une rente troveit l-autre ai paier ensamble, li \29 dit moinne ou lour commandemens doivent et puent torner suiz lai dite terre et faire lour bone volenté comme de lai lour propre chose, non obstant au\30cune exception de fait ou de droit. 27 Et ces dites convenances havons nos promis et promettons, per nos lealx soiremens donés suiz sainctes ewangeles touchi\31ez et suiz l-obligation de touz nos biens moubles et neant moubles, ai tenir, desfendre et guarantir encontre toutes gens, ai nos propres despens et \32 missions, senz aler encontre pour nesun caux. 28 Et est ai savoir que lou dit muy de rente nos devons paier chescun an franschement as diz signours \33 de Lusselans, c-est ai entendre que nos devons paiier toutes les debites que li dite terre doit. 29 En tesmoignaige de lai quele chose, nos, li dit frere Per\34renez et Bourquenez, havons proiie et requis as saiges persones et vaillans, mon sire Richart, curé de Courcelles, et a conseil dez bourjoys de Por\35raintruy, que mectent lour seelz en ces presentes lettres; et nos, Richars, curés de Courcelles, et li conselz dez bourjoys de Pourraintruy, as \36 proiieres et as requestes dez diz freres, havons mis nos seelz en ces presentes lettres en signe de verité. 30 Faites et donees lou juedi \37 prochain devant les Bordes, l-an de grace courrant per mil trois cens et vint et quattre.

Notes de fiche
^[a] Effacé.