Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe048

1322, 28 mai.

Type de document: charte: concession perpétuelle

Objet: Concession perpétuelle par Jean [de Pleujouse], prévôt de Porrentruy, par Richart d’Asuel, par Jean dit Courtat, par Vernier le fèvre, par Perrin de Bourrignon, par Peter le tailleur, par Henriet, fils de Chamon, et par Loviat, fils de Boschaz, membres du conseil de Porrentruy, et par Willemet des Éstals, « ambourg » de la communauté de Porrentruy, à Richart dit Vaydrel, chevalier, de Porrentruy, du terrain communal sis à Val de Fontenais nécessaire au déchargeoir d’une roue hydraulique et d’une foule sises sur ses propres biens (voir n° 47), moyennant une rente annuelle d’une channe d’huile pour le luminaire de Porrentruy, assignée sur l’ensemble des installations et payable à Noël.

Auteur: Jean [de Pleujouse], prévôt de Porrentruy, Richart d’Asuel, Jean dit Courtat, Vernier le fèvre, Perrin de Bourrignon, Peter le tailleur, Henriet, fils de Chamon, Loviat, fils de Boschaz, membres du conseil de Porrentruy, et Willemet des Éstals, « ambourg » de la communauté de Porrentruy.

Sceau: Conseil de Porrentruy.

Bénéficiaire: Richart dit Vaydrel, chevalier, de Porrentruy

Support: Parchemin scellé sur double queue.

Lieu de conservation: AAEB, Chartes.

Édition antérieure: Analyse par J. Trouillat, Monuments…, III, p. 712.

1 Nos, Jehans, prevost de Porraintruy, Richars de Hesuel, Jehans diz Corthez, Warniers li favres, Perrins de Boreignon, \2 Petter li thaillierres, Henriez, filz Chamon, et Loviez, filz Boschaz, conseil en ce temps de Porraintruy, et Willemas dez Estax, \3 aimbours de la commenatté de Porraintruy, 2 façons savoir a touz 3 que nos, en reguardant lou commun profit de nos et dou dit communal de \4 Porraintruy, et per lou loz et l-auctorité de lour, 4 entierement havons laissie et laissons en herietaige perpetualment, por nos et por nos aprés ve\5nans, pour une channe d-oyle chescun an de rente, a paier a recevour des biens dou luminaire de Porraintruy ai chescune feste \6 de la Nattivité Nostre Signor, dez lou jour de la confection de ces lettres en avant, 5 ay mon sy Richart dit Waydrel, chevalier, de Porraintruy, \7 por lui et por ses hoirs, por touz jours-mais, nostre commeine que nos havons a luec que on dit en Wal-Fonthenois, c-est ai entendre ce \8 que mestiers sauray a dit mon sy Richart ou ai ses hoirs ou ai lour commandement, quelz que il fuit, pour havoir l-avier suis lou \9 dit nostre commeine, que necessaire lou sauroit ou pourroit estre ce an aprés pour faire une wayche ou hun battour avuec \10 suis le herietaige a dit mon sy Richart, chevalier; ne pluis avant il ne doivent demander dou dit nostre commeine fors que por lou dit avier \11 necessaire a dit battour et a la dite wayche, senz fraude et senz bareit. 6 La-quele dite channe d-oyle nos devons panre et havoir ai touz jours\12mais, en nom que dessuis, suis la dite waychey et suis lou dit battour et suis lour appertenances dou dit luec, es queles choses, nos et nostre \13 aprés veignans nos devons tenir se ainsic estoit que il y heust deffautte dou paiement de la dite channe d-oyle de rente. 7 Et parmé ce \14 nos sumes tenu, por nos et por tout lou communal, per lou loz et la requeste de lour, de aipaisier, deffandre et guarantir lou dit commeine, \15 per ainsi comme il est devant devisé, a dit mon sy Richart et ai ses hoirs et ai lour commandement, que haurient ces presentes lettres, encontre ^[1] \16 toutes gens, ai nos propres despens et missions. 8 En tesmoignaige de la quele chose, nos, li conselz devant nommés, per lou loz et lai requeste dou \17 dit aimbour et dou dit commun de Porraintruy, havons mis nostre seel commun de Porraintruy en ces presentes lettres en signe de verité. 9 Faites et \18 donees lou venredi devant la feste de la Penthecoste, l-an de grace corrant per mil trois cens et vint et douz.

Notes de transcription
^[1] Ainsi coupé: en contre.