Téléchargement du document

Documents linguistiques galloromans
Corpus : docJuBe (chJuBe)
Responsable du corpus : -
Édition de la charte : -

docJuBe047

1322 (n. st.), 27 mars.

Type de document: charte: promesse

Objet: Promesse par Perrin de Bourrignon et par Jean dit Corbat, de Vendlincourt, bourgeois de Porrentruy, de payer chaque année à Richart dit Vaydrel, de Porrentruy, chevalier, 48 s. de monnaie ayant cours au marché de Porrentruy et deux chapons, soit 24 s. à la Saint-Jean-Baptiste, 24 s. à Noël et les deux chapons à Carême-entrant, pour une place de terre à Porrentruy que Richart dit Vaydrel leur a concédée pour quarante ans afin d’y établir une roue hydraulique et une foule (voir n° 48); garantie du paiement de cette rente par l’obligation de la maison que chacun des deux concessionnaires possède à Porrentruy; exemption de paiement pour l’utilisation personnelle des installations par Richart dit Vaydrel et ses héritiers après lui; et promesse de remise de la place et des installations en bon état à la fin du bail.

Auteur: Perrin de Bourrignon et Jean dit Corbat, de Vendlincourt, bourgeois de Porrentruy

Sceau: Louis, curé d’Alle, Jean, curé de Bressaucourt, et conseil de Porrentruy.

Bénéficiaire: Richart dit Vaydrel, de Porrentruy, chevalier.

Support: Parchemin scellé de trois sceaux sur double queue (restaurés en 1981).

Lieu de conservation: AAEB, Chartes.

Édition antérieure: Analyse par J. Trouillat, Monuments…, III, p. 708 (à la date du 28 mars 1321).

1 Nos, Perrins de Boreignon et Jehans diz Corbaz, de Vandelincourt, bourgeois de Porraintruy, 2 façons savoir a touz 3 que, comme nos haiens pris et retenu \2 en nom de admodiation de mon sy Richart dit Vaydrel, chevalier, de Porraintruy, une place de terre, gisant ou territoire de Porraintruy, a luec que on dit en Wal \3 Fonthenoys, que giet entre lai doie a curé de Porraintruy d-une part et l-avier arriers lou corthyl que li femme Perreissat tient de la terre que fuit mon sy Cuene, chevalier, \4 de Myrual, d-autre part, la place entierement dez la vie par que on vait vers Fonthenoys jusque ai l-autre avier, et ce que nos hauray mestier dou commeine \5 a dit luec pour faire une vayche et hun battour. 4 Lai quele dite chose nos havons receu dou dit mon sy Richart, jusque ai quarente \6 annees continuelment enseuguans la confection de ces lettres, pour quarente et huyt solz, menoie coursable ou marchie de Porraintruy, chescun \7 an de rente et douz chappons. 5 Nos, li dessus dit Perrins de Boreignon et Jehans diz Corbaz, havons promis et promettons, par nos soiremens, ches\8cuns dou tout, ai paier a dit chevalier et ai ses hoirs les diz quarente huyt solz et les douz chappons chescun an, senz faillir, c-est ai savoir \9 vint et quattre solz ai la Nattivité saint Jehan Baptiste et vint et quattre solz ai lai Nattivité Nostre Signor, et les chappons ai Kareimmen\10tran. 6 Et pour ce que li diz mes sy Richars et sui hoir soient plus segur de la dite rente ai paier chescun an, senz chose que nos puissiens mettre \11 encontre ^[1], nos lour en havons obligie, chescuns dou tout, nos maisons gisans en la ville de Porraintruy, c-est ai savoir: je, li diz Perrins, ma maison, gisant \12 a Bour, entre lai Ponge Vie et lai maison que fuit Jehan, de Belviler, et je, li diz Jehans diz Corbaz, mai maison, gisant entre lai maison es hoirs \13 Perrin lou Maittrescier et lai grange es hoirs mon sy Holri, chevalier, que fuit, de Sonvelier, es queles nos dites maisons li diz mes sy Richars et sui \14 hoir se doivent tenir jusque nos eussions paié lai deffaute de la dite rente et lai emende s-il la volient lever de nos selonc les us dou \15 paiiz, senz ce que nos doiens ne puissiens aler encontre pour nesun cax que ce soit ou avenir puisse. 7 Et est ai savoir quar li diz mes sy Richars et sui hoir \16 doivent battre en pardon a dit battour pour lour us, toutes les foiis que il vourrient et miex lour plairoit. Et quant les dites annees saurient \17 fors, li dite place doit demorer a dit mon sy Richart et ai ses hoirs, revestie de la dite vaychey et dou dit battour, en lai maillour meniere \18 que nos l-auriens tenu pour nostre us, senz fraude et senz baireit; et se riens y failloit, nos ou nostre hoir lou devriens parfaire, ai nos propres missions et \19 despens. 8 En tesmoignaige de la quele chose, nos havons proié et requis es saiges persones, mon sy Loui, curé d-Alle, mon sy Jehan, curé de Brisacourt, et a conseil \20 de Porraintruy, que mettent lour seelz en ces presentes lettres; et nos, Louis et Jehans, curé dessus dit, et li conselz de Porraintruy, es proieres des diz Perrin de Boreignon \21 et Jehan dit Corbat, havons mis nos seelz en ces presentes lettres. 9 Faites et donees lou sambedi aprés feste Nostre Dame qu-est ou moys de mars, l-an de grace \22 corrant par mil trois cens et vint et hun.

Notes de transcription
^[1] Ainsi coupé: en contre.